صـــار معــي :

[أبو البيش]

صـــار معــي :
http://nada199.jeeran.com/nada_ns2.gif
الفكرة يا جماعة الخير ..
أنو كل واحد فينا بحياته بيمر على مواقف خلال يومه وممكن تكون هالمواقف طريفة .. أو بتخليه يعصب .. أو يستغرب .. أو يتعلم منها حكمة
الشي المطلوب أننا نحكي عن شي صار بيومنا خلال هالصفحة ونسمع تعليقات الشباب والصبايا ..
موافقين ؟؟
أكيد أي .. |7||7|

[أبو البيش]

الفكرة خطرتلي من ورا الشي اللي صار معي اليوم وأنا مسافر
بصراحة أول مرة بحياتي كنت بدي أعمل مشكلة بسبب إنسان الله يسامحه ما رح أحكي عنه إلا جاهل والقصة أني كنت مسافر على حماه وبعد ما خلصت كل شغلي أخدت تاكسي على محطة الباصات ورحت على مكتب الحجز :

بيشو : السلام عليكم .
الموظف : وعليكم السلام ورحمة الله وبركاته
بيشو : بالله إذا ممكن تذكرة على حلب هلأ ..
الموظف : تكرم عيونك إستاذ .
جهز الزلمة اللي يكتر خيره التذكره وقدمها ..
بيشو (( بعد ما قرأت التذكرة )) : أووف رقم المقعد 32 .. الله يسامحك أنا زبونك ودائما بحجز بالأرقام الأولى .
الموطف : ولو يا إستاذ بشير نحنا بنعرفك بس والله هاد الموجود ولو كنت حاجز ع التلفون كنت حجزتلك مقعد بأول الباص ..
بيشو : والله نسيت أحجز ع التلفون سبحان الله .. يلا مو مشكلة الله يسلم دياتك ..
طلعت من المكتب ورحت ع الباص وفورا ً على مقعد رقم 32 .
كان قاعد شخص وبدون سلام وكلام قال : إذا بتريد هالمقعد محجوز ؟
بيشو : يا حبيبي هالمقعد رقمه 32 وأنا رقم بطاقتي 32 معناها هاد محلي .
الزلمة : غريبة ؟ مع أنو كان معي زلمة طالع من الشام ومسافر ع حلب وكان قاعد جبني وهلأ هو أكيد بالإستراحة ..
وقبل ما يكمل كلامه شرف أخونا وفورا ًَ لعندي وقال :
هو : إذا بتريد يا سيد هاد مكاني
بيشو : عفوا ً ممكن شوف رقم تذكرتك لو سمحت ؟
هو : إي .. تفضل .
بيشو (( بعد ما ضحك وكان بده يولول )) : لك يا أخي رقم تذكرتك 42 وهون مقعد رقمه 32 فــ أنت الغلطان وحصل خير ..
هو : شو خير ما خير ؟؟؟ أنا طلعت من الشام على هاد المقعد .. وما بكمل ع حلب إلا بهاد المقعد ..
بيشو : يا اخي هاد المقعد كان فاضي من الشام لحماه .. وهلأ الله بعتله إبن الحلال اللي هو أنا يعني صار لازم تروح على مكانك ..
هو : شو مكانك وما مكانك هالمقعد إلي والدليل شوف أغراضي على الرف فوق ..
بيشو (( بلشت أعصب والله )) : والله دليل كتير منيح .. يعني انا هلأ بروح على مقعد رقم 1 وبحط أغراضي فوقه وبيصير إلي ,, وبلا تذكرة بلا نظام بلا أرقام بلا بطيخ ..
هو : خيو ما بعرف أنا أنا هون محلي ..
بيشو : طيب بعطيك محلي بس ع شرط تقول أنو هاد محلك ومن بعد أمرك بدي أقعد هون .
هو : شو بدك تحمليني جميلة ؟؟ لأ أخي أنا هون محلي ..
بيشو : والله معناها خلي أكبر زلمة من هون يخليني أقوم من مكاني ..
الزلمة ما عاد يفهم وصار صوته يعلى ويعلى لحتى أجي معاون البولمان وسمع للقصة وقله :
يا اخي والله الحق مو معك فــ الله يوفقك إرجع لمحلك ..
وبلشت الركاب تنزعج وصوتهم يعلى وكلهم عم يطالبوا الزلمة يخضع للقانون اللي هو لمصلحتي ..
هو : أخي أنا ما بتحرك من هون لو شو ما صار .. واللي مو عاجبه يشتكي ..
خلال دقيقة واحدة كان الأمن تبع كراج الباصات بالباص وحكا مع الزلمة :
الشرطي : خير شو المشكلة .؟؟
وحكيت للشرطي القصة من طقطق لسلام عليكم وكيف أنو ماسمع مني .. ولا من المرافق .. ولا من الركاب .
الشرطي : حبيبي أدامك حلين إما غير مكانك .. أو تفضل معي عند سيادة الضابط ؟
هو : لأ طول بالك عادي ما رح تفرء كتير هون وهنيك واحد بس أنا قلت لحاليأغراضي كتيرة ومشان ما أنقلها لهنيك ..
بيشو : يا إبن الحلال أنا مو قلتلك أعترف أنو هاد محلي حتى أوهبك ياه عن طيب خاطر وأنت ما رضيت ..هو : يلا خيو عادي حصل خير ..
بيشو : طيب إذا هيك من عيوني هاد المحل وأنا ما بدي تعبك بنقل الأغراض ..

طبعا ً شكرني الشرطي والركاب والمرافق على حسن الأخلاق ..

= = =

وبعد هالقصة وبسبب حضارة هالرجل ما إستفدنا إلا شوية وجع راس .. وتأخير الرحلة لأكتر من ربع ساعة ..

وتوتة توتة خلست الحدوتة ..

[رامز علي]

فكرة رائعة يا عبقرينا أبو البيش
الله يعطيك العافية
وبعدين
يعني وقعتك مع واحد دماغه مقفولة على الآخر
أنا لو محلك وكل واحد بدو يقعد وين ما بدو
كان قعدت مكان الشوفير
ههههههههههههههههههههههه

وخذلك هالقصة الحلوة

كنت مرة مسافر على بغداد والحكي سنة 1996
وبالطريق وأنا كنت جالس ورا الشوفير ما لقينا الا العجل اللي تحتي فلت من مكانو وسبق السيارة
والحمدلله السيارة ما انقلبت بس راحت شمال على حافة الطريق
المهم الركاب كلهم أخذو أغراضهم ومشيو الا أنا بدي أساعد الرجال لأنو الدنيا العصر واذا اجا الليل رح ياكلو يا الحرمية يا الضباع
رامز -- كيف أساعدك
الشوفير__ بتعرف الفلوجة
رامز -- طبعا بعرفها بس بعيدة حوالي 100 كيلو شو بدك منها
الشوفير --- بدي تروح تجيب ونش وقد ما بدو مش مهم المهم ناخذ السيارة بغداد
رامز---- على عيني بس وقفلي سيارة
الشوفير حاضر
وفعلا وقفلي سيارة ووصلت الفلوجة واتفقت مع ونش واجا معي وربطنا السيارة بالونش وسحبنا
ووصلنا بغداد حوالي الثانية ليلا
وكنت جوعان وعطشان وبدي كاسة شاي بأي طريقة وبعد ما وصلنا وفكينا السيارة من الونش
الشوفير--- شكرا لك أخي مع السلامة يالله تصبح على خير ودخل بيتو وما أعطاني مجال أقولو شربني مي
ودخل بيتو وقفل الباب وسابني في الشارع ما بعرف وين أنا والمنطقة بعيدة عن وسط بغداد وبتخوف الجن
والله ستر ما طلعلي شي
ولولا ستر ربنا بعتلي تكسي ورحت على فندق ونمت زي القتيل
وفعلا
خيرا تعمل شرا تلقى

أبو البيش
http://img67.imageshack.us/img67/6237/22760527xh3.gif

[قلم بلا قيود]

والله فكرة رائعة وموضوع أروع
ربي يسعدك ابو البيش

لكن سؤالي قبل ما اكتب موقفي

طالما بدك تتطوع للزلمه بمحلك يبقى لشو وجع الراس كان من الاول اخدت رقم 42
ههههههههههههههههههههههههههههههه

[همسة عتاب]

والله فكرة رائعة وموضوع أروع
ربي يسعدك ابو البيش

لكن سؤالي قبل ما اكتب موقفي

طالما بدك تتطوع للزلمه بمحلك يبقى لشو وجع الراس كان من الاول اخدت رقم 42
ههههههههههههههههههههههههههههههه

لك من يوم يومه مشكلجي هالبيشوو|243|

[أبو البيش]

لك من يوم يومه مشكلجي هالبيشوو|243|


هاد اللي طلع معك ست سعدية ؟؟

[أبو البيش]

والله فكرة رائعة وموضوع أروع
ربي يسعدك ابو البيش

لكن سؤالي قبل ما اكتب موقفي

طالما بدك تتطوع للزلمه بمحلك يبقى لشو وجع الراس كان من الاول اخدت رقم 42
ههههههههههههههههههههههههههههههه



لك واله يا حكيم لوطلب مني بالزوء وباللطف أني أعطيه المقعد كان من عيوني ونو بتفرق ..
بس أنو يفرض علي غصب عني أترك محلي هاد الشي اللي ما بيحلم فيه ولو على قطع رقبتي ..

هيك واحد لازم يتبهدل أدام كل الركاب . وأدام المعاون والسائق .. وأهم شي أدام نفسه ..

[أبو البيش]

فكرة رائعة يا عبقرينا أبو البيش
الله يعطيك العافية
وبعدين
يعني وقعتك مع واحد دماغه مقفولة على الآخر
أنا لو محلك وكل واحد بدو يقعد وين ما بدو
كان قعدت مكان الشوفير
ههههههههههههههههههههههه

وخذلك هالقصة الحلوة

كنت مرة مسافر على بغداد والحكي سنة 1996
وبالطريق وأنا كنت جالس ورا الشوفير ما لقينا الا العجل اللي تحتي فلت من مكانو وسبق السيارة
والحمدلله السيارة ما انقلبت بس راحت شمال على حافة الطريق
المهم الركاب كلهم أخذو أغراضهم ومشيو الا أنا بدي أساعد الرجال لأنو الدنيا العصر واذا اجا الليل رح ياكلو يا الحرمية يا الضباع
رامز -- كيف أساعدك
الشوفير__ بتعرف الفلوجة
رامز -- طبعا بعرفها بس بعيدة حوالي 100 كيلو شو بدك منها
الشوفير --- بدي تروح تجيب ونش وقد ما بدو مش مهم المهم ناخذ السيارة بغداد
رامز---- على عيني بس وقفلي سيارة
الشوفير حاضر
وفعلا وقفلي سيارة ووصلت الفلوجة واتفقت مع ونش واجا معي وربطنا السيارة بالونش وسحبنا
ووصلنا بغداد حوالي الثانية ليلا
وكنت جوعان وعطشان وبدي كاسة شاي بأي طريقة وبعد ما وصلنا وفكينا السيارة من الونش
الشوفير--- شكرا لك أخي مع السلامة يالله تصبح على خير ودخل بيتو وما أعطاني مجال أقولو شربني مي
ودخل بيتو وقفل الباب وسابني في الشارع ما بعرف وين أنا والمنطقة بعيدة عن وسط بغداد وبتخوف الجن
والله ستر ما طلعلي شي
ولولا ستر ربنا بعتلي تكسي ورحت على فندق ونمت زي القتيل
وفعلا
خيرا تعمل شرا تلقى

أبو البيش
http://img67.imageshack.us/img67/6237/22760527xh3.gif



هههههههههههه

لو بدالك كنت إرتكبت جريمة بهالمخلوق الفظيع ..

صحيح اللي إستحوا ماتوا |169|

يسلموا لمشاركتك أبو الرمز ..

