مشكلة عويصة [الأرشيف] - منتديات سوريا ستار

diehard

05-09-2003, 01:15

مرحبا شباب
انا قصتي قصة وجرصتي جرصة

يا جماعة ما عم احسن حط اي صورة بدال التوقيع

بدي طريقة سهلة جربت كتير بس ولا محاولة نجحت
وكمان ما بحسن ضيف صورة اكبر من 35000 بايت

ارجو المساعدة ;)

رنوش

05-09-2003, 01:25

والله قصتك بتبكي الدبب
:D

اخي داي هارد ... أنتظر مني رد آخر و سأجيبك ان شاء الله على تساؤلاتك جميعا .. ان لم يسبقني أحد ...

الى اللقاء

:)

diehard

05-09-2003, 06:52

انا بالانتظار من الجميع

diehard

06-09-2003, 12:35

انا بالانتظار

ابــ الشام ــن

06-09-2003, 12:42

اخي العزيز داي هارد أي صورة بدك ياها من النت انسخ اللينك تبعها
وبعدين روح على إضافة مشاركة واختار مربع الصورة
بيطلعلك مستطيل حط لينك الصورة داخله وموافق

الخطوة التانية :
انسخ الوصلة مع الرموز يلي طلعولك بإضافة المشاركة
وروح على لوحة التحكم - خيارات - وعند التوقيع الصق المشاركة ( الصورة )
وهيك رح يمشي الحال

خبرني شو بصير معك

diehard

06-09-2003, 12:57

اول شي شكرا

بعدين منين بدي جيب هادا اللينك

ابــ الشام ــن

06-09-2003, 01:59

كليك يمين عالصورة
بعدين خصائص
بعدين نسخ الرابط ctrl+c

العفو

رنوش

06-09-2003, 04:40

رح جمع المواضيع اللي شرحنا فيها عن ارفاق الصور بالمواضيع وبالتوقيع كمان .
لأنو صارو شي 100 موضوع تقريبا :eek:

بكرا بإذن الله .. لما أفضى بكتب رد تاني .

ايهم باشا

06-09-2003, 07:11

لك شه شه شه شه
شي غريب والله
معقول مسجل بالمنتدى وما عرفت تحط صورة
على كل انا ضد الصور
لانو الواحد بيكون صورة لحالو من خلال الحروف يلي بيكتبا
احلى شباب انتو والله
سلام للكل
اختي رنا
في انتظار تجميع المية مشاركة في مشاركة وحدة
انا عندي اقتراح
ليش ما بتحطو موضوع رسالة تفعيل الاشتراك عبارة عن تعليم كل شخص كيفية استخدام المنتدى
شو رأيك نقترح هالشي عالشباب اصحابو
قصدي اهل الطبقة الارستقراطية
:D :D :D

رنوش

06-09-2003, 02:53

أخي diehard ...
هذه وصلة لموضوع ... تحتوي على معلومات شاملة عن ارفاق الصور ... ان شاء الله تستفيد منها .

http://www.syriastar.com/vb/showthread.php?threadid=3148

اقرأ الشرح جيدا وحاول التطبيق ... فارفاق الصور أسهل بكثير مما تظنون . :)

diehard

06-09-2003, 07:54

شكر للكل والك كمان يا ايهم باشا

لحا جرب وردلكون خبر:D :D :D :cool:

diehard

07-09-2003, 02:11

والله يا شباب ما زبطت شغلة التوقيع حطيت اللينك يلي قلي عليه ابن الشام ام طلعلي متل ما هوة

اما الصورة فانا بعرف حط بس بدي ياها اكبر من الحجم المسموح فيه بالمنتدى
وارجو انو تقلولي شلون بدي ارجع للستايل القديم مشان الله

:( :(

diehard

07-09-2003, 03:04

متل مالكون شايفين التوقيع

رنوش

07-09-2003, 03:21

بس لو أعرف من وين جايب هاللينك اللي بتوقيعك :(

ابــ الشام ــن

07-09-2003, 03:22

حبيبي داي هارد
انت ما عملت متل ما قلتلك
لأنو توقيعط ما بدل على صورة وإنما يدل على رابط
حط الرابط بين القوسين هدول

الرابط

واذا خطا معناها رابط الوصلة خطأ
سلام

diehard

07-09-2003, 04:42

اللينك جايبو من موقع لتحميل الصور
السيد عامر كاتبلنا ياه

اما صورة الاقواس يلي حصيتها يا ابن الشام فما طلعت ارجو انك تبعتها مرة تانية

لانو طلعت روحي وما كان يطلع هالتوقيع

رنوش

07-09-2003, 04:57

موقع التحميل هدا شغال ..
http://members.lycos.co.uk/mahrom123/

حمل صورتك عليه ... ولما يعطوك اللينك ... انسخو هون لحتى أشوفو ... وأحكيلك الخطوة الأخيرة .

