مارد المصباح السحري

[fawzi]

تعالوا ندخل عالم الخيال و الروايات بعيداً عن الواقع...
تعالوا معي لنعيش أسطورة المارد الذي يخرج من مصباح علاء الدين ليقول لك:
( شبيك...لبيك... المارد بين يديك... اطلب و تمنى)....
لنتخيل أن لك الحق في طلب ثلاث أمنيات من هذا المارد العجيب... ترى ماذا تتمنى؟ و ماذا تطلب؟؟
أطرح على كلّ منكم هذا السؤال... ماذا تطلبون من المارد من أمنيات؟؟ تذكروا فقط أن لكم الحق في ثلاث أمنيات فقط.. و أن الفكرة تبقى وهماً نسجته لأعرف أماني كل منكم.... فالأماني لا تتحقق بالأقوال بل بالأفعال, والأحلام لا تتحول حقيقة إلاً بالجهد و الكفاح و العمل.... (ماجد من سوء حظك أنها أمنيات ثلاث و لن تستطيع طلب أربع زوجات لكَ.... ههههههه)
ماذا تطلبون؟؟؟

[رنوش]

سؤالك ظريف فوزي .. وحلوووووو

بس المشكلة اوقات الانسان بكون عندو امنيات .. ما بيقدر يحكيها .. رح نحكي الشي اللي منقدر عليه :)

اول امنية ... بتمنى اني أعيش بمكان كلو شجر و خضرة و عصافير وحيوانات أليفة وغير أليفة ... ويكون عندي بيت زغنون فيه .. وأهم شي يكون عندي بحيرة كبيرة .. فيها دلافين
يااااريت تتحقق هالامنية .. عنجد هالعيشة روعة .. ويكون معي الناس اللي بحبهم .. ومو غلط يكونو أعضاء سوريا ستار :D
لحتى نشرب شاي وأركيلة... ونلعب متل الأطفال ..ونضحك و نتمألس على بعض .. ونتناقش و نحكي ... على صوت الدلافين الرائع و زئير الأسد الممتع .. وزقزقة العصافير ... الله ما أحلى حياة الطبيعة ... والطفولة .. واناهيك دائما طفولية كتيييييييييييييييييير .

تاني شي ... انا بحب سواقة السيارات كتير .. وحابة أسوق كل أنواع السيارات اللي بالعالم ...
خصوصا السيارات الحديثة هي بحبها كتير .. يعني كل يوم أسوق سيارة شكل و بأسرع ما عندي :D

تالت شي .... بتمنى اوصل للشي اللي بدي ياه بمجال الكمبيوتر ... هي امنية عندي بتمنى أحققها .. يعني أعرف كل شاردة وواردة عن الكمبيوتر .. واشتغل بهالتخصص
لأنو عشقي الكبير ... للكمبيوتر .
بس شلون هي بدي اطلبها من المارد ؟؟ يعني اطلب منو يدرسني كمبيوتر ؟؟ هههههههه

يسلمو ايديك فوزي الغالي .. وطبعا بدنا نعرف امنياتك انت كمان :)

[fawzi]

أهلاً رنا... أنتِ دائماً أول المشاركين و هذا يسرني كثيراً....
يمكن معك كل الحق بخصوص عدم قدرة أي منّا علىالافصاح عن الكثير من أمانيه التي يراها شخصية لدرجة الابقاء عليها مغلقة داخل قلبه...
أما عن أمنياتك التي أتمنى أن تتحقق كلها فأقول:
أمنيتك الأولى ذكرتني بخواطر جبران خليل جبران العاشق للطبيعة و جمالها العفوي, و الهيئة أنك بتحبي كثير الدلافين لذلك أهديك هذه الصور:

http://www.lawtonok.com/images/dolphin.jpg
http://www.jamaicans.com/tourist/ochorios/images/dolphin.jpg
http://www.dandin.com/jpeg/dolphin.jpeg

بس... في شي زعجني و هو قولك: ( لحتى نشرب شاي وأركيلة)...! أركيلة!!! هي بلاها أحسن... بكفي الشاي..! :confused:
بس فكرة أنو الطفولية فأنا أوافقك عليها...
هممممممممممممممم.. بخصوص السيارات إن شالله بتقودي أحلى و اسرع و أقوى السيارات بس انتبهي منيح و لا تخالفي الإشارات و توقعيننا بمشاكل نحن بغنى عنها و بهديك هالسيارة............(فرامل)...قصدي صورتها :

http://www.dnid.org/domaines/encheres/caverne/ferrari.jpg

صحيح مو قد المقام بس مشي حالك فيها لمين ما أوصيلك على سيارة تتناسب و قدراتك العالية في القيادة (بصراحة بدك طيارة شبح... مو سيارة)...

