رمح الندى
12-04-2005, 08:42
الشخصيات : الأمورتان فوفو و سولي .
المكان : فوفو أمام مسبح الفيللا وسولي في شقتها .
الزمان : الساعة 12 ليلا يوم 18 / 8 / 2003
( يرن موبايل فوفو فترد على سولي )
سولي : بونسوار فوفو ... كيفك ؟
فوفو : بونسوار حياتي ... آآآآآخ يا سولي رح يطق عقلي .
سولي : خير ... شو في ؟ .. ليكون زعلانة على رويدة .
فوفو : زعلانة وبس .. رح جن .. رح موت .. ياي عليكي يا رورو .. الغشاشين خسروها وربحوا البطحيشة الفيلة ديانا كرزون .
سولي : يضربوا هنه وهالبرنامج .. أصلا أنا من لما طلع ملحم زين .. حتى الفيوتشر لغيتا من الستالايت . لكان مو حرام هالشبوبية الحلوة وهالغمازات يللي بتطير العقل ما بيطلع سوبر ستار العرب .. يا حيف عالعرب والعروبة يا حيف .
فوفو : بس أنا بصراحة كنت عم صوت لرورو لأنو دادي قللي إنو هادا واجب وطني .. وعدا مصروف الجيبه كان عم يعطيني كل يوم ميت دولار حوافز لحتى صوت أكتر .
سولي : معناتا فاتورة سيليوليرك عم تطلع كتير هاي .
فوفو : سكتي وخليهال على الله .. ميتين ألف ما عم بتكفيني مصروف بالشهر ..
سولي : ( متظاهرة بأتها لم تسمع آخر جملة ) : آلو ... ألو ... ماعم بسمعك مليح .. علي صوتك شوي .
فوفو : أوكي .. وهلق .
سولي : هلق ماشي الحال .
فوفو : يلعن أبو هالخطوط شو صايرة زفت .. دادي وعدني بعيد ميلادي يشتريلي ( ثريا ) .
سولي : ريلي ( realy ) .. يعني عن جد .. ألف مبروك .. قدها وقدود . ( تحاول تغيير مسار الحديث لشدة حنقها وغيرتها ) ..
صحي سمعتي شو مساوين الأمريكان بالعراق اليوم .
فوفو : صار لي زمان ما تفرجت عالأخبار .. ليش شو جاب الأميركان عالعراق ؟ .. شو جايين يعملوا سياحة ويتفرجوا عالأهرامات .
سولي : ولو فوفو .. ليش ما دريتي إنو الأميركان استحلوا العراق ؟
فوفو : عن جد .. ما بصدق .. الأميركان كتير طيوبين .. هيك قللي دادي لما طلع آخر مرة شهرين لأمريكا مهمة عالحساب الدولة .
سولي : هاد يللي صار .
فوفو : ليكون إنتي مخربطة .. يعني يمكن يكونوا جايين يعملوا ويك إيند بالعراق وبيرجعوا دغري على أمريكا .
سولي : صدقيني هادا يللي صار عم بحكي عن جد .
فوفو : لكان هيكك .. والله هزيتيلي بدني .. يلعن أبو الأميركان . . خلص هالمرة عن جد رح قاطع البضايع الأمريكية وبدل سيارتي الشيروكي وجيب بدالها مرسيدس .. مع إنو أنا والمرسيدس ما كتير .
سولي : شو بدك تساوي .. هي ضريبة الوطنية .. يالله بتريدي شي صار لازم روح عالنايت كلوب .
فوفو : وأنا كمان صار وقت الجاكوزي تبعي .
سولي : بااااي .
فوفو : بااااي .
( ويغلقان الخط )
سولي ( تتحدث مع نفسها ) : تضربي إنتي وهالموديل تفيدة خانم .. الله يرحم لما كان أبوكي شقفة أمين مستودع بكازية حكومية.
فوفو ( أيضاً تحدث نفسها ) : تضربي إنتي والعراق .. قال يعني مثقفة ومتابعة سياسة .. هه .