[ABO Deema]

بيششششششششششششششششششششششششششو

كان لازم تشيل عيونه لهلدب

باينته شاوي ومو عرفان الله وين حاطه

اخ لو اني محلك ما بخليه يقعد الا على سطح البولمان

صحيح انه يدرب

[ABO Deema]

هذا الموقف صار معي من زمان يعني فيك تقول من قرابة شي 10 سنين

ايامها كان والدي شغال بالشام قاض بالقصر العدلي القديم لانه بهذاك الزمان القصر العدلي الجديد الي على اتستراد المزة كان قيد الإنشاء

بهذيك الزمانات كنت اروح لعند ابوي على شغله كتير فكان في بالقصر العدلي الديم بابين للدخول الباب الرسمي الي كل البشر بيفوتوا منه طبعا بعد التفتيش وباب تاني مخصص للوزير ورؤساء المحاكم والمحامي عام الاول

المهم انا ابوي كان يتزاور من الحرس الي بيكونوا واقفين على الباب الرئيسي لانهن بيفتشوا الكل بطعمة وبلا طعمة فكان اديما يقلي لا تفوت الا من الباب التاني وبوقتها كان بيحكي مع الحرس مشاني عشان كل ما اجي لعنده فوت من هنيك لانه كان يعتبر كبيرة بحقه انه ابنه يتفتش

انا كان الموضوع عندي عادي ما بتفرق بنتفتش وسعرنا بسعر العالم بس الوالد ما كان رغبان بهالشي

انا سايرت ولاني ولد مطيع فكنت أنفذ أمر الوالد

لحتى اجى هذاك اليوم وكان في شغلة مستعجلة واضطريت امر لعند الوالد مشان اخذ منه شغلة فكنت بوقتها كتير معجوق ومستعجل واصلة معي الامور لل99

لانه حظي معتر بهذاك اليوم كانوا مغيرين الحرس وجايبين حرس جديد ولمى وصلت تفاجأت بانهن مسكرين الباب على غير العادة

المهم بكل لطف خبطت على الباب بشويش بس ما كان حدا يرد

زدت الطرقة شوي قلت بلكي حدا بيسمع بس نو حدا رد

لحتى طلع خلقي وبلشت خبط بقوة كبيرة لحتى اجى الحرس وفتح الباب مشلوش

الحرس : لك ايييييييييييي شبك وين عم تخبط شو فايت على قهوة

أنا : لا يا حبيب بس الي اكتر من 10 دقايق عم دق وما حدا عم بيرد

الحرس بكل برودة : اي ما تواخذنا ما كنا عرفانين حتجي تنورنا كان فرشنالك الارض ورد الحاصله اخي شو بدك ؟؟

انا : ولاشي سلامة عيونك بس بدي فوت

الحرس : لوين بدك تفوت روح فوت من الباب الرئيسي

أنا : بدك ما تواخذنا حباب انا جاي على بالي فوت من هون

الحرس : عيني ما راح عيد كلامي هورينا وروح من هون احسن ما نزلك لتحت

(( تحت يعني سجن القصر العدلي ))

أنا : بلا شو بدك تنزلني لتحت اخي راح اطلب منك لاخر مرة انه بدي فوت وما راح عيد كلامي مرة تانية

الحرس : اخي ما في فوتة وطريييييخ خبط الباب

انا هون طلع جناني رسمي وبلحظة طرت ورحت لعند ابوي وقلتله هيك هيك الموضوع

قال ماشي

ونزل لعند الشب الي تحت و توقعوا شو الي صار

المغزة يا جماعة الخير مو بشوفة الحال أو شي من هيك لا سمح الله

بس المغزى انه نحنا كلنا بشر وفي اسلوب وتعامل مع الغير بطريقة لبقة طالما انه كل واحد ضمن مجال الادب

بس بيظل في ناس ما بيجوا الا بتكسير الراس

ومشكور بيشو على الموضوع

نلقاكم في موقف تاني

[saudi youth]

|521|

|521|

|521|

تعيش وتاكل غيرها بيشو |391|

فكره حلوه كثير

تحياتي لكــ

[ميوووش]

موضوع رائع بيشو
زكرتني ببرنامج كان ييجي عالـ ال بي سي
اسمه " صارت معي "
هو عبارة عن مسلسل بتقدر تقول
كان ييجي حد يحكي قصة صارت معه حقيقة
وييجي مجموعة ممثلين يمثلوا هالقصة
--------
كتيرة هي المواقف يلي بتمر علينا
وأكيد في مواقف بعمرنا وبحياتنا ما رح ننساهم
عالعموم لي رجعة

يعطيك العافية بيشو

[Jupiter]

بيشو حبيبي فكرة كتير حلوة و موضوع رائع كتير
يسلموا ايديدك
|48|

[ميوووش]

و طبعا ياا سادة يا كرام بعد نص ساعة اشتغل الموبايل
تبعي بس ما اتصلت و شكرتو للاستاذ فادي



هههههههههههههههههههه
برافو عليك ماهر

[أبو البيش]

بس المغزى انه نحنا كلنا بشر وفي اسلوب وتعامل مع الغير بطريقة لبقة طالما انه كل واحد ضمن مجال الادب

بس بيظل في ناس ما بيجوا الا بتكسير الراس

ومشكور بيشو على الموضوع

نلقاكم في موقف تاني



والله لك يا عمور لو تعاملوا معك بشوية أدب ما كان صار هالشي ..
بس العترة على النفسيات الحامضة ..

هههههههههههههههه

شكرا عمورتي لمشاركتك الحلوة ..

[أبو البيش]

انا بالنسبة الي رح احيلكون قصة صارة معي مع شركة الاتصالات
المسماة عنا بسوريا MTN
و الي مرة ابو البيش الله يخليه شرحلي شو معنات هالاختصار بالتفصيل (( مافي تغطية نهائيا ))




ههههههههههههههههه
مهورتي في شغلات كتيرة غير هالشغلة خليني ساكت بلا فضايح ..
أحلى مهورة ..

[الوردة الدمشقية]

الفكرة حلوة ..

الله يعطيك العافيه بيشو ..


لي عودة بعد ما اتذكر |545|

[ميوووش]

رح أحكي قصة صارت معي قبل شي 3 سنين
وأنا بصف 11
مرة من المرات جاية عالمدرسة الصبح
وطبعاً ومتل العادة " متأخرة"
وصلت المدرسة وكانوا البنات يلي بالطابور طالعين عصفوفهم
بس لسا ما بلشت الحصة الأولى
المهم ... اول ما وصلت المدرسة... كانت الآذنة قدامي .. صبحت عليها
فردت عليي: الله يسعد صباحك
وانا طالعة عالدرج لسا ما وصلت الصف
بحكي لحالي..."الآذنة قالتلي الله يسعد صباحك ...مممممممم .. معقول الله بيستجيبلها !!"
طلعت عالصف
أول ما دخلت تصبحت بوجه بنت
بتقوللي ... " مو عيب يا ميووش ؟؟!!"
تطلعتلها باستغراب: عن شو بتحكي ؟؟!!
قالتلي: إنتي عارفة
أنا حسيتها بتحكيها بمسخرة يعني عم تتهبل عليي وبما إني كنت متأخرة ما أعرت الموضوع هالأهمية.. كان همي أوصل لمكاني وأقعد قبل ما تدخل المعلمة عالصف...
وصلت لمكاني .... كان مكاني أيامها جنب رفيقتي يلي أنا وإياها مع بعض من أيام الروضة
وأنا وإياها كتير كتير كتير صحبة ولهلأ
المهم جيت
أنا: صباح الخير
رفيقتي : http://www.syriastar.com/vb/images/icons/a30.gif
أنا : عم نصبح
رفيقتي " بكل قرف ولئامة " : إزا سمحتي ما تقعدي جنبي
وحطت شنتتها عالكرسي
أنا " بكل استغراب وتفاجأ ": نعم ؟!! عيدي
هي : ما بدي إياكي تقعدي جنبي وبس
أنا : وليش يختي ؟؟
هي : هيك
أنا : شو هيك؟!
هي : عشان يلي عملتيه فينا مبارح
أنا : شو عملت أنا؟؟!!
هي " بعصبية" : شو شو عملتي.. مش عارفة حالك شو عملتي !!
كل هالمصيبة ومش عارفة
لك شوفي "غدير" كيف عم تبكي منك
بتطلع على " غدير" ... وجهها أحمررررر .... ويلي بتطلع عليها بيحكي إلها ساعتين عم تبكي
صرت أحكي بيني وبين حالي" يخرب بيتك يا ميوشة .. الواحد يعلق مع الكل إلا مع غدير"
غدير كانت بنت قوية ... يعني إلها كلمتها بالصف وإن حطت حد براسها... ما بيخلص منها إلا بمشكلة
وهلأ عم تبكي ومني ... ولييييييي
دخلت المعلمة عالصف
وأنا لساتني واقفة "بحل مشكلة الشرق الأوسط " http://www.syriastar.com/vb/images/icons/a31.gif
المهم... طنشت غدير
ورجعت أناقش رفيقتي
هي: يا خسارة الأيام والصحبة يلي كانت بينا .. جد خسارة
هي " بتنادي لأماني" : "أماني" تعي اقعدي جنبي
أنا "بلشت عسب " :هو على خاطرك وخاطرها تقعّدي مين ما بدك مكاني؟؟
أماني : جد ميوووش .. ما كنا نتوقع منك إنتي هيك
أنا: ييييييييييييي علينا ... لك فهموني شو القصة
المعلمة "انتبهت إنو في مشكلة بس بدها تبلش الحصة" :يلا أقعديلك بمكان
أنا " معسبة عالآخر" : وين أقعد وين اروح؟؟!!!
المعلمة : أقعدي جنب "مرام"
والله وقعدت جنب "مرام".. وبلشت الحصة وكله تمام
بين كل فترة وفترة كنت بتطلع عرفيقتي يلي بالأصل لازم كون قاعدة جنبها
بلاقيها بتطلع عليي بكل قرف ... وأنا مصدوووووومة
بتطلع عالبنات التانيين ... يلي بتزور ويلي بتتأفف ويلي ويلي
وأنا ... |172|
بنص الحصة " شردت عن الدرس"
صرت فكر : لك يا ربييييي شو عاملة انا وماني صاحية على حالي ... مبارح شو عملت انا
يعني لآخر الدوام وإحنا كلنا أحباب وأصحاب مع بعض
يعني القصة بدها تكون صايرة لما روّحنا
لك كل يلي بزكره إنه بعد الحصة الخامسة ... ضليت قاعدة بالساحة أستنى صاحباتي بشعبة العلمي يلي كان عليهم 6 حصص ... لك أنا متأكدة إني ما تحركت من محلي ... لك وبعد السادسة عطول روّحنا عالبيت .. ما رحت محل ليتاخد مني موقف فففففففففففففف
بسأل "مرام" : شو في؟ مالهم البنات هيك عليي
مرام : ما بعرف والله
طنشت ورجعت للدرس
خلص الدرس بس وقت الحصة ما خلص
كان باقي للحصة شي 5 دقايق... المعلمة لسا ما طلعت من عندنا
المعلمة يلي كانت عنا كانت مربية صفنا
بتطلع أنا عرفيقتي .. لك عم تزورنييييييييييييي |457|
قمت من مكاني ... في بنتين طيوبات كتير معي بالصف ... رحت لعندهم
أنا : مالهم هيك البنات عليي
وحدة منهم : والله ما بعرف ..
التانية : من الصبح من قبل ما تيجي وهم بيتوعدولك
قلت لحالي " أحلااااااااا ... بيتوعدولي !!! ولييييييي "

رحت متل الشاطرة قلت للمعلمة " مس ... بتقدري تعرفيلي من البنات ليش هيك عم يحكو معي وبعاملوني "
المعلمة : صبايا.... ميووش بدها تعرف ليش انتو هيك عم تحكو معها
هنا ... تعالت الأصوات
-" بعصبية " كل يلي عملتيه وجاية بعين قوية تسألي
- اتزكري اتزكري شو عملتي فينا .. اتزكري
- خسئتِ <<<< طالعة بالسحبة هيّ
- "باستغراب تام" آخر شي كنا نتوقعه منك http://www.syriastar.com/vb/images/icons/a14.gif
- جد عيب يلي صار
- إزا صاحبتك ورفيقة عمرك استحقرتك شو نحكي نحنا !!!
بتطلع عرفيقتي " معسبة وبدها تخنئني كمان شوي " |262|
أنا : لك فهموووونيييييييييييييي شووو القصة
- الحكي يلي حكيتيه ... مش قليل
- يلي وصلتيه للمدير عنا
تدخلت المعلمة : شو هو الحكي يلي حكته
- سوري ... نحنا ما بنعيد الكلام يلي حكته
- إزا هيي بتحكي هيك كلام ... احنا مو متلها
المعلمة : يعني لهالدرجة الكلام مو منيح ؟!!|10|
- وأكتر من ما بتتصوري
المعلمة إنصدمت ... يعني معروف عن ميوووش " هادية مؤدبة... مو معقول يطلع منها غلط كبير لدرجة إنه ما ينعاد "
أنا هون استسلمت
أنا: بنات ...أنا غلطت بحقكم .. بس نسيت شو عملت ممكن تزكرونييييي
- ليش هيي شغلة بتنتسى
أنا : نسييييييييت شو أعمل بحالي؟؟؟ زكروووووونيييييي... في مجال ؟
لك والمشكلة الأكبر إنه "غدير" يلي بتناقش فيني أكتر شي وأنا مووووو قدها
المعلمة واقفة مذهولة http://www.syriastar.com/vb/images/icons/a32.gif
وأنا مجلوطة ....وتخيلوا مو أقل من 20 بنت ضدي.... وانا بطبيعتي بمشي الحيط الحيط وبقول يا ربي الستر
أنحط بهيك موقف !!!
بهاللحظــة
المعلمة نادتلي : ميوووش ... عم يعملو فيكي مقلب
ما لقيتهم إلا كلهم بصوت واحد وبيخبطوا بإيديهم عالطاولات
"زبطت |19| زبطت |19| زبطت "

أتاريها كزبة نيسان
لما البنات شافوا إنه المعلمة تدخلت وإنصدمت وإنذهلت ... سحبوها بنتين لبرا الصف وقالولها إنّي مو عاملة شي بس عم نمزح معها
انا لأني كنت خايفة ... ارتحت كتير لما إنقاللي مقلب
يعني صعبة كتييييير لما تتفق مجموعة كبيرة ضدك
وما تلاقي شخص واحد بس يدافع عنك
وبعمري ما توقعت أو تخيلت إنو الكل يجتمع على إنو يعمل فيي مقلب
يعني الواحد بتصور من شخص شخصين ... وإن كتروا أكتر بيكونوا صاحباتك المقربات
مو كل الصف !!!
الغريب بالموضوع إنه بنص الحصة انتبهت إنه التاريخ 1/4 ... وقلت لـ"مرام" يييييي 1/4 اليوم ... الله يستر من كزبات هاليوم .. بس ولا خطر عبالي موقف البنات مني إله علاقة بكزبة نيسان

أنا إنحكتلي كلمة مقلب وشفت فرحة البنات إنو مشي عليي المقلب
صرت اضحك وخجلت إنو كيف مشي عليي هالمقلب

أتاريها رفيقتي من الصبح جاية ومنبهة عكل البنات لما تيجي ميوووش بدنا نعمللها مشكلة
يعني قالولي بعدها ... الله سترك إنك جيتي متأخرة لأنو برا الصف أكيد رح تعلا الأصوات أكتر وفي مجال لأي بنت تعصب براحتها ...
ومجال كبير لبنات من غير صفي ينتبهوا علينا
وممكن ما أتحمل وأسير أبكي <<< بتعرفوني حساسة


ورجعت قعدت جنب البومة رفيقتي وكله عاد كما كان

لك بس يلي ما فهمته لهادي اللحظة

والله والله والله غدير كانت عم تبكيييييييييييييييييييي
شلون مقلب وهيي كانت بتبكي جد !!