أما بخصوص حلمك في الكمبيوتر فأنا أشاركك فيه لأنو يمكن صار بدمي و ما بكون بالغت إذا قلتلك أنو بشتغل عليه أكثر من 12 ساعة باليوم, بس لما بدي أنام بطفيه...!
أخيراً شكراً على مشاركتكِ.. وبالنسبة لأمنياتي رح تعرفوها قريباً..!

[رنوش]

شو حلوين هالصور
بجننو هالدلافين كتيييييييير بحبهم .. هي احتفظت فيهم عندي .

ويسلمو عالسيارة هي ..... شلون عرفت اني بحب اللون الأسود ؟؟بس بصراحة مو هي اللي بتستهويني .. هي خرج شباب مو بنات .. بدي سيارة أحلى من هيك وأنعم
.. خرج وحدة شقية اسمها رناااااا :)

وبالنسبة للأركيلة .. خلص بلغيها ولا يهمك .. مع اني مـتأكدة انو معظم الأعضاء بحبوهااااااا ;)

غريب هي أول شاب ما بحب الاركيلة >>> في حدا مضايقك ابو الفوز ههههههه
:D بس بتعرف برافو عليك .. داير بالك على صحتك منيح .. مو متل بعض ناس
:(

تسلم يا فوزي على ردك اللطيف .. وان شاء الله بتحقق امنياتك كلها ..وبانتظارها :)

[fawzi]

يمكن هالسيارة تناسبك أكتر... :)

http://www.vwaudihuntsville.com/configurator/vw-beetle-black.jpg

شو رأيك؟ ;)

[رنوش]

ياعيني شو حلووة
مزوق والله :)

[fawzi]

كنت أرغب في طرح أمنياتي إلى ما بعد سماع أمنيات كل منكم لكن واقع الأمر أن التفاعل مع الموضوع لم يكن بالصورة المرغوب بها لسبب ما... و ربما هو بحاجة الى أن أنتظر فترة أطول...
على أية حال هذه هي أمنياتي التي أود أن أطرحها على مسامعكم :
الأمنية الأولى: هي مكتبة ضخمة تحتوي كل العناوين والمؤلفات.... لأصول فيها و أجول كما أريد و أعيش معها معنى الحياة الحقيقية... فأنا أعشق الكتاب و أهواه و أجد فيه الصديق الذي لا يُـمل...
الأمنية الثانية : هي لقاء الشاعر و الأديب العظيم ( فيكتور هيغو) صاحب رواية البؤساء و أحدب نوتردام... فهذا العظيم أقدره وأجله لأبعد حدود.... رحمه الله
الأمنية الثالثة : كوخ بسيط على جزيرة صغيرة تغطيها غابات كثيفة, و تسكنها حيوانات سمعت بها و لم أسمع... نتعايش معاً.... طبيعة خلابة كما وصفها جبران خليل جبران بعيداً عن قسوة الإنسان وشره اللامتناهي...:mad:
هذه أمنياتي التي سأطلبها من مارد المصباح العجيب....:)
أخيراً ليس لي سوى أن أشكر رنا المشاركة دائماً في كل ما أطرحه.....;)

[maged1972m]

لك وينوا مصباح علاء الدين الي سبعين سنة عم دور عليه هاه كمشتواااااااااا :

او شي صباح الخير يا جماعة الخيررررررررررر :
وتاني شي مشكور فوزي عالموضوع الطريف جدا :
وتالت شي لك شو هالامنيات الحلوة لك رنا عن جد ظراف 000
وامنيات فوزي كمان حلوين وظراف كتير ونشاء الله بيتحققوا امانيكم يا رب0
وهلأ اهم شي امنياتي اللي بعدها حلم كل مواطن عربي درويش متلي يعني (هههههه)؟

بتمنى انوا يكون عندي رجل آلي كبيررررر متل غرندايزر اكيد كلكم كنتوا تتفرجوا عليه
ههههههههههههه مشان دمر امريكا واسرائيل اول شي وبعدين التفت للدول الاوربية
واحتلهم دولة دولة وخليهم يأسلموا طبعا واذا ما بدهم مناخد منهم مصاري يعني جزية
محرزة وبعد ما احتل اوروبا بلتفت لباقي دول العالم وبسيطر عليهم كلهم وبخليهم
يمشوا على العجين ما يلخبطووووووه ( هههههههههههههههه ) 00000
اذا هالأمنية صعبة هي وحدة أسهل منها :
بتمنى انوا يكون عندي جزيرة كبيرة وحلوة ومليئة بكل ما تشتهي وتتمنى ومن جميع
الاصناف ويكون فيها بدال الاربع زوجات يا فوزي 400 زوجة على عدد ايام السنة
لانوا عدد ايام السنة في الجزر 400 يوم ( ههههههههههههههههه ) 0000
يعني موا مشان شي بس مشان الحلال والحرام 00000
400 زوجة على 400 يوم هذا هو العدل كل زوجة يوم 0000000
شو أمراء الخليج أحسن مني يعني ( ما حدا أحسن من حدا ) ههههههههههههه 0

