حديث الوجد
05-07-2003, 12:46
سألتيني وش اللي بي لجل أبكي وأتألم=وزدوني سؤالك ضيق وليتك ما سألتيني
شعورك وينه شعورك قبل ما أحكي وأتكلم=يحس بضيقتي وهمي ويفهم عنوة سنيني
ولكني عرفت اليوم من اللي في الزمن يسلم=ماغير الظالم الجاني وفتاق الألم فيني
أنا كذبه لعبها الطيب وكملها زمان أعتم=ماغير أسامر الحسره في ليل فراق شاقيني
وأنا شاعر وله دمعه .. عجز مع دمعته يلتم=إلا منه دعاها بضيق ترده وش يبكيني؟؟
وأنا إنسان له خاطر وجرحه فخاطره مشتم=إلا مني بغيت أنساه ينادي من بيشفيني؟؟
وأنا شيخ نساه الموت وصار بوحدته مغتم=ما غير يطالع غروبه على تل الرجاء بعيني
وأنا طفل فقد أمه فقد كل الحنان الجم=لقى من غربة آلامه خيال شبهه فيني
وأنا أم ثكلها الموت قبل ما بعمرها تنعم=على أغلى من سكن نبض بخفوق به يسليني
وأنا عاشق ضوى ليله شموع من عروق الدم=رسم حلمه حقيقة ليل تلاشت في شراييني
وأنا بيت من الماضي تردد في صداه الهم=ماغير يبوح للذكرى أخاف الوقت يطويني
وأنا من عانده وقته وحل الفقر به وأحكم=حياتي عشتها أنطر ومحد همّ يعطيني
وأنا هالحين لو همت على أقداري رياح اليمّ=تكسر موجها بحال تعكر من قسى سنيني
وإلى مني دعيت الموت وسار بوجهتي وأقدم=لقيته قبل يأخذني تبدد داخل يديني
ولو جارت بي هموم تبرى من سواها الهم=لقيتي هالهموم صغار إذا حلت بتنهيني
ولكني إذا بصبر بعد ما عمني هالغمّ=ترى لغيرك أبي أحيا وبوهب كل ما فيني
خفوق وروح ما تكذب وفم كل قوله سمّ=ملكني بطيبة أفعاله وكفف دمعتي بعيني
رسم لي دنيتي جنه لجل أهنا بها وأنعم=وهبني فرحة تكمل إذا شفته يبي يجيني
يضم يديني في صدره إذا شاف الألم بي هم=وكل الحزن لا قفى عن عيوني يبكيني
عشقته ولا حشى ما أندم ولاأندم ولاأندم=ولو ودع وخلاني ترى ذكراه تكفيني
تراه اللي بقى بدنيا نستني وما قدرت ترحم=وقف ضد الألم والضيق ولا خلاه يشقيني
سقاني في هجيري ماه وجرى في عروقي الدم=ألا وشلون أفرط به وأرده عني بيديني
تعالي بس لو مره وشوفي حالة المعدم=وشوفي الفرق ما بينك وما بينه وما بيني
وإذا قلبك نسى العنوان لا يحزن ولا يهتم=وسط أغلى البشر عندي.. وسط نورة يلاقيني
شعورك وينه شعورك قبل ما أحكي وأتكلم=يحس بضيقتي وهمي ويفهم عنوة سنيني
ولكني عرفت اليوم من اللي في الزمن يسلم=ماغير الظالم الجاني وفتاق الألم فيني
أنا كذبه لعبها الطيب وكملها زمان أعتم=ماغير أسامر الحسره في ليل فراق شاقيني
وأنا شاعر وله دمعه .. عجز مع دمعته يلتم=إلا منه دعاها بضيق ترده وش يبكيني؟؟
وأنا إنسان له خاطر وجرحه فخاطره مشتم=إلا مني بغيت أنساه ينادي من بيشفيني؟؟
وأنا شيخ نساه الموت وصار بوحدته مغتم=ما غير يطالع غروبه على تل الرجاء بعيني
وأنا طفل فقد أمه فقد كل الحنان الجم=لقى من غربة آلامه خيال شبهه فيني
وأنا أم ثكلها الموت قبل ما بعمرها تنعم=على أغلى من سكن نبض بخفوق به يسليني
وأنا عاشق ضوى ليله شموع من عروق الدم=رسم حلمه حقيقة ليل تلاشت في شراييني
وأنا بيت من الماضي تردد في صداه الهم=ماغير يبوح للذكرى أخاف الوقت يطويني
وأنا من عانده وقته وحل الفقر به وأحكم=حياتي عشتها أنطر ومحد همّ يعطيني
وأنا هالحين لو همت على أقداري رياح اليمّ=تكسر موجها بحال تعكر من قسى سنيني
وإلى مني دعيت الموت وسار بوجهتي وأقدم=لقيته قبل يأخذني تبدد داخل يديني
ولو جارت بي هموم تبرى من سواها الهم=لقيتي هالهموم صغار إذا حلت بتنهيني
ولكني إذا بصبر بعد ما عمني هالغمّ=ترى لغيرك أبي أحيا وبوهب كل ما فيني
خفوق وروح ما تكذب وفم كل قوله سمّ=ملكني بطيبة أفعاله وكفف دمعتي بعيني
رسم لي دنيتي جنه لجل أهنا بها وأنعم=وهبني فرحة تكمل إذا شفته يبي يجيني
يضم يديني في صدره إذا شاف الألم بي هم=وكل الحزن لا قفى عن عيوني يبكيني
عشقته ولا حشى ما أندم ولاأندم ولاأندم=ولو ودع وخلاني ترى ذكراه تكفيني
تراه اللي بقى بدنيا نستني وما قدرت ترحم=وقف ضد الألم والضيق ولا خلاه يشقيني
سقاني في هجيري ماه وجرى في عروقي الدم=ألا وشلون أفرط به وأرده عني بيديني
تعالي بس لو مره وشوفي حالة المعدم=وشوفي الفرق ما بينك وما بينه وما بيني
وإذا قلبك نسى العنوان لا يحزن ولا يهتم=وسط أغلى البشر عندي.. وسط نورة يلاقيني