وهادا هو الصباح يلي دعتلي عنه الآذنة

وتوتة توتة
خلست الحتوتة

[أبو البيش]

هههههههههههههههههه

والله بصراحة موقف محرج
يعني لو كان من بنت أو بنتين كانت معقولة
لكن من هالعد الهائل ؟؟

تعيشي وتاكلي غيرها ميوش ..

سنكيو لمشاركتك وبإنتزار أحداث جديدة .

[عاشق الرومنسيه]

http://www.al-wed.com/pic-vb/10.gif

اخي الـعــزيــز
ابـــو الـبـيـش
ماشـاء الله عـلـيـك
مــوضـوع مـمـيـز وفــكــرة رائـعـة
الله يعطيك العافية
ودمـــتــ بـكـل ود|48|
http://www.al3nabi.net/upload/show.php?pic=95070

[الوردة الدمشقية]

ميوشتي كان جاي ع بالي شوف شكللك كيف كان ..:D


تعيشي و تاكلي غيرها حبي ..|314|

[الوردة الدمشقية]

رح احكي موقف صار معي هي السنه بشهر رمضان و هو كالتالي ..

5 يوم رمضان تقريبا كان عندي دوام بالمعهد ع الساعة 12 ظهر و بابا كان صدفة بالبيت و حب هو يوصلني امشان ما روح مشي ..المهم نزلنا ع الباركن و طلع في واحد حاطط سيارته وراء سيارتنا و هاد الشي ممنووووووووووع ..لأنه الباركن خاص و ما بصير حد يحط سيارته بمكان ما اله و مكتوب انه هاد الباركن خاص بس الاخ فهيم و الله لا يكتر الفهمة ..و فوق هاد مو مسجل رقم موبايله ع السيارة امشان حد يحكيه او هيك ..يعني الخلاصة سيارتنا محبوسه لأن وراها سيارة تانيه ...تمينا شي ربع ساعة بالحر و الرطوبه عم ننتظرصاحب السيارة يتفضل .و بابا انسان عصبي كتير و برمضان بصير عصبي ضعفين ..و المهم بعد شوي بيتفضل صاحب السيارة شب فلسطيني و الاخ شكله مبسوت و متفائل ..انا حكيت بيني و بين حالي و الله شكله امك مو راضيه عنك اليوم ما لقيت تحط سيارتك الا وراء سيارة بابااااا من بين كل البشر ؟؟

بابا بعصبيه : انت صااااااااااااااااحب السيارة ؟؟

الشب و بهدوء : أي عمي انا صاحبها لا تأخذني

بابا بعصبيه طبعا : شووووو ؟؟ لك انت ما بتفهم ؟؟

الشب شبه اتدايئ : و الله اسفه يا عمي حقك عللينا بس انا بفهم ..

انا بهدوء: بابا يلا مو ضروري يفهم الشب مشي الحال ..

بابا و بعسبيه زيادة : لأ ما بتفهم لو بتفهم ما كنت بتعمل هيك العمى شو انك غبي.. ومن هادحكي :(


انا عم حاول انهي الموضوع : بابا يا عيني خلص مشي الحال مو محرزة شغله فاضيه ..


الشب عسب : لا ماني غبيييييي يا عمي و ما بصير هيك تحكيلي ..


|126| و فجأة بابا ضربه للشب كف و صار الموضوع في ايدين و انا و الله لحالي مستحيل قرب لك بروح بين الرجلين |255|..و الشارع فاضي مو شايفه حد بوشي ..و الموضوع صار شغل رجاااااااااااااال|206| ..و صدفة الهل بعت شب اماراتي من سابع سماء و فك بينن... وبعدها بابا بسرعة كبيرة راح وفتح بابا السيارة و هو بيحكي و الله لشهيك اهلك يا زفت و من هاد الكلام اانا ماكنت عارفة وقتها بابا ليش فات ع السيارة بس انا تلاقئيا وقفت بنص باب السيارة وبحكيله:

بابا خلص ياربي اتركه الموضوع تافه صلي ع النبي و طول بالك ..

بابا صار يدور ع شغله ماكنت عارفه شو هيي ؟؟ ...و انا بوقتها حكيتله لشب هداك يلي صار معه المشكله انه يروووووح يهرب لأي مكان لأني وربي حاسسني انه رح يصير شي و قبل ما يروح حكيته انه يعطي المفتاح للشب الاماراتي امشان يطالع سيارته بس هو يبعد ..و فجأة بابا بطالع من داخل السيارة سكين (شكلها تبعت مشاكل )..انا صعقت ..كيف بابا حاطط هيك شي بالسيارة ؟؟..و اصلا انا بعرفها لهي السكين بس للزينه بسموها (خنجر عننا )..استغربت معقول بابا هلأ يعمل جريمة يعني ؟؟:( انا مو مسدقة ! حسيت رجلي ماعادت تحملني انا واقفه بنص باب السيارة يعني بابا مارح يقدر يطلع لحتى ابعد ..و الشب هداك يلي معه المشكله ابتعد بس مو كتير و انا بحكي لبابا لك شوهاااااااااااد ؟؟..اتركه بابا لك خلص ..انا وقتها خفت ع بابا ما يعمل جريمة و خفت ما نبتلى بالشب و خفت ع حالي ما يروحني بالغلت من انفعاله لأني انا بنص الباب تبع السيارة و بابا ماسك الخنجر و فاتحه و معسب و بيحكي الي بعدي و يعسب علي .. و الله صرت ابكي من الرعبه :(
اول مرة بحياتي بنحط بهيك موقف ..رجليي ماعادت تحملني صرت ابكي ...و بابا كل ما يحكي بدي شهي اهله
انا خاف بزيادة ..قلت لبابا و انا بحاله منهارة من الخوف بدك تحرمه اهله للشب و تحرمنا منك و بدك تتعبنا نحن ناقصنا مشاكل ووجع راس ؟؟ اترك السكين الله يوفقك و لو غاليه عليك اتركه من ايدك بابا امشاني انا ..:( ..و الله ترك بابا السكين من ايده بعد ما وقف قلبي وبكيت بالشارع و انرعبت رعب لا مثيل له ..

و الشب الاماراتي الله يكتر خيره طالع سيارة الشب الفلسطيني يلي اتقاتلنا معه و طلعنا بالسيارة ووصلني بابا ع المعهد ..و بهاد اليوم طبعا انا ما فهمت شي من الاستاذ و تفاجأت بعدين انه ورق الانجليزي يلي كانه معي طاره و ضاعة من وهله المعركة ..:)



و دمتم بخير

|499||499|

[ميوووش]

هههههههههههههههههه

والله بصراحة موقف محرج
يعني لو كان من بنت أو بنتين كانت معقولة
لكن من هالعد الهائل ؟؟

تعيشي وتاكلي غيرها ميوش ..

سنكيو لمشاركتك وبإنتزار أحداث جديدة .



بالبداية كان موقف مرعب مو بس محرج
بس بعدها
صارت ذكرى حلوة ... :)

نو سنكيو عواجب بيشو

[ميوووش]

ميوشتي كان جاي ع بالي شوف شكللك كيف كان ..:D


تعيشي و تاكلي غيرها حبي ..|314|

لك يا وردتي
لو زكرتيني أسورلك الموكف فيديو

تدربيييي حبييييي

[ميوووش]

رح احكي موقف صار معي هي السنه بشهر رمضان و هو كالتالي ..
و بهاد اليوم طبعا انا ما فهمت شي من الاستاذ و تفاجأت بعدين انه ورق الانجليزي يلي كانه معي طاره و ضاعة من وهله المعركة ..:)
و دمتم بخير

|499||499|




بالفعل الله ستر من جريمة كانت رح تصير

الله لا يعيد هيك مواقف عليكِ حبي

بإنتزار موكف جديد :)

[حلا الصبايا]

.. صـــار معي ..

هذا ياسادهـ ياكرام وفي يوم من الأيام , قدر اللهـ عليّ وصرت طالبهـ في الثانويهـ العامهـ((بكالوريا)) متلي متل كل هالبنات ..
الموهيم بداية السنهـ كانت كتير عاديهـ فيها المزح وفيها الجد وفيها اللعب وفيها الضغط وكملنا الترم الأول واخذنا معدلاات حلوهـ وموكلهـ شطارهـ منا كمان كان في مساعدهـ كتييييير كبيرهـ من الأستاذات ..

واخدنا اسبوع أجازهـ وبعدها بلشنا تحضيرات للترم التاني من هالسنهـ وكان كل شي منيح ومتل العادهـ لحدت ما أجت أجازة أختبارات الوزارهـ هوون بدأ الخوف يدب فيني انا وزميلاتي ..:(

وبلشنا مذاكرهـ وتحديد والأيام قربت تخلص والأختبارت على وشكـ ان تبدأ..
وانا طول هالأسبوعين يابابا ممكن توصلني عند رفيقتي , يابابا أنسخ لي هالأوراق
وبابا :شوهو الأوراق يابنتي
أنا : هي أسئلة الأختبارات الفايتهـ من سنة 1413 الى 1426 هـ..
بابا : أووف وشو بدكـ فيها
انا: ييييييييييييي يابابا بيقولوا البنات((واللهـ ماضيعنا غير هالبنات|268|)) كتييييييييييييير مهمهـ أغلب أسئلة الوزارهـ معادهـ وأكييييد رح يعيدون لنا منها .>>دخيلوا الذكي |268|
بابا: أيهـ واللهـ ماني عارف لكم بس أكيييييد رح تشتتكم ..
أنا : بابا انت ماعليكـ انت انسخ لي وخلي الباقي عليي ..

وأجا اليوم الأول من الأختبارات وكان عندي علم أجتماع ..

ماما : شو حلول جاوبتي
انا : الحمداللهـ كل شي تمام
ماما: اللهـ يوفقكـ يارب

واجا اليوم التاني وكان عندي نحو , وكمان الحمداللهـ كان كل شي على مايرام ..
ويوم لأحد ليلة الأثنين
بلشت مذاكرهـ لمادتي الجديدهـ وماخلصتها الا عالساعهـ وحدهـ بالليل بقوم أجهز أغراضي وانام , ومابصحى الاعلى صوت أمي تفيقني لصلي الفجر وأجهز للدوام وأقوم أخلص كل شي وانزل أفطر وخلال فطوري قمت متل كل هالشاطرين |257|لأرجع كاستي تبع الحليب المطبخ واشرب مي وفي طريقي عند باب المتبخ بخبط في اخوي وينكب نص الكاسهـ على مريولي ..|528|
وبضل اشخط في أخوي انت ماتشوف وليش هيك صار ياربي وانا وراي دوام وماسمعت امي الاتقولي حلا سيبي عنكـ وروحي بدلي قبل لايفوتكـ الباص واركض على غرفتي واجي لمريولي التاني ومالاقيهـ تلع هو في الغسيل التاني ..
وباخد من عندي قميص وبنطلون وبسرعهـ اتلع والا الباص راح وسابني وليييييييي على هالنهار ليش من أولهـ موخييير ..:(
ومامتي بتصحي ابوي منشان يوصلني وأضل ربع ساعهـ ناطرتهـ ليفيق , والحمداللهـ وأخيراً وصلت للمدرسهـ .,

واحنا عندنا بالمدرسهـ الثانويهـ العامهـ في وقت الأختبارات بيفرغوا لهم مساحهـ خاسهـ فيهم بيذاكروا فيها وبتكون قريبهـ من القاعهـ ودوغري بروح للموقعنا الخاس فيناااااا بس أوصل بتقابلني زميلتي هيوف ..
هيوف :صباحوا
انا: أهلييييييين
هيوف: كيفكـ وكيف المادهـ معكـ
انا: الحمداللهـ حلوهـ كتيييير وسهلهـ
هيوف: طيب تعي نراجع قبل الأختبار .>>كما هي العادهـ قبل أي أختبار
انا : مومشكلهـ
وبناخود لنا قرنهـ وبنقعد فيها ولما اجينا نبلش انتبهت على الكتاب اللي بأيدي وقالت لي ليش حاملهـ هالكتاب قلت لها وكيف بدك أياني اراجع ..|172|
كان تقولي حلا اليوم شو علينا من أختبار انا استغربت من سؤالها في البدايهـ وقلبي نقزني ..:(
قلت لها موحديث وثقافهـ اسلاميهـ كان تقولي لاياحلوهـ اليوم تاريخ كان أطلع فيها بنظرة خوف مع حزن مع عدم تصديق قلت لا هيوفتي بجد كان تقولي وربي وجد الجد ..
ييييييييييييييييييييييييييييي ياليتكم شفتوا حالتي لكـ شو هالعملهـ اللي عملتيها ياحلاااااااا ..!!
وشو صار لي وماخلاني انتبه للجدول منيح..!!
وماقدرت امسكـ حاااااالي ودغري بلشت ابكي وابكي والبنوتات كلهم اجوا ومومصدقين ليش ما أنتبهت للجدول واللي بتواسي فيني واللي بتندب حظي واللي بتشجع فيني حتى اذاكرلي شوي قبل لايبلش الأختبار .. وانا موقادرهـ استمريت ابكي لحدت ماتعبوا البنوتات وراحوا جابو لي الأستاذهـ صبااح وكانت هي ((كنترول الثانويهـ العامهـ )) وبتجي هي وبتفهم السالفهـ وحتى هي كانت مصدومهـ متلي وبتاخدني معها للمكتب وبتعطيني ساعهـ كاملهـ لذاكر فيها قلت لها كيييييييييف والمنهج كبيييييييير كان تقولي ياحلااااا اتكلي على اللهـ وربي بيساعدكـ ..
وشوي ربع ساعهـ ودخلوا البنات القاعات وبلشو يختبروا وانا عم ذاكر ..وشوي ابكي على حالتي وشوي ادرس واجت الأستاذهـ اريج وساعدتني في المذاكرهـ وكانت ترفع من معنوياتي ..
وبعد ساعهـ وعليها كم دقيقهـ لقدرت أخلص المادهـ بمساعدة الأنسهـ اريج وفتت على القاعهـ ..
وباخد موقعي وبستلم الورقتين ألأسئلهـ والأجابهـ وبتقولي الأستاذهـ سمي باللهـ
وبشوف الورقهـ وبموت رعبهـ وارجعت ابكي من جديد
وتقولي الأستاذهـ اريج ولييييييييييي علينا حنا ماخلسناا ..
ياللهـ بلشي حلاااا وربي يوقفكـ وبدأت اجاوب شي صح وشي غلط وشي مساعدهـ من الأستاذهـ وشي تطنيش مني لحدت ما أنتهينا ..
وبعدها بتلع بلاقي البنوتات بيستنوني وبيراجعوا معي الأجوبهـ وبلاقي حالي عديت مرحلة الخطر والحمداللهـ , وصرت قبل لاأروح من المدرسهـ وقت الأختبارات اول شي اتأكد من الجدول بعتين اروح ..|527|

وانتهت تلكـ السنهـ على خير وانهيت بعدها الجامعهـ وهلئ عاطلهـ عن العمل يمكن بسبب تلكـ المادهـ ..|527|
هع هع

[أبو البيش]

رح احكي موقف صار معي هي السنه بشهر رمضان و هو كالتالي ..