واذا كانوا هالأمنيتين صعبين فهي الامنية سهلة كتير :
بتمنى انوا يكون عندي 700 ألف طون ذهب وشي 100 ألف قيراط ألماس
وشي 14 طون بلاتين يعني ماراح وفر ولا نوع من المعادن الثمينة ههههههههههه؟
وفوق كل هالشي بدي شي كم ناقلة نفط من هدول الكبار بس تكون محملة مصاري
مو بترول وبسسسسسسسسس حاجة ( القناعة كنز لا يفنى ) 00000
هههههههههههههههههههههههه 00000000

إيمتى أجي فوزي مشان إستلم هالطلبية اللي وصيتك عليها ؟؟؟؟؟؟؟

[JOMANA]

ايه بس 3 اماني !!
شنو هالمارد البخيل
يا جماعه شوفولي مارد مبذر و ما تهمه الاماني
ههههههههه
ايه اما عندي 300000 امنيه
امنيات شخصيه و اجتماعيه و سياسيه ووطنيه
منو يحققلي اماني ??
بس يلله امرنا لله

سجل عندك فوزي

1 _ اريد ان يتحرر العراق
*و ان تتحرر فلسطين
*و ان ينمحي كل اثر اسرائيلي و اميركي من الشرق الاوسط كله
*و ان يموتو كل الحكام العرب من غيراستثناءات

2_ ارجع لبلدي و اشتري بيت و بستان في قريه متوفر بيها كل وسائل الراحه و معها شريط كاسيت لفيروز
*توفير مياه نقيه لكل العالم و بالاخص الدول العربيه
بحيق لا احج يشتكي من قله المياه
يعني يا ريت تغرغقنا ههههه

اتمنى ان اعيش بزمن عبد الحليم حافظ ايام ما كانت الناس بسيطه مع تواجد الانترنيت طبعا


http://o010o.jeeran.com/images/bl_0018.gif

و شكرا اخي على الموضوع الجميل
و اتمنالك يا رنا العيشه الهادئه الهنيئه مع دلافينك الجميله
و الحياه البسيطه اللي اختارتيها

و كذلك فوزي اتمنى ان تتحقق امانيك و تعيش مع عالم الكتب
و تزيدك معرفه و علم

و كذلك ماجد اتمنى ان تتحقق امانيك و تجوز 400 هههههه
و اتخلصنا ايضا من اميركا و اسرائيل
و تحياتي للجميع

[fawzi]

ماجد.... لو بعرف أنو بدك هيك طلبات كنت ما نزلت الموضوع من أساسه... شو هاد كله؟؟
بدك غرندايزر مشان تسحق أميريكا و اسرائيل... قلنا طيب و رضينا... بس بدك تكمل على اوروبا وتطالبهم بفدية محرزة كمان؟؟؟ شو بدك تعيد ذكريات هتلر؟؟ بيزعل منك المارد بعدين!! بكفي أنو تسحق أميريكا لتدمّر أوروبا...!
و بدك كمان تسيطر على العالم كله و تخليه يمشي على العجين ما يلخبطووووووه ؟؟؟
لا لهون و بس بلشت أخاف منك و من أفكارك في السيطرة على العالم.....
و أنا سمحت لكم بثلاث أمنيات حتى لا تطالب بأربع زوجات.... قمت رحت طلبت 400 زوجة في أمنية واحدة...شو هالطمع كله.. الواحد بيطلب زوجة مو 400 ؟؟ و قال شو لكل يوم وحدة...!
و بتتمنى انوا يكون عندك 700 ألف طون ذهب وشي 100 ألف قيراط ألماس
وشي 14 طون بلاتين يعني ماراح وفر ولا نوع من المعادن الثمينة وفوق كل هالشي بدك شي كم ناقلة نفط من هدول الكبار بس تكون محملة مصاري مو بترول... والله أنك قنوع كتير... اطلب و تمنى أكتر و أكتر ( إذا ضربت وجّع.. و إذا طعميت شبّع.. و إذا طلبت كتّر)....
بعد المناقشة مع المارد قرر ينفذ لك الأمنية الأولى بشرط انك تنزع فكرة السيطرة على العالم من رأسك..... و من حقك أنو تعمل بالأمريكان و الاسرائيليين ما تريد...
أما عن الطلب الثاني فرفض الفكرة بشدة و رفض مناقشتها كمان...! و بينصحك تغيّرها...!
أما عن الأمنية الأخيرة فوافق لك عليها و قال تكرم عينك: و بتوصلك الطلبية هاليومين.... و فوقها حبة مسك...
شكراً لمشاركتك اللطيفة و إذا عندك كمان أمنيات قولها و أنا بتواسط لك مع المارد...;)