النهاية
( ملاحظة : هذه الشخصيات لا تمت للواقع بأي صلة وهي محض خيال )
المكان : فوفو أمام مسبح الفيللا وسولي في شقتها .
الزمان : الساعة 12 ليلا يوم 18 / 8 / 2003
( يرن موبايل فوفو فترد على سولي )
سولي : بونسوار فوفو ... كيفك ؟
فوفو : بونسوار حياتي ... آآآآآخ يا سولي رح يطق عقلي .
سولي : خير ... شو في ؟ .. ليكون زعلانة على رويدة .
فوفو : زعلانة وبس .. رح جن .. رح موت .. ياي عليكي يا رورو .. الغشاشين خسروها وربحوا البطحيشة الفيلة ديانا كرزون .
سولي : يضربوا هنه وهالبرنامج .. أصلا أنا من لما طلع ملحم زين .. حتى الفيوتشر لغيتا من الستالايت . لكان مو حرام هالشبوبية الحلوة وهالغمازات يللي بتطير العقل ما بيطلع سوبر ستار العرب .. يا حيف عالعرب والعروبة يا حيف .
فوفو : بس أنا بصراحة كنت عم صوت لرورو لأنو دادي قللي إنو هادا واجب وطني .. وعدا مصروف الجيبه كان عم يعطيني كل يوم ميت دولار حوافز لحتى صوت أكتر .
سولي : معناتا فاتورة سيليوليرك عم تطلع كتير هاي .
فوفو : سكتي وخليهال على الله .. ميتين ألف ما عم بتكفيني مصروف بالشهر ..
سولي : ( متظاهرة بأتها لم تسمع آخر جملة ) : آلو ... ألو ... ماعم بسمعك مليح .. علي صوتك شوي .
فوفو : أوكي .. وهلق .
سولي : هلق ماشي الحال .
فوفو : يلعن أبو هالخطوط شو صايرة زفت .. دادي وعدني بعيد ميلادي يشتريلي ( ثريا ) .
سولي : ريلي ( realy ) .. يعني عن جد .. ألف مبروك .. قدها وقدود . ( تحاول تغيير مسار الحديث لشدة حنقها وغيرتها ) ..
صحي سمعتي شو مساوين الأمريكان بالعراق اليوم .
فوفو : صار لي زمان ما تفرجت عالأخبار .. ليش شو جاب الأميركان عالعراق ؟ .. شو جايين يعملوا سياحة ويتفرجوا عالأهرامات .
سولي : ولو فوفو .. ليش ما دريتي إنو الأميركان استحلوا العراق ؟
فوفو : عن جد .. ما بصدق .. الأميركان كتير طيوبين .. هيك قللي دادي لما طلع آخر مرة شهرين لأمريكا مهمة عالحساب الدولة .
سولي : هاد يللي صار .
فوفو : ليكون إنتي مخربطة .. يعني يمكن يكونوا جايين يعملوا ويك إيند بالعراق وبيرجعوا دغري على أمريكا .
سولي : صدقيني هادا يللي صار عم بحكي عن جد .
فوفو : لكان هيكك .. والله هزيتيلي بدني .. يلعن أبو الأميركان . . خلص هالمرة عن جد رح قاطع البضايع الأمريكية وبدل سيارتي الشيروكي وجيب بدالها مرسيدس .. مع إنو أنا والمرسيدس ما كتير .
سولي : شو بدك تساوي .. هي ضريبة الوطنية .. يالله بتريدي شي صار لازم روح عالنايت كلوب .
فوفو : وأنا كمان صار وقت الجاكوزي تبعي .
سولي : بااااي .
فوفو : بااااي .
( ويغلقان الخط )
سولي ( تتحدث مع نفسها ) : تضربي إنتي وهالموديل تفيدة خانم .. الله يرحم لما كان أبوكي شقفة أمين مستودع بكازية حكومية.
فوفو ( أيضاً تحدث نفسها ) : تضربي إنتي والعراق .. قال يعني مثقفة ومتابعة سياسة .. هه .
النهاية
( ملاحظة : هذه الشخصيات لا تمت للواقع بأي صلة وهي محض خيال )