رنوش

07-09-2003, 04:59

طبعا الحجم المسموح فيه هون 300 كيلو بايت .. يعني حجم ممتاز بالنسبة للصور .

diehard

08-09-2003, 01:13

http://members.lycos.co.uk/mahrom123/index.php?ta7meel=uploading

هادا هو الرابط انشالله يعجبك

بس على فكرة انا ما شفت الصورة

رنوش

08-09-2003, 02:43

انت اضغط عالصورة وشوفها ...
الرابط غلللللللللللللللللللطططططططط صح ؟؟؟ :rolleyes:

انت لازم تحط مؤشر الماوس على الصورة نفسها وتكبس رايت كليك
الكبسة اليمين و تنسخلي اللينك اللي بيطلع هووووون

وارجع ورجيني ياه

رح ضل وراك لتنحل مشكلتك ... :p

:rolleyes:

ابــ الشام ــن

08-09-2003, 02:53

هههههههههه
حلو اللينك بس مالة علاقة بشي اسمو توقيع
أخي الله يجعلها أكبر المصائب
لح عيد الشرح
1- اي صورة بتعجبك من النت اكبيس عليها بالزر اليمين تبع الفارة وبعدين اختار خصائص
2- وبعد خصائص رح تطلعلك خصائص الصورة ويطلعلنك رابط
3- حدده وانسخه متل ماهو
4- روح على اضافة مشاركة
ركز معي منيح
رح تلاقي المستطيل تبع الخطوط والألوان عرفتو ؟؟
رح تلاقي مرفع صغير ( لإدراج صورة في المشاركة )
اضغط عالمربع
رح يطلعلك مستطيل
ههههههههههههههههههه (دويخة )
الصق اللينك يلي نسخته من هنيك
واكبس على موافق
وانسخ يلي طلعلك بمربع اضافة مشاركة
ماشي لحد الان ؟؟؟؟؟؟؟؟؟
روح على رسائل خاصة _ تحرير الهوية _ بالمربع تبع التوقيع رح تلاقي كلمة ( لا اله الا الله )
امحيها وحط بدالها يلي نسخته من اضافة مشاركة
وبعدين موافق
وهيك رح يمشي الحال

رنوش

08-09-2003, 03:05

له يا عامر لا تحرق الطبخة
:D
خلينا نمشي معو حبة حبة ... داي هارد باين عليه رايق كتير وما بحب العجقة
:)

titan3

08-09-2003, 03:47

اخ
وهي حل لمشكلتك بالصور

لوضع التوقيع يجب ان يكون توقيعك محمل الى الانترنت عبر مواقع التحميل
بعد التحميل قم بنسخ العنوان و بعدها اتبع الخطوات بالصور

الخطوة الاولى
اذهب الى كلمة ( المكتب ) الموجودة في اعلى صفحات المنتدى

http://www.suhbaonline.net/vb/upload/uploading/p1.jpg

الخطوة الثانية :
بعد ما تضغط بيطلعلك صفحة برأس هالصفحة بتلاقي عدد من الخيارات اختار الخيار ( الهوية )
وهذا الخيار بيحددلك عدد من الاختيارات الخاصة فيك و منها التوقيع

متل الصورة هي

http://www.suhbaonline.net/vb/upload/uploading/p_2.jpg

الخطوة الثالثة و الاخيرة
متل ما قلنا انت لازم تكون ناسخ عنوان توقيعك على الانترنت هون اكتب الشيفرة التالية و حط اسم صورتك بالنص
متل هالصورة

http://www.suhbaonline.net/vb/upload/uploading/p_3.jpg

و اذا عندك اي استفسار انا جاهز و بالخدمة

titan3

08-09-2003, 03:49

نسيت اقلك انوا بعد كل هالشي
بتلاقي بالاخير زر مكتوب عليه ( اعتمد التغييرات )
اضغطه و استمتع بتوقيعك

رنوش

08-09-2003, 04:32

الله يسلم هالايدين أخي تيتان ... فعلا أنت قدها وقدود :)

