أنضموا لنا وألعبوا معنا في مسابقة الأمثال الشعبية...

[دنيا]

أخوتي الأعزاء أعضاء منتدى سوريا ستار ......
هي مسابقة ,هي لعبة,هي معرفة,هي تواصل فيما بيننا ,نتعرف فيها ونتذكر بعض من أمثالنا الشعبية ....
نتعرف فيها عن أمثال قد نجهلها ,ومن كافة البلدان ,فلكل بلد أمثاله وأقواله بلهجتهم الشعبية .....وعائلتنا تضم العديد من الدول المختلفة ....وهنا نتواجد في سهرة المنتدى الشعبية ,لتجتمع الأسرة والأخوة بكل محبة وفرح نروي من خلالها أجمل وأغرب أمثالنا ونستعيد بها زمان أجدادنا وأقوالهم ......
مع تمنياتي بمشاركة الجميع ,وقضاء أمتع الأوقات ,وأسعدها .
.......................................
|83| |81|

بما أن دنيا تعشق الزهور فسأستفتح سهرتنا بأول مثل( حلبي) وما قيل فيه عن الزهر والزهور من أقوال أو تشبيه أو مثل......
مثل :متل الزهر علنهر....
أيار شهر الأزهار....
البياخد زهر من علقبر بيصير معو ضيقة صدر ....
وعن الزهر أيضا:
عيونك السود اشكيها لشرع الله ...وخدودك الحمر يخزي العين وياماشاء الله
كل الزهور بزهروا في كل سنة مرة ...الا خدودك ياروحي دوم محمرة....
|88|
ياترى دور مين؟؟؟;)

[شادي الطويل]

دوري دنيــــــــا :

ياسلام شو هل أمثال لحلبيه يادنيا.. شغله ياخيتو ..
هلء أزا بدك نخصص مثلا عن لبيع .........

كل مكيال بكيل على أد كيلتو ........

كل فوله مسوسه وألها كيالها .........

لا تشتري ألا ما تشتهي ...........

ولله ما بعرف هلء هدول يالي أجو على راسي لساتني مشوش من لخبر .....

[maged1972m]

وانا وأنااااااااااااااا لك شو نسيتوني ( ههههههههه ) هلأ دوري :

طب الجرة على تمها بتطلع البنت لأمها |1|

آل الجمل بقرش ومافي قرش :D

يا جالسا على الجسر عيوني عليك شخاص ( ههههههه هادا من تأليف جدودي ) :D

ديل الكلب أعوج ولو حطوا بقالب :D

لا تواخذوني هادا اللي طلع معي |1|

هههههههههههه :D

[رنوش]

مممممممممممممممممممم
أنا لا أجيد الأمثال الشعبية :)
لكنني سأستمع لكم وكلي آذان صاغية :D

[JOMANA]

تحيه
لعبه حلوا مثل صاحبتها
بس انت جيتي على الجرح
لان انا ما اعرف اصل الامثال
يعني ممكن مثل باكستاني انسبه لى اهل البصره ...و العكس صح عندي:)

و ابو المثل ما خلا شئ ما قاله ;) ...هذا واحد

ما طار طير و ارتفع الا كما طار ووقع.....و هذا الثاني

اللي تلدغه الحيه بيده يخاف من جرة الحبل...

يريدها حار و مكسب و رخيص ....يقصد بيها الصمون او الخبزه

و لي عوده بعد مانلملم كم مثل و نجي;)
و ما اريد احد يسالني من وين المثل...-:D
و لكم تحياتي

[بيسان]

بالفعل ياأخت دنيا حلوة الفكرة انا أول شيء في بالي:

يارب كفيتنا من خيرك لا تعيزنا لغيرك

درهمونا وإللا فقدتمونا

خبىء قرشك الابيض ليومك الأسود

الذي بيته من قزاز ما بيضرب الناس بالحجر

يا مؤمن بالرجال مثل الماء بالغربال


هذا الذي حضر ذاكرتي حاليا|3|

[maged1972m]