5 يوم رمضان تقريبا كان عندي دوام بالمعهد ع الساعة 12 ظهر و بابا كان صدفة بالبيت و حب هو يوصلني امشان ما روح مشي ..المهم نزلنا ع الباركن و طلع في واحد حاطط سيارته وراء سيارتنا و هاد الشي ممنووووووووووع ..لأنه الباركن خاص و ما بصير حد يحط سيارته بمكان ما اله و مكتوب انه هاد الباركن خاص بس الاخ فهيم و الله لا يكتر الفهمة ..و فوق هاد مو مسجل رقم موبايله ع السيارة امشان حد يحكيه او هيك ..يعني الخلاصة سيارتنا محبوسه لأن وراها سيارة تانيه ...تمينا شي ربع ساعة بالحر و الرطوبه عم ننتظرصاحب السيارة يتفضل .و بابا انسان عصبي كتير و برمضان بصير عصبي ضعفين ..و المهم بعد شوي بيتفضل صاحب السيارة شب فلسطيني و الاخ شكله مبسوت و متفائل ..انا حكيت بيني و بين حالي و الله شكله امك مو راضيه عنك اليوم ما لقيت تحط سيارتك الا وراء سيارة بابااااا من بين كل البشر ؟؟

بابا بعصبيه : انت صااااااااااااااااحب السيارة ؟؟

الشب و بهدوء : أي عمي انا صاحبها لا تأخذني

بابا بعصبيه طبعا : شووووو ؟؟ لك انت ما بتفهم ؟؟

الشب شبه اتدايئ : و الله اسفه يا عمي حقك عللينا بس انا بفهم ..

انا بهدوء: بابا يلا مو ضروري يفهم الشب مشي الحال ..

بابا و بعسبيه زيادة : لأ ما بتفهم لو بتفهم ما كنت بتعمل هيك العمى شو انك غبي.. ومن هادحكي :(


انا عم حاول انهي الموضوع : بابا يا عيني خلص مشي الحال مو محرزة شغله فاضيه ..


الشب عسب : لا ماني غبيييييي يا عمي و ما بصير هيك تحكيلي ..


|126| و فجأة بابا ضربه للشب كف و صار الموضوع في ايدين و انا و الله لحالي مستحيل قرب لك بروح بين الرجلين |255|..و الشارع فاضي مو شايفه حد بوشي ..و الموضوع صار شغل رجاااااااااااااال|206| ..و صدفة الهل بعت شب اماراتي من سابع سماء و فك بينن... وبعدها بابا بسرعة كبيرة راح وفتح بابا السيارة و هو بيحكي و الله لشهيك اهلك يا زفت و من هاد الكلام اانا ماكنت عارفة وقتها بابا ليش فات ع السيارة بس انا تلاقئيا وقفت بنص باب السيارة وبحكيله:

بابا خلص ياربي اتركه الموضوع تافه صلي ع النبي و طول بالك ..

بابا صار يدور ع شغله ماكنت عارفه شو هيي ؟؟ ...و انا بوقتها حكيتله لشب هداك يلي صار معه المشكله انه يروووووح يهرب لأي مكان لأني وربي حاسسني انه رح يصير شي و قبل ما يروح حكيته انه يعطي المفتاح للشب الاماراتي امشان يطالع سيارته بس هو يبعد ..و فجأة بابا بطالع من داخل السيارة سكين (شكلها تبعت مشاكل )..انا صعقت ..كيف بابا حاطط هيك شي بالسيارة ؟؟..و اصلا انا بعرفها لهي السكين بس للزينه بسموها (خنجر عننا )..استغربت معقول بابا هلأ يعمل جريمة يعني ؟؟:( انا مو مسدقة ! حسيت رجلي ماعادت تحملني انا واقفه بنص باب السيارة يعني بابا مارح يقدر يطلع لحتى ابعد ..و الشب هداك يلي معه المشكله ابتعد بس مو كتير و انا بحكي لبابا لك شوهاااااااااااد ؟؟..اتركه بابا لك خلص ..انا وقتها خفت ع بابا ما يعمل جريمة و خفت ما نبتلى بالشب و خفت ع حالي ما يروحني بالغلت من انفعاله لأني انا بنص الباب تبع السيارة و بابا ماسك الخنجر و فاتحه و معسب و بيحكي الي بعدي و يعسب علي .. و الله صرت ابكي من الرعبه :(
اول مرة بحياتي بنحط بهيك موقف ..رجليي ماعادت تحملني صرت ابكي ...و بابا كل ما يحكي بدي شهي اهله
انا خاف بزيادة ..قلت لبابا و انا بحاله منهارة من الخوف بدك تحرمه اهله للشب و تحرمنا منك و بدك تتعبنا نحن ناقصنا مشاكل ووجع راس ؟؟ اترك السكين الله يوفقك و لو غاليه عليك اتركه من ايدك بابا امشاني انا ..:( ..و الله ترك بابا السكين من ايده بعد ما وقف قلبي وبكيت بالشارع و انرعبت رعب لا مثيل له ..

و الشب الاماراتي الله يكتر خيره طالع سيارة الشب الفلسطيني يلي اتقاتلنا معه و طلعنا بالسيارة ووصلني بابا ع المعهد ..و بهاد اليوم طبعا انا ما فهمت شي من الاستاذ و تفاجأت بعدين انه ورق الانجليزي يلي كانه معي طاره و ضاعة من وهله المعركة ..:)




الحمد لله أن الموضوع إنتهى على هيك وماصار غير شي ..
لكن الغلط الأكبر بيتحمله أابوك ِ لأن مو من المفروض يحط نفسه بهيك موقف مع هالشب وخاصة إنه إعتذر ..
يعني لو كان أخوك ِ محل أبوك ِ وضرب الشب مو مشكلة لأنهم شباب مع بعض ..

على كل حال الحمد لله على أن الموضوع إنتهى ع خير
والله لا يعيدها يا رب ويخليلك أبوك وردة ..
شكرا لمشاركتك وبإنتظار مواقف أخرى منك ..

[أبو البيش]

.. صـــار معي ..

ياللهـ بلشي حلاااا وربي يوقفكـ وبدأت اجاوب شي صح وشي غلط وشي مساعدهـ من الأستاذهـ وشي تطنيش مني لحدت ما أنتهينا ..



هههههههههههههههههههههههههه

لك شو هالنهار اللي كله مشاكل من أوله ..
مشاكل مع المريول الأساسي والإحتياطي ..

تحشيشة من حلا في جدول المواد ...

لكن أمانة حلا جاوبي على سؤالي :
أنتي اللي حليتي الإمتحان ولا الأستاذة أريج ؟ |591||591|

إن شاء الله تكون أكبر المصايب يا رب

سنكيو لمشاركتك وبإنتزار مواقف جديدة .. لكن بدون تحشيش .. هههههه

[حلا الصبايا]

هههههههههههههههههههههههههه

لك شو هالنهار اللي كله مشاكل من أوله ..
مشاكل مع المريول الأساسي والإحتياطي ..

تحشيشة من حلا في جدول المواد ...

لكن أمانة حلا جاوبي على سؤالي :
أنتي اللي حليتي الإمتحان ولا الأستاذة أريج ؟ |591||591|

إن شاء الله تكون أكبر المصايب يا رب

سنكيو لمشاركتك وبإنتزار مواقف جديدة .. لكن بدون تحشيش .. هههههه


هههههههههههههههههههههههه

شايف يابيشو المصايب ماتجي الامع بعضها ..

ومومهم بيشو مين اللي جاوب اهم شي اني تلعت من الثانويهـ وعديت مادة التاريخ بسلاااام ..|391|
ان شاءللهـ يارب ..|411|

[الوردة الدمشقية]

لك يييييييييييييي يا حلا ..و الله موقف لا تحسدي عليه ..|365|

انا لو محلك كنت متت جلطة اول ما سمعت الخبر ..|261|

[Jupiter]

لو الله باعتلي وحدة متل الانسة اريج كنت طلعت دكتور انا
ههههههههههههههههههههههههههههههههه

[الوردة الدمشقية]

بالفعل الله ستر من جريمة كانت رح تصير

الله لا يعيد هيك مواقف عليكِ حبي

بإنتزار موكف جديد :)


فعلا الله ستر و لطف ..

بس طلع وجودي مهم ..لولاي كان صار شي ..:)

[الوردة الدمشقية]

الحمد لله أن الموضوع إنتهى على هيك وماصار غير شي ..
لكن الغلط الأكبر بيتحمله أابوك ِ لأن مو من المفروض يحط نفسه بهيك موقف مع هالشب وخاصة إنه إعتذر ..
يعني لو كان أخوك ِ محل أبوك ِ وضرب الشب مو مشكلة لأنهم شباب مع بعض ..

على كل حال الحمد لله على أن الموضوع إنتهى ع خير
والله لا يعيدها يا رب ويخليلك أبوك وردة ..
شكرا لمشاركتك وبإنتظار مواقف أخرى منك ..


مو بس الحمد لله بيشو الف الحمد لله لأنه كلن موقف صعب بجد ..|422|

بابا بدخن كتير ..هو بالاوقات العادية بدخن 4 سجاير من الصبح و هاد اليوم كان رمضان طبعا و مافي تدخييين و هو عسبي ..النتيجة فشة خلئ ..مع اني و الله ما كنت حابه يصير هيك |584|

بس مضيت ع خير ..بلطف الله ..

[أبو البيش]

لو الله باعتلي وحدة متل الانسة اريج كنت طلعت دكتور انا
ههههههههههههههههههههههههههههههههه




ههههههههههههههههههه

وتغشيش الإستاذ فوزي ما مشي حاله معك لك ماهر
هههههههههههههههههههه

[ميوووش]

رح أحكي عن موقف برضو صار معي بصف 11
مرة من المرات... كانت معلمة الحصة الأولى غايبة
فأكيد صواتنا نحنا البنات كان عالي وإحنا ما عندنا درس
إجا المدير عصواتنا
المدير : مين عندكم
إحنا : المعلمة الفلانية
المدير : طيب شو عليكم الحصة الأخيرة
إحنا : كمبيوتر
المدير : طيب مين الشاطرة يلي بدها تقوم تناديلنا مس سحر " معلمة الكمبيوتر "
كنت قاعدة وقتها بالدُرج التاني... مع إنه مقعدي آخر شي... بس إبصر وقتها ليش كنت قاعدة بالأول
المهم .. قمت أنا لأنادي المعلمة
رجعت والمعلمة معي
المدير : والله طلعتي شاطرة
آل عشان حكى مين الشاطرة يلي بدها تنادي المعلمة وانا يلي ناديتها
الشغلة ما كانت بدها شطارة ... بس كان مديرنا هيك .. عنده نهفات غير شكل
نكشة ... عمرو كان فوق الـ 60 ..يعني كان عامل للمدرسة جو غير شكل
المهم
بآخر الداوم المفروض نحنا نروّح أبكر بحصة لأنو أخدناها الحصة الأخيرة بدل الأولى
يعني هلأ خلصت الحصة الخامسة .. وبإنتظار قرار رسمي من الإدارة إنو نروّح عبيوتنا .. لأنو الحصة السادسة أخدناها الصبح
المهم ... كان إلي صاحبة.. بشعبة تانية مو بصفي... هي عليها بالأساس بس 5 حصص
قبل ما تنزل عساحة المدرسة
مرقت عليي بصفي نتحدث شوي
واقفين أنا وإياها عالباب .. عم نحكي
فجأة...
إجا المدير
عادة بس نشم ريحتو للمدير شم
كل وحدة بتطير لصفها لمقعدها بلا ما يصحلها بهدلة
بس هلأ صار جاي وشايفنا !!
هو ممنوع نوقف هيك على باب الصف .. لأنو إزا كل طالبة بدها توقف عباب الصف عشان تحكي مع رفيقتها يلي بالصف التاني
بتصفي كل طالبات المدرسة برا صفوفهم
وهادا نظام بالمدرسة إنه ممنوع
المدير : ليش واقفين هون
أنا : أأ...
المدير : اسبقوني ع باب الإدارة >>> بدو يعطينا إنذارات
رفيقتي : يا أستاز ...
أنا : كنت ...
المدير : قلت استنوني عباب الإدارة
ما كان بالإيد حيلة فـ رحنا نستناه :D
وهو دخل على صفي يحكي مع بنات صفي
وإحنا رايحين عم نضحك ومبسوطين ع حالنا .. بتحكيلي صاحبتي
ميووش نحنا هلأ كمان شوي رح نتبهدل... بس أنا مش متدايقة ... إنتي زعلانة شي؟
كملت ضحك ورديت : لاااااا ... والله ماني قلقانة
وصلنا باب الإدارة... لمحت بطرف عيني إنو في ناس جوا غرفة المدير .. فبقينا عالباب واقفين
هي : بتعرفي... شعور حلو إنك تكوني عم تستني البهدلة تيجي لعندك
أنا : وكمان الأحلى إنو مو لحالي أو مو لحالك رح تتبهدلي أو أتبهدل نحنا التنتين مع بعض
كنا إحنا الشلة 4 بنات.. أنا بشعبة وصاحبتي هي بشعبة ... وكمان تنتين بشعبة تالتة
هي : والله يا ميوووش.. ناقصنا "نادين و إيباء" ييجو يتعاقبوا معنا... بتكمل الشلة وبتكمل البهدلة http://syriastar.com/vb/images/icons/icon22.gif
إحنا بنحكي بنحكي ومو فارقة علينا شي http://syriastar.com/vb/images/icons/icon16.gif