ابــ الشام ــن

08-09-2003, 01:32

الله يعطيك العافية أخ تيتان
انشاء الله يمشي الحال هلأ

diehard

08-09-2003, 05:08

مشكورين كلكم وبالاخص الاخ تيتان
انا كتبت متل ما قلتلي واخذت الرابط من صورة النجمة يلي حاططتها الاخت رنا
بس شوفة عينك طلع شعار الصورة بس الصورة ما طلعت

ابــ الشام ــن

08-09-2003, 05:18

لأن الرابط لا يعمل

جرب أي صورة بالانترنت متل ماقلتلك وحطها توقيع
بعدين اذا مشي الحال حملها من جهازك

diehard

08-09-2003, 06:50

واخيرا هي زبطت الصورة تبعك لللللللللللللللللللللللللللييييششششششششششش
شكرا لكل من ساعدني ولاتخاف يا ابن الشام رح غير الصورة بس للاقي موقع منيح لتحميل الصور

titan3

09-09-2003, 02:38

اخت رنا الله يسلمك

ابــ الشام ــن
الله يعافيك

diehard
و الله خصوصيتك هي خجلتني و بالنسبة لمشكلتك هي ابن الشام كفى و وفى الله يجزيه الخير

و الله الي عتب عليك انت و ابن الشام عمبتقولولي شوف الصورة و عمبتعبولنا عيوننا صابون انا و رنا لهيك بطلنا نساعدكن :D

titan3

09-09-2003, 02:41

و الك مني يا diehard احلى تصميم اذا بدك
هذا العرض خاص فيك اوكي
( هذا اذا عجبك التصميم اللي انا حاطوا شعار الي )
اذا قبلت ابعتلي عالخاص

رنوش

09-09-2003, 02:43

مبرووووووووك النا أولا :D
الحمدلله وأخيراااااااااااا زبطت الصورة

هي المشكلة بمواقع تحميل الصور ... معظمها فعلا معطلة ... شي غريب والله .

أنا عم دور على موقع أحمل عليه ملف حجمو 1 ميغا .. ياترى حدا بيقدر يفيدني .
وهو بالمناسبة ملف بوربوينت وانا حابة اعرضو بالمنتدى .. كهدية مني الكم :)

مين الحباااااااااب اللي بساعدني ؟؟؟

diehard

09-09-2003, 02:57

والله خجلتنييا اخي تيتان بس كمان انت كريم وانا بستاهل

وانت كمان اخت رنا بس يجي الحباب يلي بدو يساعدك عطيني خبر

ابــ الشام ــن

09-09-2003, 03:12

أوووووووووووووووووووووووووووووهااااااااااااااااااا ا
عن جد بدها زلغوطة
وبهل المناسبة الغالية على قلوبنا بيسعدني وبشرفني أنو أعمل حفلة مطنطنة
هههههههههههههههههههه
مبروك أخي داي هارد
نشكر كل من ساهم معنا في انجاح هذا العمل الذي كان يؤدي دور البطولة الأخ العزيز داي هارد

انشاء الله رح دور عالموثع وردلكن خبر
تحياتي

والكل معزوم عليها

diehard

09-09-2003, 03:24

كفو انت يا ابن الشام

بس هيك احرجتوني انا البطل تبع هالموضوع هلق بيصدقو الشباب بغير منتديات وبيعرضو عليي اني ساوي هيك موضوع عندهون

ومشان الحفلة

انت بس عطينا العنوان وبتلاقينا كفتنا لعندك

وانا رح جيب الكاتو

ابــ الشام ــن

09-09-2003, 03:43

شكرا لك أخي تيتان والله يعطيك العافية أنت الأصل
والشكر للأخت رنا عالمساعدة

لك أهلين وسهلين ايمتى ما حضرتوا بيحضر واجبكن

titan3

09-09-2003, 01:57

و الله مو معقول
يعني ابن الشام بده يطلع نفسه الجندي المجهول
لا انا ما رح اسمحلك انت البطل و بس
انت البطل و بس
مع الاخذ بانوا لاغنى عن افضل الابطال الثانيين اللي نافسوك عالبطولة بذكر منهم الاخ diehard و العزيزة رنا

رنوش

09-09-2003, 05:57

له يا تيتان .... انا وانت وابن الشام أبطال مزبوط ...
بس داي هارد ولا مؤاخذة بطل ليش وعلى شو ؟؟؟
ههههههههههههههه

