المساعد الشخصي الرقمي

مشاهدة النسخة كاملة : ثورهائج يقتحم مجلس النواب اليمنى


دنيا
03-06-2003, 05:58
ثورهائج يقتحم مجلس النواب اليمنى :eek:

صنعاء : أصيب ثلاثة أشخاص السبت فى مجلس النواب اليمنى جراء هياج ثور حاول الفرار من أيدى أصحابه الذين أتوا به الى مجلس النواب لذبحه/ عقيقة / لوزير الدولة لشئون العاصمة الذى هو فى نفس الوقت عضو فى مجلس النواب
وذكرت مصادر برلمانية وقبلية أن احدى قبائل / بيت معياد / لجأوا للثور فى محاولة لرفع الظلم الذى وقع عليهم من أمين العاصمة الذى ضم أراضى تابعة لهم الى ممتلكات أمانة العاصمة
وقال شهود عيان انه بينما كان الاهالى يريدون انزال الثور من على سيارة هايلوكس أمام البوابة الخارجية للمجلس انتظارا لوصول أمين العاصمة , فاجأهم الثور بالقفز هائجا الى ساحة المجلس متجاوزا حراسته باتجاه عدد من أعضاء مجلس النواب بمن فيهم أمين عام المجلس ليصيب أحد الموظفين وأحد الحراس
وبعد مطاردات اشترك فيها مرافقو النواب المحتشدين والمدججين بالأسلحة فر الثور خارج الساحة متسببا فى اصابة طفل وسيدة روسية تصادف مرورها من أمام المجلس وتم نقلهما على اثره الى المستشفى ,وتوقع شهود العيان أن تكون الروسية قد فارقت الحياة وتمكنت حراسة المجلس من قتل الثور بعد اطلاق النار عليه
.................................:):eek:

رنوش
03-06-2003, 12:44
عنجد خبر غريب ولا يخلو من الطرافة
لاني تخيلت شكلو هالثور وهو عم يركض والناس بتهرب منو
ومسكينة هالسيدة اللي وقعت بيدين هالثور .. وانشالله ما تكون توفت
طيب ما لقي الا يهجم على سيدة ؟؟... ما الرجال أكتر من الهم عالقلب .. كان هجملو على شي رجل .. بركي بيخف عددهم :D >> بس ما يسمعوني الشباب :)
يسلمو ايديكي دنيتنـــــــــا على هالاخبار الجديدة اللي بتزودينا فيها دائما .. والله يعطيكي العافية الهي .

fawzi
03-06-2003, 03:07
المشكلة أنو هدا الثور ما بيفهم بالبروتوكول, ما كان لازم يهجم على السيدات... بس شو بدنا نساوي حيوان ما بيفهم....

دنيا
04-06-2003, 04:26
الغاليين رنا وفوزي فعلا لما قريت الخبر استغربت وضحكت واتخيلت معقول يصير هيك بهلمكان .....:)......شكرا لمشاركتكم معي وردودكم الحلوة

maged1972m
04-06-2003, 05:11
بتعرفي دنيا عن جد هالتور فهمان

لانه عرف أنوا بدهم يدبحوه مشان هيك هررررررررب

ونطحلوا كم واحد على كم واحدة قبل ما يموت 000000

بس هالخبرية بالفعل غريبة كتيررررررررر

وانت رنااااااا لك الله يسامحك
لك كل هالقد متحاملة عالرجال بدك التور ينطحلوا شي واحد مشان يقلوا شوي
ههههههههههههه
بس عن جد حكياتك نهفة ومهضومين 00000

ويسلموااااااااااااا دنيا عالاخبار التازة

دنيا
04-06-2003, 06:35
كعادتك ياماجد ردودك حلوة ومميزة ...:)
بس شو قولك مو ياريت يطلعوا قرار انوا بكل اجتماع لازم يندبح ثور (عقيقة););)
شكرا الك ولمشاركتك اللي بتضفي نور على الموضوع

maged1972m
04-06-2003, 06:48
والله كلامك مظبوط يا دنيااااااااااا

اذا على كل قرار بدهم يدبحوا تور وهالتور يفلت ويهرب من بين ايديهم

وينطحلوا كم نائب على كم مسؤول بتكون هالشغلة من صالحنااااااااا

لانوا من كثرة القرارات ماعاد يصفى ولا مسؤول عايش كلهم بيموتوا نطح من التور

ههههههههههههه

دنيا
04-06-2003, 06:55
نحن ياماجد عمنقترح ولا عمندعي ...;):)......
واللهي كل خبر سياسي عبشوفه بيحزن أكثر من الثاني ...
وأكثر من هلأخبار مافي ...بس ماني حابة زيد همكم .......
يسلموا ياماجد على ردك الحلو

maged1972m
04-06-2003, 07:23
واللهي يا دنيا التنتين سوى

يعني عم نقترح وعم ندعي مع بعضهم 000000

ومادام الشغلة لساتها عوجى بدنا نضل ندعي عليهم 0000

اما اذا جلست الحكاية متل ما بدنا وقتها وبدون أي اقتراح مسبق

مندبحلهم خواريف وثيران على كل قرار جيد ومناسب للعرب 0000

هيك ولااااااااااااااااا مو هيك

ههههههههههههه

دنيا
04-06-2003, 07:26
هيك ونص ....:)....أخي ماجد بيقول شيء غلط ......;)..

maged1972m
04-06-2003, 07:30
مرضية الله يرضى عليكي