بهاللحظة .. طلع صوات بنات صفي إنهم طالعين من الصف وبدهم يروّحوا " يعني المدير لما دخل عندهم قاللهم خلص يروّحوا"
صاحبتي: تعالي تعالي نفوت جوا غرفة الإدارة.. ما بدي بنات صفك يشوفني هون
كل هادا الحديث وإحنا على باب الإدارة... والمدير لسا مو راجع
أنا: لك عاااادي ... شو فيها إزا شافوكي؟
هي : خلص ... ما بدي يشوفوني.. بنات صفك وانتي متعودة عليهم ... أما أنا ما بحب
أنا : لك ما بينفع ... في ناس جوا ... يعني الأحلى نتبهدل قدامهم؟؟!!
هي : اه مش مشكلة خلينا ندخل
أنا مش متشجعة وما بدي أدخل... مديت راسي من الباب لجوا الإدارة ... بدي شوف مين همّ هالضيوف يلي عند المدير
http://syriastar.com/vb/images/icons/a33.gif
أنا : مامااااااااااااااااااااااااا
لك طلعت ماما وأخي الضيوف http://syriastar.com/vb/images/icons/a31.gif
وهادا أنا ورفيقتي نشوف إمي وأخوي
يمسكنا الضحك.... نضحك نضحك
إنّا نسكت... ولا يمكن
وربي بيشهد عليي بعمري ما تعاقبت ورحت لعند الإدارة كـ معاقبة
ولما أول مرة إجيت بدي أتعاقب ... يكونوا ماما وأخوي بستنوني بالإدارة !!!!! http://syriastar.com/vb/images/icons/a16.gif
ماما " مدهوشة": لك شو جابك لهون ؟
أنا " بكل فخر": معاقبة
ماما " وهي بتضحك ضحكة ممزوجة بالتفاجؤ " : لك ليييش ؟
قلنالهم القصة
أخي " لصاحبتي": اسمعي هلأ لما ييجي المدير بتحكيله إنك شفتي إمها لميووش بالمدرسة فـ رحتي على صفها علشان تخبريها
طبعاً ماما وأخوي مبسوطين ع بنتهم <<< والله وكبرت وصارت تتعاقب http://syriastar.com/vb/images/icons/a31.gif

إجا عمو المدير ... لاقانا انا وصاحبتي جوا غرفة الإدارة
المدير: أنا قلتلكم تستنوني برا الإدارة ... يلا استنوني برا
أنا : يا أستاز.. هادي ماما
المدير " بدون ما يسمع أنا شو حكيت" : استنوني برااا
أنا : يا استاااز ... هاي إمييي
ماما " بتأشر عليي" : بنتي بنتي
المدير " لأمي وهو مبتسم ": هادي هي بنتك ؟!!
المدير " موجه حكيه إلي " : هي إنتي فلانة الفلانية
أنا : اه انا يا استاز
هادا أتاريه لما إجا جهة صفي وشافنا انا وصاحبتي كان جاي يسأل عن البنت يلي أهلها عنده بالإدارة .... ما كان عارف إنه اللي جاي يسأل عنها سبقته عالإدارة
هو " مبتسم.": وأنا لسا اليوم قلت عنك شاطرة <<< عشان ناديت المعلمة
طيب ليش كنتي برا صفك ؟؟
قلنالها القصة يلي ألفها أخوي ... هو بصراحة ما صدق
بس أختصر
هو " بعد ما كرر اسمي مع اسم عيلتي " : كان عندنا طالبة اسمها ..... <<< نفس اسم عيلتي
أخوي : اه اه بنت عمي
المدير: جابت بالتوجيهي 96 <<< عأساس إحنا ما بنعرف بنت عمي كم جابت
وإنتي شاطرة متلها؟؟؟
أنا : آه وأشطر كمان :D
بلش المدير يمدح لماما فيي
وأنا وأخوي وصاحبتي بنحاول نخفي ضحكنا
بيني وبين حالي بحكي : لك إنت شو بعرفك فيي لتمدح فيي .. يمكن أول مرة بتشوف خلقتي... بعدين مو عأساس كنت رح تبهدلني قبل شوي
المدير" تعليقاً عإسم عيلتي" : مممممم .. سلاونة إنتو يعني <<< نسبة لبلدة سلوان بالقدس
هون بلش المدير .. يحكيلنا ويشرحلنا عن سلوان و شو هم العائلات السلوانية ويحكيلنا فلان سلواني وعلان سلواني والآذن سلواني وابصر مين سلواني وبلش يحكيلنا مين هو بيعرف من سلوان <<< عأساس نحنا يلي من سلوان نفسها ما بنعرف سلوان وأهلها وعائلاتها .. لييجي المدير يعرفنا ويحكيلنا عنها !!!
وصار كل الحديث عن سلوان وأهل سلوان وإنتسى الموضوع الرئيسي يلي جاية ماما منشانه إنها تسأل عني .. وإنتسى الموضوع يلي جيت أنا عالإدارة منشانه وإللي هو البهدلة أو الإنذار اللي لازم آخده
سايرناه للمدير بكلامه وإنتهى اللقاء
بعدها طلعنا من الإدارة وكلنا فاااارطييييين ضحك عالمدير وعالموقف كله أنو كيف إنهم جايين يسألوا عني ولاقوني معاقبة http://syriastar.com/vb/images/icons/a9.gif

هادي إحدى مغامراتنا مع مديرنا النكشة " الله يسهل عليه "

وطبعاً روحت عالبيت وكان الخبر سابقني
إنو رحنا نسأل عنها لاقينها معااااقبة :D

وهادا هو ...
إنتظرونا بموقف آخر

[الوردة الدمشقية]

رح اكتب موقف تاني صار معي بالسنه البكلوريا ..


في مرة كنت عم امشي انا و 3 من صاحباتي ...مرينا من ممر الادراة و نحن ماشين اتطلعت ع يميني لقيت

باب غرفة المديرة مفتوح ..غرفتها للمديرة بقمة الروعة لك انا صرلي 3 سنوات بالمدرسة و ما بتزكر مرة فتت عليها ..المهم

طارت عيوني ع طاوله المديرة ..طلعت ع صاحباتي ...بحكيلن لك شايفين متل ماني شايفة ؟؟ ..

ال شوفي ؟؟؟؟؟؟ ..حكيتلهن لك شوفه شوفي ع طاوله المديرة..

اطلعة صاحباتي ع الطاوله و كان في شوكلت جلاكسي (مع اني انا ماني من محبين الحلويات كتير ..بس مدري شو اجى ع

بالي وقتها :D) ..المهم حكيتلن تعالوا نفوت نجيب شوكلت من عندها بما انها مو مووجودة ..و الله انا شفت الكل

متشجع ..بس ميييييييييين يلي بده يفوت و يجيب |270|..؟؟؟ من هون لهون اتفقنا انا بفوت و هنن بيوقفه ع الباب بس انن

حسه بالخطر بيحكولي و المهم فتت ع غرفة المديرة ..غرفتها كبيرة و الطاوله بالنص الغرفة ..دخلت بكل هدوء و اكابرية

و مديت ايدي و فتحت كف ايدي كله يعني فجعنه وجيت اخد كميه كبيرة (حكيت لحالي مدام فتت و فتت خليني جيب شي

محرز |253|)....


و انا عم اخد و عم نقي اشكال للشوكلت ....|9|و اذ بسمع صوت بيحكي يا هلا فييكي بنتي ....انااااااااااااااااااااااااا

صعقت صوت مين هااااااد ..بحكي لحالي و لك ربي بيشبه صوت المديرة و فجأة صغر حجم كف ايدي و صار بدي اخد

قطعه وحده بس ..ووكنت بقمه الاحراج لأن شكلي بعمري مو شايفة خير |272|..

رفعت راسي و طلع متل ما اتوقعت انها المديرة ..حكيتلها بكل هدوء و مع ابتسامه أهلين مديرة :) ...بس بيني و بين حالي

عم اسأل العمى شلووووووون فاتت المديرة و صاحباتي ع الباب ؟؟؟..|261|

ولك طلعت فايتة من الباب التاني و نحن ما حطين مراقبين ع الباب التاني ..المهم حكتلي اتفضلي بنتي خدي متل ما بدك لا

تستحي ...حكيتلها .. الله مو بنفسي بس صاحباتي برى حبيت اخد الي و الن ..حكتلي خدي ع حسابك متل ما بدك و صارت

تفرجيني شو عندها اونواع من الشوكلت...انا حسيت حالي طفله زغيرة أو كأني وحده محرومة من هيك شي ...قلت الها

شكرا كتير و الله ما بدي ...

اجت و عطتني شي 6 حبات و حكتلي متى ما بدك اهلا و سهلا فيكي ..حكيتلها تسلمي يارب و الله يعطيك العافية و

اسفة ع الازعاج و انا بقمه الاحراج و بدي ادحك بس مو قادرة |358|..

و طلعت لبرات غرفة و انا وجهي الوان مختلفة وشفت صاحباتي واقفين عم يدحك علي

يعني ((نداله )) ..و بسبب سوء المراقبة ما عطيتهن

شوكلت ..و اخدتن اليييي |494|

وبس ..:)

[Jupiter]

ههههههههههههههههههه

وتغشيش الإستاذ فوزي ما مشي حاله معك لك ماهر
هههههههههههههههههههه






و الله يا بيشو الاستاذ فوزي الله يرحمه
كانت ايدو شوي قاسية

هههههههههههههههههههههههه

[حلا الصبايا]

لك يييييييييييييي يا حلا ..و الله موقف لا تحسدي عليه ..|365|

انا لو محلك كنت متت جلطة اول ما سمعت الخبر ..|261|

كتييييييييير ياوردهـ
والموقف كان أصعب بكتييييييرمن هالحكي وخسوساً انو اول مرهـ يصير معي هيكـ ..|422|
اللهـ لايوقعكـ في هيكـ زنئهـ يارب ..|487|

[حلا الصبايا]

لو الله باعتلي وحدة متل الانسة اريج كنت طلعت دكتور انا
ههههههههههههههههههههههههههههههههه



وانت الصادق كان طلعت عاطل عن العمل بمرتبة الدكتوراهـ الفخريهـ ..|391|

[ميوووش]

لك حلاااا
فعلاً متل ما قالت وردة
جلطة عالمحل ...لو صارت معي
جد ربنا لطف فيكي
لك هادا تاااارييييييخ
ساعة شو بدها تكفي لدراسته

الله لا يوقعنا بهيك مصيبة
يسلمو حلا لمشاركتك

[ميوووش]

و مديت ايدي و فتحت كف ايدي كله يعني فجعنه وجيت اخد كميه كبيرة

و فجأة صغر حجم كف ايدي و صار بدي اخد قطعه وحده بس ..ووكنت بقمه الاحراج لأن شكلي بعمري مو شايفة خير |272|..


هههههههههههههههههههههههههههههه
لك وربي دحكتيني من قلبي

يسلمو وردتي

[Jupiter]

وانت الصادق كان طلعت عاطل عن العمل بمرتبة الدكتوراهـ الفخريهـ ..|391|





دخلك فيني اعتبر هالحكي اعتراف مبطن
ههههههههههههههههههههههههه

[حلا الصبايا]

لك حلاااا
فعلاً متل ما قالت وردة
جلطة عالمحل ...لو صارت معي
جد ربنا لطف فيكي
لك هادا تاااارييييييخ
ساعة شو بدها تكفي لدراسته

الله لا يوقعنا بهيك مصيبة
يسلمو حلا لمشاركتك

اللهـ يستر على المذاكرهـ ريتكـ شفتيهـا كييييييف كانت |483|
متل مابيقولوا رؤوس اقلاام يعني ماكنت اتعمق كثيييييييييير

وكنت اطنش كثيييييييييير من المنهج بس على فكرهـ التاريخ ذاكرتهـ قبل هيكـ في فترة اجازة الأختبارات و كانت تلكـ مراجعهـ مني بس ..:(

اللهـ يسلمكـ ميوش

[حلا الصبايا]

دخلك فيني اعتبر هالحكي اعتراف مبطن
ههههههههههههههههههههههههه



:o

.
.

[تامار]

بالأول لازم أمهد للموضوع ..

يا صبايا و يا شباب ..أنا من فترة غبت عن المنتدى كم يوم لظروف عائلية ..

و لما رجعت بتصلني رسالة حلوة من وردة

سباح الخير يا حلوة |499|..
كيفك تمورة ؟؟ وين هالغيبة ؟؟؟..
فكرتك متل باقي الأعضاء يلي بفوته فترة شهر او 2 بعدها بروحه و بغيبه دون عودة ..
ع كل الأحوال نورتي تمووورة


من ضمنها عبارة

أنا اعتبرتها نصيحة بطريقة غير مباشرة و غالية كتير من وردة

و أنا فعلا بحب النصائح كتير و بقدر أصحابها أكتر ..