بتعرف داي هارد ... اليوم أجى عالمنتدى شخصية هامة كتير .. وسألني عنك ;)
قال بدو يتعاقد معك على موضوع متل هاد ههههههههههه

يييييييييييي عم بمزح ها لا تزعل
بس شو حلو هالأرنوب اللي بيعمل فقاعات ... عم فكر اعمل توقيعي متلكم :D

diehard

09-09-2003, 08:44

شو يظهر ما عجبتك بطولتي
يلا اكيد انت من النقاد
ههههههههههههههههههههههه
التوقيع تبع ابن الشام مو تبعي بس انشالله رح غيرو

titan3

10-09-2003, 01:37

الاخت **RANA**
داي واحد من الابطال بتعرفي ليش لانه قدر يجمعنا بموضوع واحد وصل عدد الردود عليه لحوالي ( !! ) 3 صفحات

داي اسمحلي اقدملك التوقيع اللي وعدتك فيه ( بس هذا اشتغلته عالسريع )
يعني بجوز ما يعجبك

http://www.suhbaonline.net/vb/upload/uploading/DieHard.jpg

diehard

10-09-2003, 03:07

يعني والله ما خليتلي حكي

انت لازم تكون شي مصمم اعلاني

اكيد التصميم عجبني وشكرا الك مرة تانية

diehard

10-09-2003, 03:29

والله يا اخي تيتان ما بعرف شو بدي قلك الظاهر انو الموقع يلي حملت عليه مو زابط

diehard

10-09-2003, 03:35

لالا عم امزح معك زبط بعدين

titan3

10-09-2003, 11:48

لا خجل ولا شي
هذا حقك انا وعدتك و انا انشاء الله وفيتلك بوعدي

titan3

10-09-2003, 12:16

من ورا راسك يا داي هارد و من ورا نفخ راسي ( انت لازم تكون شي مصمم اعلاني ) :(

انا حطيت لاعضاء المنتدى عرض خاص عالموضوع التالي
http://www.syriastar.com/vb/showthread.php?s=&postid=19670#post19670

عرض خاص شبيك لبيك *** شعارك بين ايديك

diehard

10-09-2003, 03:36

بتعرف انو من ورا راسك اجاني 100 رسالة شكر مشا الشعار
بس ما تخجلنا قدام الشباب
الله يرضى عليك

titan3

10-09-2003, 06:24

انا ما رح اخجلك
و لعيونك يا داي هارد

hussam161

11-09-2003, 01:31

مرحبا اختي رنا
ومن اجل الموقع التي تريدين التحميل عليه جربي ها الموقع وان شالله بيكون منيح وبيساعدك
http://www.al-hdhd.net/up/

وتقبلي تحياتي

hussam161

11-09-2003, 09:12

وجربوا ها الموقع
wWw.NaJdYaT.wS

تحياتي

رنوش

11-09-2003, 11:50

الله يسلم هالايدين يا حسام ..
مواقع ممتازة .. شكرا كتييييييييييير لأنك لسا متزكر سؤالي :)

hussam161

12-09-2003, 12:10

انا بالخدمة

رنوش

12-09-2003, 12:12

وهي يا سيدي هلء اشتركت بموقع منهم .. صارلي فترة عم دور والله
:)
لكان انتظروا مني هالملف .. لعيوووووونكم :)

diehard

12-09-2003, 03:00

مشكلة تانية شباب

طولو بالكم لاترتعبوا

بس شلون بدي حط عدة صور بمشاركة وحدة

titan3

12-09-2003, 05:07

وانا رح ادلك و الف طلب متل هالطلب

انت رح تضيف صور عالمشاركة اللي رح تشاركها .. اوكي

انت بعد ما تضغط ( موضوع جديد ) او ( رد على الموضوع )
رح يطلعلك صفحة فيها عدة ادوات و صندوق نص بتكتب فيها مشاركتك ( الصورة اللي تحت )

انت ما عليك غير الاتي

تضغط رمز اضافة صورة لكل مرة بدك تضيف فيها صورة
( مع الانتباه ان صورك اللي بدك تضيفها عالموضوع تكون محملة عالنت عن طريق المواقع اللي سبق و عطيناك اياها )

http://www.uaeuae.com/upload/pic4/4diehard.jpg

titan3

12-09-2003, 05:09

و اذا بدك اي شي تاني انا جاهز

diehard

12-09-2003, 07:08

على راسي والله
بس انا ما بدي ضيف صورة وحدة بدي ضيف شي خمس صور
يعني حط الروابط تبعاتون كلون سوا

ولا شلون

رنوش

12-09-2003, 11:10

اي حطهم كلهم سوا .. على ما أعتقد انو بكل رد لازم يكون 3-4 صور فقط مو متأكدة والله احتمال يكونو 5 صور برد واحد .. وبتقدر تكتب رد تاني بنفس الموضوع وتحط كمان 3-4 صور .. الخ .