[fawzi]

ماجد أفندي سطلني بطلباته الكتيرة.....:confused:
على كل حال المارد صاحبنا مو بخيل و زعل كتير منك لأنو هيك قلتي عليه... و قال تكرم عينيك اطلبي و أتمني...اطلبي كل ما تريدين حتى لو كانو 300000 امنيه...(العز للرز و البرغل شنق حاله.. طلبت منه أمنية زيادة و رفض يحقق لي ياها.... و أنتِ سمحلك بـ 300000 أمنية...!) :confused:
أما عن أمنيتك الأولى في تحرير فلسطين و العراق و كامل الأراضي العربية المحتلة, و سحق الأمريكان و اليهود فهي أمنية كل الشعب العربي في كل مكان... و أمنيتك أمنية كل حرّ يحب وطنه....
أما عن أمنيتك الثانية.. فإن شاء الله بترجعي لوطنك الأم قريباً و تشتري البيت و البستان اللي بتحلمي فيهم... يكون جنبك بحيرة كبيرة مليئة بالماء.....
آه يا عبد الحليم... وين أيام قارعة الفنجان...؟ يا ريت ترجع هديك الأيام و طبعاً مع وجود الانترنت مشان نبقى على تواصل مع سوريا ستار..... أيها المارد العظيم عد بالزمن إلى أيام عبد الحليم.....
شكراً جمانة على مشاركتك الجميلة و إذا عندك أمنيات كمان يا ريت تقوليها فالمارد كريم و أنتِ بتستاهلي...!;)

[شادي الطويل]

مرحبا يا جماعه ....
يعني أنتوعم تتمنوا ونحنا واقفين نتفرج عليكون .......:confused:

بصراحه أمنياتكون كتيرررررررر ظريفه بس لحقيقه :eek:... يا فوزي بدهون شي 40 مارد
ما بكفيهون;) الله يعين هل مارد تبعك لمسكين ........
سجل يا حبيبي عندك .. يعني كمان انا عندي أماني فوق لوصف بس يالله مابدي لمارد
ينجلط ويئلك حل عني أنت وهل شغله هدول عالم ما بينعطو وش ..:mad:

أولا وقبل كل شي بدي يصير أسم سوريا فوق فوق فوق بالعالي يعني فيك تئول متل:p
بريطانيا بزمناتها ...........

بعدين أنا بدي منو يجبلي أحدث سياره( لمبر جيني ) وعلى فكره أنا هاد طلبي لوحيد لشخصي ولو حئئلي ياه بكون أضى علي من لفرحه:D **ألك فوزي بلاها أحسن خايف يصرلي شي لو أجت **

وكمان ياسيدي ما يخلي ولا طفل بالعالم كلو محتاج شي ولا أي أمر كان ويدور عليهون واحد واحد ويشوف شو بدهون ويلبي ..|4| ساعتها بيكون فعلا مارد على لأصول

أيه فوزي هدول وبس نئلوا ياهون دخيل عينك .. وشوف شو بصير معو أدها ولا مو أدها ....... ياالله سلملي عليه ,,,,,,,,,,,, |4|

[fawzi]

شوف المارد كنير مبسوط منك و قال عنك أنك زلمة مذوق و بتفهم بالأصول....;)
أمنيتك الأولى أمنية كل عربي سوري وإن شالله بتتحقق بجهودنا سوا.. لنرفع علم سوريا فوق الشمس...... شو علم سوريا..!! علم الوطن العربي الواحد....
أما عن السيارة ( Lamborghini ) فتكرم عينك وصيتلك عليها و بتوصلك بعد أربع أيام (Full Option)... بس لا تنجلط وتروح فيها.....:D
http://www.monsterpixels.com/showcase/photography/autoshow2002/lamborghinimurcielago5.jpg
و يا عيني على أمنيتك التالتة, لو تعرف شو ساوت بالمارد الجبار...!!!:eek:
تصور بلش يبكي و قال: حتى ما أخلي ولا طفل بالعالم محتاج لازم أقضي على البشر لأنهم سبب كل ما عانى و يعاني و سيعاني منه الأطفال حول العالم....
و قال: على اعتبار أنك فضّـلت الأطفال على نفسك فسمحلك بأمنية كمان... افرح يا عم... بس بتستحق لأنك بتفكر بغيرك قبل نفسك......;)
شكراً شادي على مشاركتك الرائعة و إن شالله بتتحقق كل أمانيك.....:)