و قلت الصراحة يا تامار انتي غلطانة

و كنتي بتقدري تفرغي من وقتك و لو ربع ساعة يوميا بالفترة الماضية حتا ما يتاخد عنك هالفكرة

المهم

الاسبوع الماضي و رغم اني ما عم آخد كفايتي من النوم حاولت ما اتغيب عن المنتدى و لو حتا بمشاركات بسيطة جدا

أما ليلة امبارح و بما أن يوم الجمعة اجازة

قررت ما أنام قبل ما أترك مشاركة بأغلب المواضيع لأعوض تقصيري عن الأيام الماضية

المهم

بعد ما سجلت الحضور بالصلاة على النبي

انتبهت ان المتواجدين من صبايا المنتدى حلا و يارا و ميووش و هالصبايا مالهم مراء كتير بلعبة o و x

لذلك ح أضطر ألعب لحالي .. و أنا بصراحة مليت من اللعب لحالي و الغش و التحايل ع القانون لكسب النقاط

فشاركت بموضوع تووث عن ياسينتها و بعدين بموضوع ماهر

و بعدها حسيت حالي ما عم أقدر أركز و راسي نايم بجهة و ايدي على الكيبورد ما بعرف شو عم يعملوا لحالهم

و فتحت عدة مواضيع لكن بصراحة طلعت منها بدون ما أترك أي كلمة تسجل حضوري

كتر ما كنت حاسة حالي تلفاااااااااانة من النعس

طلع الفجر و صليت و بعدها قلت يا بنت يا تامار حاولي تكتبي موضوع و بعدها روحي نامي شوي

فكرت شوي و طلع معي موضوع ... كتبته و سميته أروع و أطرف رد

و نمت بعدها بدون ما أشارك بالموضوع نفسه لأني و الله كتبته و مالي قدرانة أفتح غير عين واحدة

ما ح أطول عليكم أكتر

و أنا نايمة شفت منام غريب و هو :

أبو البيش بيمارس صلاحياته كنائب المشرف العام|337|

و بطريقة صارمة جدا بيحرر الموضوع و بيحزف الجملة الخاصة فيني


أما عني فسأعود مرارا هنا لأترك العديد من الردود
التي أذكر أنها تركت في نفسي انطباعا مميزا في روعتها أحيانا و في طرافتها أحيانا أخرى ... فهي كثيرة


و بيكتبلي اضافة هي :

( الردود اللي بتعجبك يا ريت تخليها الك و لا تتركيها هووووووووووون )

و بيعلق على الموضوع أنه غير جيد و يعدل كل شي فيه حتى اسمه

و المشاركة الوحيدة في الموضوع كانت للحكيم و فيها بيثني على رأي أبو البيش و بيعترف بحكمته ...|300|

يا ريت القصة هيك و بس

أنا من كتر خجلي حبيت أطالب بحذف الموضوع نهائيا

و انتبهت أنني أتصفح الموقع بدون تسجيل دخول فحاولت تسجيل الدخول لطلب الحذف لكن ما مشي الحال

كررت المحاولة و اكتشفت اكتشاف تاني هو أنني ممنوعة من الدخول المنتدى نهائيا و بأمر من أبو البيش و الحكيم

و المشكلة الكبرى هي |110|

عندما وجدت بالصدفة موضوع عني فيه انهاء عضويتي من المنتدى و قائمة هائلة من الانتقادات لي من جميع الأعضاء

و دعوة للجميع لافراغ ما يريدون من ملاحظات و أخطاء قمت بارتكابها طيلة فترة وجودي بالمنتدى

و المصيبة ما في عضو بالمنتدى مو مشارك بهالموضوع

|94|

أنا حسيت حالي ح أنفجر من البكاء

( معقول كل هاد مشان موضوع عبارة عن خمس أسطر )

و أعدت محاولة تسجيل الدخول لطلب الغاء أي شي بيتعلق فيني بالمنتدى ... لكن بدون فائدة

اكتشفت اني نايمة و قلت يا بنت لازم تصحي هادا مجرد حلم

و حاولت فعلا أصحى عدة مرات بدون جدوى

و انتقلت لمنام تاني لكنه من نفس الموضوع

شفت حالي بمعرض للمنتديات شكله عبارة عن مجموعة ستاندات متجاورة و بينها ستاند لمنتدى سوريا ستار

قلت حلووووووووووو هلئ ببساطة بتدخلي الستاند و بتطلبي الغاء عضويتك و ايقاف انتقادك ...

لكن دخول الستاند طلع بطريقة الضغط على واجهة الستاند و كأنك تريد تسجيل الدخول ...

يعني نفس المشكلة ...أنا ممنوعة من دخول المنتدى ...

أنا بكيت كتير و ما قدرت أتحمل و قعدت قريب من المعرض أدعي الله تنحل هالقصة على خير|62|

و بعد فترة بشوف المستخدمة عنا بالشركة آل هي بتعرف الموضوع و قالتلي : انتي كنتي معي طيووبة و انا ما بنسى

معاملتك الحلوة و ما بيهون علي شوفك بهالوضع ... انا ح أساعدك و أخلصك من هالمشكلة

بعدين الله يعطيها العافية بتطلع ع سلم أبيض مابعرف شو دخله بالمنتدى و بتغيب ربع ساعة و بترجع و معها مطربان

بتعطيني ياه و بتقول ...

هالمطربان فيه الموضوع المتعلق فيكي و يلي بينتقدك فيه الأعضاء

و لما حاولت افتحه صرخت و قالت لا تفتحيه ...

إذا فتحتيه او حركتيه ح ينتشر الموضوع بالمنتديات كلها مو بس بمنتدى سوريا ستار |176|

و بعد لحظات الحمد لله صحيت من النوم لكن و الله حاسة حالي تعبت أكتر و ما استفدت شي من النوم

مشي اليوم طبيعي ..

فطرت .. اشتغلت شوي بالبيت .. و تابعت مسلسل حلو و نسيت موضوع المنتدى كله

بعد الضهر حسيت اني لازم افكر شوي لحالي بشغلة متعلقة بالعيلة ..

دخلت غرفتي و حطيت راسي ع المخدة و غمضت عيوني

بعد شوي شغلت النت و فتحت صفحة المنتدى .. سجلت دخول ... سجلت حضور بالصلاة على النبي ...

و بعدها انتقلت لمكتبي .. و فتحت كل المواضيع الموجودة

و تركت موضوع أروع و أطرف رد للآخر لأني كنت خايفة يكون منام الصبح حقيقة ...

و لأني بصراحة أحيانا بتصدف معي

( مثلا قبل ما ياسمين تستلم الاشراف بيوم شفت بمنامي موضوع التهنئة لياسمين وأنا مو مشاركة فيه .. و صحيت و أنا

مزعوجة من حالي للتقصير )

و فتحت صفحة المنتدى لكن هالحكي ما كان موجود ... و تفاجئت كتير باليوم التاني بتحقق المنام

المهم

وصلت لموضوعي أروع و أطرف رد و كنت خايفة يكون فعلا محرر بالطريقة يلي شفتها بمنامي

لكن انبسطت كتير أنه غير محرر و أن عدد المشاهدات 22 و الردود 5

و قلت بحالي يا بنت يا تامار الوضع عااااااااااااااال ... الموضوع ما صارله نازل غير 10 ساعات

و بكل ثقة فتحت الموضوع لأعرف مين مشارك فيه

و إذ بالمفاجأة الصاعقة ....

كل المشاركات بواسطة تامار فقط ...

يعني ولا حدا شايف الموضوع|257|

بعد لحظات اكتشفت أن ما سبق أيضا هو منام آخر ... و صحيت و كمان حاسة حالي تعبت أكتر بالنوم

أنا يا جماعة تشائمت من هالموضوع عن جد و قلت ما ح أسأل فيه شو ما صار يصير ..

و المشكلة ما حليت قصة النعس يلي وعدت حالي من أول الاسبوع اني ح أقضي عليه يوم الجمعة

و خفت أنام و يطلعلي الموضوع مرة تالتة





ولي ....

كل موضوع ح أكتبه هيك ح يصير معي ؟؟؟؟|261|

شكيتكم لله يا أبو البيش و يا حكيم... نزعتوا علي حفلة نوم يوم الجمعة|194|

[قلم بلا قيود]

صار معي
ستكون عنوان لقصة حصلت معي منذ عام 2003 وما زالت الى الأن فصولها لم تنتهي

صار معي
كان الهدف منها هنا التسلية والفكاهة لكنها عندي ستكون فضفضه لهموم عن جزء من حياتي مازال يأخذ حيز من تفكيري الى الأن ....
سؤال مازال يؤرقني هل أنا إنسان محظوظ وهل ما حصل خلال الاربع سنوات الماضية والى الأن ماهو الا قدر وإبتلاء
أم أن إنسان تعيس وما حصل ماهو الا عقاب من السماء

سأذكر لحظات مرت بي لا دخل لي في صنع ظروفها
لحظات صنعتها الأقدار ويدبرها حكيم خبير
لحظات لم يكن لي دخل في اختيار زمانها ومكانها
لحظات سلمت بها أمري لله مؤمناً رضيت بما قسمه الله لي من خير وشر

الى كل من إبتلى مثلي ... الى كل من أراد شيئاً ولم يحصل عليه
الى كل من حاصرته الشرور أقدم له قصتي .....

صار معي
سأكتبها لكم على حلقات بكل صدق وأمانة وليشهد الله وملائكته على ذلك


الى ذلك اترككم برعاية الله وحفظه ..

[قلم بلا قيود]

صار معي
ستكون عنوان لقصة حصلت معي منذ عام 2003 وما زالت الى الأن فصولها لم تنتهي

صار معي
كان الهدف منها هنا التسلية والفكاهة لكنها عندي ستكون فضفضه لهموم عن جزء من حياتي مازال يأخذ حيز من تفكيري الى الأن ....
سؤال مازال يؤرقني هل أنا إنسان محظوظ وهل ما حصل خلال الاربع سنوات الماضية والى الأن ماهو الا قدر وإبتلاء
أم أن إنسان تعيس وما حصل ماهو الا عقاب من السماء

سأذكر لحظات مرت بي لا دخل لي في صنع ظروفها
لحظات صنعتها الأقدار ويدبرها حكيم خبير
لحظات لم يكن لي دخل في اختيار زمانها ومكانها
لحظات سلمت بها أمري لله مؤمناً رضيت بما قسمه الله لي من خير وشر

الى كل من إبتلى مثلي ... الى كل من أراد شيئاً ولم يحصل عليه
الى كل من حاصرته الشرور أقدم له قصتي .....

صار معي
سأكتبها لكم على حلقات بكل صدق وأمانة وليشهد الله وملائكته على ذلك


الى ذلك اترككم برعاية الله وحفظه ..



(1)
قد يسألني البعض منكم كيف يمكنك يا قلم أن تكتب قصة قديمة حصلت منذ أربع سنوات ومازالت فصولها مستمرة الى الأن تحتوي الوصف ببيانه والسرد بدقته والمعنى بجماله ..
سأقول لكم مثلي مثلكم أحبتي فبداخلي كم كبير من الذكريات والمشاعر تحرك قلمي لكن ما يميزني بأنه يوجد بداخلي ما ينسج خيوط الكلمات ويقتحم مفرداتها لكي تخرج لكم وتقرؤوها رغم ما أعيشه الأن من لحظة قهر وألم إستباحت جسمي كله ...
لحظة قهر صاحبتني منذ عام 2003 عندما بدأت لأول مرة أدخل عالم المنتديات كقلم يغلفه الحزن أنشر مشاركاتي هنا وهناك أتنقل من مكان الى أخر لا تقيدني سوى سلاسل صديق قديم لازمني كظلي طوال ثلاثة عشرة سنة , كانت صورة هذا الصديق السبب في معرفتي بـ (م . ر) كانت في ذلك الوقت صبية مراهقة لا يتعدى عمرها السادسة عشرة لكن تحمل بداخلها نفس الصرخه التي كنت أصرخها طوال سنين ملازمة صديقي لي وسلاسله العنيدة طلبت تحدثني وأحدثها ...
- مرحبا أيها القلم الحزين
- أهلاً وسهلاً مرحبتين بكِ
- هل لي بسؤال شخصي ؟؟
- تفضلي لكِ ما شئتي من الأسئلة
- رأيت صورتك الشخصية إناتبني إحساس بأنك (..)
(لحظات صمت مرت بيننا ... يا ترى هي مثلي أم تريد تبدي شفقتها وحزنها)
- نعم أنا كذلك... هل هذا يعيبني ؟؟
- استغفر الله لم أقصد إنما قصدت أن العجز لا يوقف طموح الإنسان ولا يحد من حريته .... عذراً ماما حضرت أحدثك فيما بعد .
( أغلقت الماسنجر بوجهي دون اعتذار لكنها فتحت بوجهي أبواباً من الأمل كنت أعتقد بأنها لن تفتح )


تلك كانت أول محادثة بيني وبين (م . ر) تبعتها محادثات ومحادثات الى أن تعرفت على جميع أفراد اسرتها صغيرها وكبيرها شبابها وبناتها وأصبحت ومن خلف الشاشة المسطحة أحد أفراد هذه الأسرة .

سأذهب الأن لألملم أوراقي وحروفي من جديد حتى أعود وأحدثكم عن هذه الأسرة .

الى ذلك الحين أترككم برعاية الله وحفظة ..