واللهي أمثال حلوة كتير يا أخت جمانة وأخت بيسان ( يسلموااااااااااااااا )

بس بدي أعرف ليش ما شاركتي يا رناااااااااااااا 0000000

طيب راح نقلك كم مثل تغشيش يعني :

درهم وقاية خير من ألف علاج 000000

كل وليف على وليفه يلفي 000000

يا خبر بفلوس بكرا ببلاش 00000

بدوي ضربوه بعلبة لبن ألهم والنبي مشتهيها ( هههههههه ظريف هالمتل )0000

يلعنوا حامض ( هادا المتل من قصة الثعلب اللي بدوا ياكل العنب وما قدر يطولوا )00

والى اللقاء في العدد القادم 000000
يتبع

[دنيا]

كل مثل أحلى من التاني بقى هيك ياشادي( كل فولة مسوسة الها كيال) .;)..منور بوجودك بلسهرة...
وأنت ياماجد (بدوي ضربوه بعلبة لبن ألهم والنبي مشتهيها).....الحق معه هلبدوي عرفت ليه ردودك المميزة الها حلاوتها حتى أمثالك غير شكل ...بشكرك كثير لوجودك .:)
وين وين يارنا ما بصير بدك تدبري مثل أردني وتشاركي فيه ..:(..عبستناك وما في مهرب وهي ماجد عبيغشش و بينقلك ....ونحن بانتظارأمثالك أكيد رح تكون حلوة مثل ردودك .....;)....
عزيزتي جمانة بشكر كثير مشاركتك معنا ...ووعد ما نسألك شو أصله هلمثل أنت بس وجودك ومشاركتك معنا لحالها بتضفي أحلى جو ....وبانتظار تجمعيلنا شيء كم مثل حلوين مثلك .....:)....
أما عزيزتي بيسان نورتي بأمثالك الحلوة وخاصة حبيت هلمثل (درهموننا والا فقدتمونا)عجبني .........ومعبر وخليكي معنا وحضريلنا شيء كم مثل رائعين مثلك وشكرا لمشاركتك ...;)...
وهي كم مثل بتمنى يعجبوكم ....:)
لا تقللي ولا بقلك اسأل قلبك بيدلك ....
ان غاب عنك أصلو بيدلك عليه فعله....
خبيتك يا دمعتي ليوم شّدتي.....
ما بيمسح دموعك مثل ايدك ....
الدنيا ساعة فجعلها طاعة.....
أنا السمك البني ان شفت أحسن مني لا تاكلني...
العالم مثل السمك القوي بيأكل الضعيف ....
..............................
وبانتظار أمثالكم وأقوالكم ومشاركاتكم الحلوة:)

[اديب]

السلام عليكم

كل سنه وانتي طيبه دينا

رمضان كريم

وانا حبيت اضيف بعض الامثال-
1- عصفور بالايد احسن من عشره على الشجره
2-دخول الحمام مش زي خروجه
3-اللي استحو ماتو
4-يلي ماخد القرد على مله بيروح المال ويبقى القرد على حاله
5-بكره بدوب الثلج وبيبان المرج
6-اللي بدو يسكر ما بدو يعد اقداح
7-عرج الجمل من شفته
8-العين ما بتعلى عن الحاجب
9-كرمال عين تكرم مرج عيون
10-الكلب كلب ولو طوقته بالذهب
11- عمر الدم ما بيسير مي
12- انا واخوي على ابن عمي وانا وابن عمي على الغري
13- كانت النصيهه بجمل والان صارت بفضيحه
14- اجى ليكحلها عماها
15- من ذقنه افتلو- من ذقنه سقيله
16- الجار قبل الدار
17-الولد ولد لو عمر بلد
18- الصديق وقت الديق
19- الف كلمة جبان ولا كلمة الله يرحمو
20- اذا بدها تمطر غيمت


مع تمنياتي لكي والى الجميع بالتوفيق ورمضان كريم


اديب