[JOMANA]

لا لا لا
كله و لا زعل ماردنا العزيز
اصلا احلى مارد هو ماردنا
و خلي هو يطليب و يتمنى و احنا نحقق امانيه

افصح لنا يا مارد
بس امر ;)
http://www.alzeer.net/cards/s7ree.html

[رنوش]

شكرا اختي العزيزة جمانة على دعوتك الطيبة .. تسلميلنا :)
وانتي كمان انشالله بتتحقق كل امنياتك ..

ويارب تتحقق كل امنيات العزيز ماجد أيضا .. وخليه يتزوج هالمسكين .. شو عليه :D

وامنياتك فوزي عنجد راااااائعة خصوصا المكتبة .. والله شغلة رائعة فعلا الواحد يكون غرقان بالكتب
وعلى فكرة انا كمان مولعة بالكتب .. ومغرومة بشرائها

شادي .. الله يحقق كل امنياتك .. لأنك فعلا انسان بكل معنى الكلمة :)

وشكرا لفوزي لانو طرح هالفكرة الحلوة :)

[جورية]

بسم الله الرحمن الرحيم

والله يا اخي الكريم انته حطيت ايدك على الوجع
يعني مين منا ما بيتمنى يطلعله المارد ليحققله امنياته
و لكن يا اخي فوزي اقول ان الله سميع الدعاء
فشكوانا لله عز و جل و دعائنا له بكل صلاواتنا
هذه هي الطريقة الوحدة لجعل ما نحلم به حقيقة
و عجبي

اخي فوزي
شوف لقلك انا يعني شغلتي سهلة كتير كتير
و ما بدي تقل عليك كتير حرام انته
المهم
امنيتي الاولى هي انو احفظ القران كله بالتجويد
امنيتي التانية هي انو اشتري بيت كبير ببلدي الشام
و حط فيه من كل شي بيحبه قلبي و بتتمناه مشاعري
و يحيط بالبيت مسبح غير شكل و يكون سور البيت
الورد الجوري الاحمر و الياسمين البلدي الاصفر و الابيض
اما امنيتي الثالثة هي انو اجد الامان .........
و الله الموفق

[fawzi]

تحية حلوة للأخت جورية......
أهلاً و سهلاً بك في عالم الخيال...
كلامكِ صحيح 100% ... الأحلام و الأمنيات لا تتحقق إلاّ بالعمل و الجهد و الدعاء لرب العالمين....
أمنياتك أكثر من رائعة... فما أجمل أن تتمني حفظ كتاب الله المقدس... القرآن الكريم.... فعلاً إنها خير أمنية....
أما بخصوص البيت الكبير بقلب الشام...... فتكرم عينيك المارد كتير حب الفكرة ورح يلبي لك طلبك بأسرع وقت ممكن.... لأنو ما شاء الله الكل بدو تتحقق أمنياته...الله يعينه هالمارد شو عم ياكل صوابات.. منين بدو يلحّــق؟؟؟:confused:
مع ذلك المارد اختر لك هالبيت... و قال لي : أنو إذا ما عجبك بغير لك البيت بواحد تاني.... :)

http://www.silk.net/bblkviem/images/roses2.jpg

http://www.silk.net/bblkviem/images/house_roses.jpg

http://www.silk.net/bblkviem/images/BigGarden.jpg
http://www.silk.net/bblkviem/images/Upstairs.jpg
http://www.silk.net/bblkviem/images/Downstairs2.jpg

أما بخصوص الأمان فالمارد أرسل لك الرسالة الشفهية التالية:
منين بدو يجي الأمان...؟ و الناس ما عايفين حدا من شرهم.... الأخ بيقتل أخو... و الابن بيسرق أبوه ... والصديق بخون صديقه... و فوق كل هاد الحروب اللي حرقت الأخضر واليابس.. و قتل الأبرياء, و تشريد الأطفال, و النساء, و الشيوخ..................
و قال لي كمان: صحيح أنو أمنيتك صغيرة في ظاهرها, بس في مضمونها كبيرة كتيــــــــــــــــــر.....
شكراً لك على مشاركتك الناعمة و على أمنياتك الرقيقة التي أستطيع وصفها بأنها أمنيات فراشة حالمة.....:)