[قلم بلا قيود]

(2)

أسرة مكونة من أب وأم و 8 بنات و4 أولاد حياتهم طبيعية مثلها مثل أي أسرة عربية متوسطة الحال الأب يكد طوال النهار والأم ترعى صغارها وبيتها ,, إلى أن أتى يوم إنقلب الحال لغير حال تعرف الأب على إحدى النساء ممن يتعاملن بالسحر الأسود جذبته لها جعلته لا يرى في الدنيا سواها باع نفسه لها بعد أن باع لحمه للمجهول ,, لأجلها ومن أجلها ترك بيته وأسرته ,, ألقى بالمسؤولية على أكتاف أم لا تعلم من الدنيا إلا بيتها وأطفالها ,,تحول الدفا الى برد قارس الشبع الى جوع , الإرتواء الى ظمأ وعطش الأمن الى خوف فلا أمن وأمان في ظل تحكم من لا تخاف الله في ظل تحكم من جعلت للشيطان ولي لها ,, مارست عليهم فنون السحر الحقت بهم الأمراض أوقفت حالهم ,, آذتهم في بدنهم وصحتهم ,,أضرتهم وهم لا حول ولا قوة ....
يا الله لما كل هذا وما سبب ذلك ؟؟ سألتهم وأنا استغفر الله العظيم هل هذا غضب من الله أم إبتلاء منه ,, جائني جواب منهم زلزل كياني دوت مني صرخة سمعها القاصي والداني ,, لا تستغرب يا قلم لم يكن هذا سوى من أجل يتيمة إحتضناها يقول الله في كتابه (( وأما اليتيم فلا تقهر)) وهم يقولون أما اليتيم فلننحر ..
كفر وشرك بالله أتت به تلك المرأة ,,
أذى وضرر تحملته الأم وأولادها,,
من أجل يتيمة إحتضنوها إقتداءً بقول رسولنا الكريم صلوات الله عليه وسلامه
غبت عنهم أيام أسترجع شريط اول شهور معرفتي بتلك الأسرة وما حل بها من بلاء ..
غبت عنهم أيام لعلي أنساهم وينسوني ..
لكن قدري ساقني الى ان اعود لهم
ساقني الى ان احصد معهم اللوعة
الى ان احصد معهم الدمعة
نعم ,, عدت لهم وبيدي كتاب الله أن لا أتركهم وأقسمت ان أكون لهم السيل في عز الجفاف والحيل في كل مطاف ,,
نعم وكيف لا أعود وهم من تفداهم عيوني اللي حكت واللي شكت وان ما بكت
كيف لا وهم من يسيل دمي لهم مثل الدموع ان عز دمع عيني وما بكت
كيف لا وهم يستاهلون دموع الندم قبل الندم
عدت لهم ووعدي لهم أن أكون الأب والأخ والخال والعم ,,أن اكون السند والمعين بعد الله ,, أن أكون الستر والغطا ...
لتمر الأيام والشهور والسنين وانا على وعدي وعهدي أصبحت الأب للصغار والأخ للكبار حملت همهم شاركت حزنهم وشاركوني بفرحهم ,,
أصبحت الأب والأم والأخ لليتيمة ( ت . ح ) إتخذتني أب لها بعهد الله ورسوله وأخذتها إبنة لي كأنها قطعة من جسمي أخذت على عاتقي مسؤولية فرحها وحزنها ,,, راحتها وتعبها ,,, زعلها ورضاها ,,,أراها تكبر أمامي فأفرح ,, ويكبر حزنها فيقتلني ,, لم أعد اعرف لسعادتها طريق أبحث هنا وهناك عن ما يسعدها ويفرحها أجد أن حزنها يكبر بكبر حبي لها وإشتياقي لإحتضانها ,,كيف لا وهي إبنتي بعهد الله
سلمت أمري لله وقلت هذه طاقتي وهذا ما قدرني الله عليه ,, الى أن جاء يوم كأنه قصة من قصص ألف ليلة وليلة ,,قلب الأمور عاليها واطيها عشت هذا اليوم بين مصدق ومكذب فقدت توازني وتشتت تفكيري

..../ يتبع

[أبو البيش]

و أنا نايمة شفت منام غريب و هو :

أبو البيش بيمارس صلاحياته كنائب المشرف العام|337|

و بطريقة صارمة جدا بيحرر الموضوع و بيحزف الجملة الخاصة فيني



و بيكتبلي اضافة هي :

( الردود اللي بتعجبك يا ريت تخليها الك و لا تتركيها هووووووووووون )

و بيعلق على الموضوع أنه غير جيد و يعدل كل شي فيه حتى اسمه

و المشاركة الوحيدة في الموضوع كانت للحكيم و فيها بيثني على رأي أبو البيش و بيعترف بحكمته ...|300|

يا ريت القصة هيك و بس
= = =

شكيتكم لله يا أبو البيش و يا حكيم... نزعتوا علي حفلة نوم يوم الجمعة|194|



هههههههههههههههههههههههههههه

الشغلة عم تكلفني كتير يا تمار ..
القلم ما بيأيد آرائي ومقترحاتي بدون مقابل مادي ..
يعني صحيح هو إستغلالي شوي لكن أنا كمان عم إستفيد ..

وبالنسبة لحفلة يوم الجمعة الله بيعوضها .. خيرها بغيرها ..
ههههههههههههه

شكرا لمشاركتك الحلوة كتير ..

[الوردة الدمشقية]

تمووووووووورة ..


سؤال يطرح نفسه ..|530|





انتي حاليا صاحية و لا عم تحلمي ؟؟

|321|

|321|

[تامار]

تمووووووووورة ..
سؤال يطرح نفسه ..|530|
انتي حاليا صاحية و لا عم تحلمي ؟؟
|321|
|321|



وردة جوابي للسؤال الخطير يلي بيطرح نفسه : أنا حاليا صاحية و من ساعة


والله يا وردة يلي شفته كان أكتر من هيك ... لكن ما حبيت أطول عليكم


و أنا فعلا مستغربة من هالمنامات .. مع اني فعلا ما كنت عم فكر بالموضوع كتير

[Sandrela]

ابو البيش اول شي مشكوور اخي
عن جد فكرة حلوة كتيرر وظريفة
بالنسبة الي كتيرر مواقف صارت معي بس بتشيب الراس توجع القلب الله يجيركم هههه
يلا انتظروني بالحلقة الجااية وراح احكي منها الطريفة بس وخلونا رايقييين لحسن غرق المنتدى دموع
ههههههههه
بس طولوو بالكم
سلاام

[Sandrela]

وهي انا رجعت
وحابة احكي لكم قصة صارت معي بالاول كنت مترددة شوي
بتذكر كان اول يوم الي بالجامعة بس لحسن حظي انو بمجموعتي كان في 3شباب 2صبايا من دول عربية مختلفة
والباقي كلهم غربيين طلبت مني احدى الصبايا انو تعرفني على كل زملائنا بالمجموعة
قلت لها اوك بس مو هلئ خلي لنطلع فترة الاستراحة بيكون افضل
كنت انا وهي وشاب عربي بنجلس باخرر الصفوف
شوية تفاجئت بالاستاذ بينادي على اسمي ويطلب مني اوقف
صار يطرح علي اسئلة شوو هي جنسيتك وليش اخترتي بالظبط تدرس هون
وشوو هو هدفك من اختيار هيك تخصص كتيررررر اسئلة نزل بيها فوق راسي
وانا عم حاول اخد نفس عميق مشان ارد باجوبة كافية ومقنعة
شد انتباهي شاب بالصفوف الاولى كان واضح انه فرنسي
شفتو عم يحط ايدو جوات انفه ويطلع شي ويحطه بتمه يععععع
يععععععع طلعت هالكلمة مني بدون وعي ورفيقتي كانت عم تضحك
ولييييييييي ماعاد قدرت ركز ولا رد على سؤاال
لانه عن جد معدتي انقلبت ورجعت كلشي بمعدتييي هههههه
صار الملحق بدوو شطف ههههههه
قام الاستاذ طلب من رفقاتي يوصلوني طبعا بعد ما اخدت اذن من الادارة
ومن يومها صرت اتجنب اني انظر للمكان اللي يجلس فيه الشب
وكان هو سبب اني بطلت سلم بالايد على اي حداا غريب عني
فقط القي السلام وامشي بطريقي

وتوتة توتة وخلصت الحدوتة
حلوةةةةةةة ولا مقرفةةةة
ههههههههههههه

[أبو البيش]

سندريلا ما بدي شوف ولا مشاركة إلك هوون

هههههههههههههههههههههههه

ييييييييييييييييييييع .

لك من شوي أكلت أنا :(

هههههههههههههههه

على كل حال شكرا لمشاركتك المو لطيفة كتير هههههههههه

[همسة عتاب]

حيمنااااا
ننتظر باقي القصه بشوق كبير
فلا تتأخر علينــا

[Sandrela]

هههههههههههههههههههههه
ههههههههههههههههههههههههههههههههه
ابوو البيش اي كنت قاصدتك اناااا
على قلبك انا كل ما تفتح هالصفحة بتلاقيني منورة هون
ههههههههه الله يعينك بدك تتحمل
يلا انتظرني بقصة غيرها بس غيرر شكل

[أبو البيش]

(2) سلمت أمري لله وقلت هذه طاقتي وهذا ما قدرني الله عليه ,, الى أن جاء يوم كأنه قصة من قصص ألف ليلة وليلة ,,قلب الأمور عاليها واطيها عشت هذا اليوم بين مصدق ومكذب فقدت توازني وتشتت تفكيري

..../ يتبع



بإنتظار تتمة القصة حكيمنا ..

[رمى]

بسم الله الرحمن الرحيم


تسلم ايديك ابو البيش على الموضوع الرائع

والله فطست ضحك على مواقف ميوش و ورده بالمدرسه

اما حلم تامار بصلح يكون فلم ههههههههههه

وكلو كوم و الموضوع الي بالبرطمان كوم هههههههههههههههههههههههههههههه


قلم باين ان قصته تحمل الكثير بين طياتها
ونحن بالانتظار اخي قلم



في حفظ الله

[رمى]

بسم الله الرحمن الرحيم


راح احكي لكم موقف سار معي ,مش فاكره اذا كان حكيته لكم اول ولا لا ...

المهم

كانت خالة امي والده ساعتها وجابت بنت <<<الي انا اكبر منها بتلات سنين

و طبعا رحنا منشان نزورها

ولما وصلنا لبيتهم كنا اول الواصلين

قعدت جنب امي , وكانت امي وخالتها يسولفوا , فانسدحت ونمت |380|

ولما صحيت اشوف الصاله مليااااااااااااااااااااااااااانه ناس

كنت مكسوفه مره مره مره

فانبطحت على بطني وغطيت وجهي بايديني

وانا الهبلا كنت متعوده اذا صحيت من النوم لازم اروح عالحمام الله يكرمكم

لكن لما صحيت ما احد انتبه عليا , وامي كانت تسولف ولا حست فيني

الا وشويه ويررررررررر

عملتها بملابسي|126| خخخخخخخخ<<<طريقه حلوه للفت الانتباه

وعلى طول الحريم قاموا

الي تنط من هنا والي تشرد قبل ما تتبلل هدومها

ههههههه

اذكر ان الكنبه الي عملتها عليها طلعوها برا للحوش

وتقريبا هده هي الاحداث الي اذكرها ساعتها


والله فشله مررررره

بس اكيد اني مش الوحيده الي عملتها في هدومها...تقريبا كلنا سار لنا

ههههههههههه




في حفظ الله

[ميوووش]

ههههههههههههههه
موقف لا تحسدي عليه توث
هههههههههه

[ميوووش]

اليوم 7/1/2008
أنا وإخوتي فاجأنا بابا وماما وعملنالهم موبيل فضي
يعني إحتفال بعيد زواجهم الـ 25
التحضيرات والتجهيزات كانت كلها ببيت اخوي
ومن ثم نقلنا الحلو والأكل كلشي جاهز للبيت عنا
جهزنا الطاولة وكلو تمام ... بس المشكلة إنه بابا كان نايم !! http://syriastar.com/vb/images/icons/icon20.gif
راح أخوي الكبير ما بعرف شو قالله لخلاه يفيق
بدينا الحفلة عأضواء الشموع الموجودة بالكعكة يلي بوسط الطاولة
وكميرات الموبايلات شغالة من حولينا
ولأننا قبل 25 سنة ما كنا موجودين وما حضرنا عرسهم
عملنالهم عرس http://syriastar.com/vb/images/icons/a3.gif وإحتفلنا فيهم كمان مرة وأنشدنا أناشيد أفراح
وبعدين طفينا الشموع وسلمنا عليهم وطلبنا رضاهم
وبلشنا أكل بالحلويات وشربنا شاي وإنبسطنا
وبعدها قعدنا قعدة صرنا نستعرض فيها أحداث الـ 25 سنة اللي مضت
شي نضحك عليه وشي إنحرجنا منه وكل واحد مننا إحنا إلو قصة ونهفة شكل
وهييييك لشي ساعة ونص
وإختتمنا الحفلة بمشاهدة الفيديوهات يلي تصورت
وكانت نكشة عالآخر .... بيّنا فيها هبلنا عاللآخر

وخلصت الحفلة وخلصت العجئة وتبرعت أجلي الجلي http://syriastar.com/vb/images/icons/a12.gif.... رجعت عالكمبيوتر لقيت وردتي راننتلي شي عشر مرات ومعسبة عليي عشاني ما عم رد عليها :D

وهادا هو ....توتة توتة خلست الحتوتة

[تامار]

اليوم 7/1/2008
أنا وإخوتي فاجأنا بابا وماما وعملنالهم موبيل فضي



الله يخليهم لبعض ويديمهم فوق راسكم دايما ياااااااااارب


و ألف مبروك

[ميوووش]

الله يخليهم لبعض ويديمهم فوق راسكم دايما ياااااااااارب


و ألف مبروك




تسلميلي تمورة

والله يبارك بعمرك حبيبتي

[الوردة الدمشقية]

لك ان شاء الله أيامكم كلهااااا خير و بركة ..


فتووشة ..و عقبال ما نفرح فيكي ويكبروا اولادك و يعملولك حفله ... مع انوو ما خرجك ..:D

[الوردة الدمشقية]

بداية يسعد مساكم جميعا ..:)

اليوم شفت موقف بالجامعه .. لم يحصل معي و لكن لفت انظاري و ستفزني جدا ..لن أطيل المقدمة رح ابدأ بالحديث فورا ..