انت جرب تحط 5 صور مع بعض وازا ما سمح .. بتخليهم 4 .

:p

diehard

13-09-2003, 12:48

وهي هية المشكلة شلون بدي حط صورتين او تلاتة على الاقل

بسسسسسسسسسسسسس
شلووووووووووووووووووووووووووونننننننننننننننن

diehard

13-09-2003, 12:51

يعني مافي غر مكان واحد لاضافة صورة (من الجهاز)

يعني اذا شفتو احلى الصور ل 11 سبتمبر
حصيت بكل مشاركة صورة وحدة بسسسسسسسسس

titan3

13-09-2003, 01:09

يا حبيبي يا داي
انت بمشاركتك اولا عمبتأرفق ارفاق الصور
نحنا صرلنا 50 يوم عمبندلك على تحميل الصور عالنت و بعدها بتحط وصلة للصور

بتدخل الموقعhttp://www.suhbaonline.net/vb/upload/upload.php

او غيره من اللي بيعطوك خدمة تحميل صورك عالنت ببلاش
بتحمل صورك اللي بدك تحطهن بالموضوع و بتنسخ كل صورة شو الرابط اللي بيعطيك اياه تحت الصورة ( بتلاقيه بموقع التحميل )

بعد هالشي بتروح عالشرح اللي حاططلك الياه بالرد اللي قبله
و بتضغط عزر الصورة ( اللي مكبرلك اياه )
بيعطيك محل للكتابة مكتوب فيه (http:\\) مظبوط
هون بتحط عنوان اول صورة بدك تنزلها عالموضوع
و بعدها اذا بدك تكمل الشرح بتكتب بمربع الموضوع
اذا بدك تحط صورة تانية
بترجع بتضغط مرة تانية عرمز الصورة و
بيعطيك محل للكتابة مكتوب فيه (http:\\)
هون بتحط عنوان ثاني صورة بدك تنزلها عالموضوع

و هيك لتصل لمليار صورة
بس تصل للمليار خبرني

titan3

13-09-2003, 01:12

عفوا
بدي اخبرك يا diehard
انوا بدي اطلب من الادمين انوا يغير اسم موضوعك
( الى مشاكل عويصة بلا نهاية )
:D :D :D :D :D :D :D :D :D :D

رنوش

13-09-2003, 01:27

هههههههههههههههههههههههههههههه
مشاكل عويصة لا متناهية :D
أو مشاكل مستعصية و متجلصة :D
أو مشااااااكل هااااااارد كتييييييييييييير من العزيز داي هااااااارد :D

لك الله يعطيك العااااااااااافية يا تيتان شو بالك طويل ....

اخي داااااااي هارد ... ارفاق الصور تبع المنتدى >> شيلو من راسك مؤقتا ... لحتى ما تختلط عليك الأمور ...
حمل صورك من المواقع المجانية وبسسسسسسسسسسسس

وازا بدك أي شي ... تيتان جاهز ها ;)
وكلنا كمان جاهزين :)

ابــ الشام ــن

13-09-2003, 01:46

هههههههههههههه
والله سبقتني يا داي الشجاع

كنت مفكر أنو أنا أكتر عضو فيه مشاكل
بس الحمد لله لقيت أكتر مني
ههههههههههههه

شرح الأخ العزيز تيتان مزبوط وتمام
اتبعه وانشاء الله بصير خير

ومتل ماقالت الأخت رنا لا تطلع أبدا على ارفاق صور

وأي شي كلنا بالخدمة
تحياتي

diehard

13-09-2003, 04:12

ميرسي كتير

طيب قولو هيك من الاول

على فكرة انا مشاكلي كتيرة مشان هيك خليكون على اطلاع

انا ما كنت عم اهتم لهي المشاكل لحتى قررت اني ابقى بهالمنتدى الى الابد
يعني الواحد لازم بزبط وضعه

هههههههههههه

الى القاء مع مشكلة جديدة