اليوم المسى و انا راجعه ع البيت بالباص و حجم الباص زغير يعني من حجم ( سيرفيس ) المهم كنت قاعدة جنب صاحبتي و وراي شاب قاعد

بالوسط و جنبوا ع الطرفين بنتين .. الشب قاعد بيحكي بصوت عالي صارع الباص بصوته ، الجميع ساكت او بيحكي بصوت معتدل الا هو ..

بالرغم من انو اليوم كان متعب .. المهم في البنت الجالسة بجانبه كانت عم تحكي عن امجادها و بطولاتها قائلة : انا البنت الوحيدة يلي بالجامعة

يلي سجلت بالجامعة لوحدي من دون ولي امر و من دون يكون حد معي من أهلي .. ( هي البنت كانت بتحكي هاد الكلام للشب ) .. والبنت

فرحانه مفكره حالها عامله شي خطير المهم .. انا يلي فاجأني هو رده فعل الشب .. بيحكي لها و بالحرف : انا و الله ب**ر رجلين اختي لو تطلع

لوحدها من البيت من دون ما يكون معها واحد من اخواني الشباب او أبي .. بموتها لو حكت واحد من شباب المتواجدين معها بالجامعه ؟؟!!!

أنا اقسم بالله سعقت برده فعله ؟؟ !! ... هلأ هاااااد يلي طول الوقت مع بنات الجامعه و بيحكي مع هي و بنهبل مع هي .. بيحكي انو انا ما بسمح

لأختي تطلع برى البيت و تتعامل مع الرجال لوحدها ؟!

و بالرغم من انو انا بعتبر كلمة شاب عليه كتيرة .. لأنه من مواكبين الموضه الغبية من طريقة لبس البناطيل المقرفة

والقمصان القصيرة !


سبحان الله .. بيرضى انه يحكي مع بنات الجامعه و ما بيرضاها عليه ؟! ..


أحززني المستوى يلي وصلت له الأمة الاسلاميه ... و أيقنت اننا بحاجه للكثير والكثير لكي نعيد أمجادنا الضائعة ..



اسأل الله ان يصلح حالنا و يهدينا جميعا ..

[تامار]

والبنت فرحانه مفكره حالها عامله شي

خطير المهم .




يا ستي اذا كانت معتبرة قعدتها مع هيك شب و مواضيعها اللي بتحكيها انجاز عظيم


مو بعيدة تفكر اللي عاملته شي خطير بالنسبة لباقي تصرفاتها


بس وردة لا تزعلي و لا شي يضربوا التنين مع بعضهم|487|

[قلم بلا قيود]

حوار كان بأحد مشاهد الفيلم المصري ( ظاظا)
يقول أخو هاني رمزي

انا طلقت مراتي لآنها أنانية عيزاني انا لوحدها

وبتصور نفس الانانية تكررت مع هالشب زعله لخروج أخته مع الغير
أما هو فلا حرج فبنات الناس عادي

اللهم عافينا واعفو عنا وارحمنا

[رمى]

بسم الله الرحمن الرحيم



الله يعين اخواته عليه


لا تحزني ورده ولا شي

القادم اسوأ



****

13/1/2008

هدا اليوم اعتبره يوم تاريخي بحياتي

لانه في صباح هدا اليوم راح اقدم بحث تخرجي

سار لنا تقريبا سنه بتشغل عليه وصاحبتي

و بعد جهد جهيد وتعب شديد اوشك البحث على الانتهاء

لكن الدكتوره المشرفه على البحث نصحتنا بتأجيله من يوم الاربعاء 9/1 الى يوم الاحد 13/1

و فعلا استفدنا كتير كتير من هده التلات ايام

لكن في خلال التلات ايام هدول مرضت

و اذا ايجاني برد , راح ارشح و تلتهب حنجرتي

و اذا التهبت حنجرتي صوتي بيكون مبحوح

يا ربــــــــــــــي ايش دي المصيبه الي جت في غير وقتها

قلت خلاص يا بنت لا تحكي كتير منشان ما يروح صوتك

و لما ايجا يوم السبت رحت اجهز الشغلات الضروريه و كان صوتي في بداية اليوم كويس , لكن قيم اوفر قعدت ودقتها حنك , قلت لها اسكتي صوتي بيروح

تقول خلاص راح اسكت وتروح شويه وترجع تاني وتحكي

و قعدنا طول اليوم على هده الحال , اطردها وتروح وترجع تسولف

و في نهاية اليوم انبح صوتي , وسار متل الماكينه الخربانه

و ايجت امي ودخلت قيم اوفر للغرفه غصب عنها منشان تنام واقعد ادرس لي كلمتين

لكن لما دخلت امي تنام , طلعت قيم اوفر

اعطيتها نظرة غضب , فخافت البنت وراحت تنام |16|

و قمت ادرس شويه من الشغلات تبع السنين الي فاتت

نعست مررررررررره

و سارت الساعه 1 الصبح

قلت يا بنت لما تجي الساعه 2 روحي نامي

و ايجت الساعه2 و لسا ما خلصت

قلت يا بنت معليش استني للساعه 3 وروحي نامي

و ايجت الساعه 3 ولسا ما خلصت

يا ربــــــــــــــــي

راسي مليان نوم , لكن ما اقدر انام لحد ما اخلص

و لما ايجت الساعه 4 و كم دقيقه خلصت تقريبا , ورحت عالغرفه انام

ايجت الساعه 6 و 17 دقيقه , ورن المنبه يلا قومي خلاص كفايه نوم ودلع

قمت وعلى طول اخلص من الشغلات الروتينيه وانزل للمطبخ اجهز تبوله و ورق عنب

كان نفسي اجيب كشري , لكن الوقت ما يكفي , لازم الساعه 8 اكون بالكليه

و من العجله كترت الثوم في التبوله

و قلت لاختي قيم اوفر تغلف الاكل

و رحت البس و قيم اوفر

وما شاء الله عليها قيم , مررررررره مبسوطه لان باخدها معي الكليه , وطبعا راح ترتاح من حصة معلمة العربي|462|

وصلنا الكليه وبسرعه جهزنا وزميلاتي القاعه , ولما ايجينا نحضر سفرة الأكل طلعت الفضايح|366|

اول ما طلعت التبوله فاحت ريحة الثوم

يييييييي ايش هده الفشله!!!!

خليته مغلف بلاش فضايح

و من العجله و الربكه ما فطرت طبعا , فقبل ما اطلع من البيت اخدت معي فيتامين و مهدئ

و بعد ما خلصنا من تجهيز القاعه , شربت الفيتامين كوجبة فطور سريعه |302| واخدت المهدئ

و ايجت صاحبتي و قدمت بحثها

و قبل ما تخلص رن الموبايل

كانت امي

نزلت وقيم اوفر لتحت و دخلناها عالقاعه

فرحت كتير لما ايجت امي

و كمان معظم امهات صاحباتي ايجوا

المهم

حان وقت الطامه الكبرى<<< تقديم البحث

و لان صوتي مبحوح استعملت المايك

لكن كنت خايفه و قلبي طنبق طنبق طنبق

و هنا ظهرت فائدة المهدئ

و أُغلقت الأنوار واشتغلت شاشة العرض و قدمت البحث

و الغريب اني ما حسيت بأعراض الخوف نهائياً|112|

و بعد العرض ناقشونا اعضاء هيئة التدريس بالقسم

و انتهى التقديم على خير

و تعالى صوت التصفيق

ساعتها حسيت والله كأن هم وانزاح على قلبي

و قفت متنحه متل الهبلا

يا الله ...معقوله قرب اليوم الي راح اتخرج فيه !!!
و قطعت حبل افكاري التهنئات والبوسات

و وزعنا الهدايا التذكاريه على الدكاتره و بعدها قعدنا نسولف و ناكل من كل ما لذ وطاب حتى تبولتي الي ريحتها فايحه


لكن تذكرت ان رهام قالت لي اتصور و اوريها

و طبعا من العجله نسيت الكاميرا

و بح صور


و تذكرت ان نسيت اجيب السي ديات تبع البحث واحطها مع الكتيب

حسيت بمراره

لكن الفرحه كانت اكبر اكبر اكبر اكبر من كل شي سيء في هدا اليوم

و رجعنا للبيت و قعدت اسولف شويه مع رهام ورحت اناااااااام


و توته توته وخلصت الحتوته




في حفظ الله

[أبو البيش]

من هنا نستنتج أن جيم أوفر هي إحدى مصائب الأمة العربية وعدو من أعداء النجاح ..

هههههههههههههه

ربي يوفقك تووث طول عمرك يا رب ..

وان شاء الله بتكون اكبر المصايب وآخرها ..

[ميوووش]

لك ان شاء الله أيامكم كلهااااا خير و بركة ..


فتووشة ..و عقبال ما نفرح فيكي ويكبروا اولادك و يعملولك حفله ... مع انوو ما خرجك ..:D


لك نو عارفة شو أحكيلك
أحكيلك تسلميلي
ولا أحكليلك فلتندربي
هههههههههههههههههه

رح أحكيلك
تسلميلي بتيختي :cool:

[ميوووش]

مرة من زات المرات
لما كنت زغيرة <<<< هو صح ما زلت زغيرة .. بس لما كنت زغيرة أكتر :D
كنت بالصف التاني وقتها
كنا الشاطرة يلي بتصف بالطابور أول شي
وكنا نتسابق متل الهبايل عهالشي انا وبنات الصف :D
المهم ... بيوم من الأيام
خلصت الحصة التالتة وإجت وقت الإستراحة وكالمعتاد عطوووول ركض عالمحل يلي بنوقف فيه للطابور حجزت المكان عشان وقت يرن الجرس نهاية الفرصة أكون أول وحدة صافة
كنا إحنا تنتين تنتين نوقف بالطابور .... فالبنت يلي معي رح توقف بالطابور .. راحت تشتريلنا شي ناكله
يعني هي بتشتريلنا إحنا التنتين وأنا بحجز إلنا إحنا التنتين
تركتني البنت وراحت تشتري ... انا عم آكل بساندويشتي يلي كنت جايبتها معي من البيت
فجأة ....
لقمة توقفلي بحلقي !!
مديت إيدي لورا ظهري ودقيت عظهري لعل وعسى تنزل اللقمة لكن دون جدوى
حاولت وحاولت ولكن دون جدوى
وكل الطالبات ملتهيين بحالهم يلي بتلعب ويلي بتاكل وصاحباتي مش حوليي ينتبهولي
وأنا عم حاول .... لكن ... دون جدوى !!|429|

بهاللحظة ... مرت معلمتي الإنجليزي (( الله يذكرها بالخير ))... كانت مناوبة بهداك اليوم وكانت تلفلف بالساحة
كانت بتحكي مع طالبات الصف الثالث يلي واقفين بعيد عني شي 2 متر
سبحان الله كيف خلاها بنص حديثها تلتفت ليسارها تلاقيني بنازع
وهي بمكانها لسا إتطلعت فيي وقالتلي مالك ؟؟ .. وعطول قربت مني
قلتلها بصوتي المخنوق إنخنقت
ع طول وبقدرة قادر وما بعرف كيف .. ما لقيت حالي إلا وأنا باب غرفة المعلمات
ما بعرف شلون وصلت لهناك بس وصلت
إجت المعلمة نفسها على ما أظن حطت أصابعها بتمي وخلتني استفرغ
وإلتموا كل المعلمات والطالبات عليي ... وأنا أعياااااط
وجي المحافظ ووزير الأمن وأنا أعيااااااط
والمواصلات وقفت ... وأنا أعيااااط
هههههههههههههههه
المهم ... بعد ما خلوني استفرغ .... بتزكر منظر الأذنة وهي جايبة الممسحة وبدها تمسح يلي استفرغته (( حزنت عليها والله ))
وإجت بنت خالي كانت معي بالمدرسة كانت بالصف السادس وقتها
إشترتلي عصير وبسكوت <<<< بتعوضلي يلي أستفرغته
ودللتني دلال غير شكل http://www.syriastar.com/vb/images/icons/a3.gif
خلصت الفرصة وصفيت تاني شي :( <<< مهمن البنات البومات إستغلوا إني كنت بموت راحوا سبقوني http://www.syriastar.com/vb/images/icons/icon8.gif
قبل ما ندخل كلنا ع صفوفنا
وقفت معلمة الإنجليزي وأعطتنا محاضرة عن التمهل بالأكل ... ونادتني وطلعتني على سور وقعدت تحكي عني
إني لأني كنت كتير جوعانة صار هيك معي وكان المفروض أتمهل

أنا لأني كنت واقفة عسور
كنت كاشفة كل الطالبات
لمحت بآخر طابور الصف الرابع ... بنت قاعدة بتضحك وبتشمت أتاريها بنت عمي البومة شمتانة فيي http://www.syriastar.com/vb/images/icons/a30.gif
شايفين الفرق بين بنت عمي وبنت خالي !!
المهم . روّحت عالبيت وأنا خايفة بنت خالي أو بنت عمي يوصلوا لأمي الخبر
مش عارفة ليش كنت ما بدي إمي تعرف .... بس بالآخر ... ريحت حالي وأنا قلتلها لماما عن اللي صار
ونو متزكرة إمي شو حكتلي ... بس ما بهدلتني

وهادا هو :)

[تامار]

يعني هي بتشتريلنا إحنا التنتين وأنا بحجز إلنا إحنا التنتين




يا مادية|295|





تركتني البنت وراحت تشتري ... انا عم آكل بساندويشتي يلي كنت جايبتها معي من البيت
فجأة ....
لقمة توقفلي بحلقي !!


طبعا عقلك كله مركز ع الآتي


وإلتموا كل المعلمات والطالبات عليي ... وأنا أعياااااط
وجي المحافظ ووزير الأمن وأنا أعيااااااط
والمواصلات وقفت ... وأنا أعيااااط
هههههههههههههههه




|94|


برافو ميشو


عملتيلنا فضايح






هههههههههههههههه


ربي يسعدك دائما

بجد ضحكتيني

[ميوووش]

يا مادية|295|




لك هيك الإتفاق


طبعا عقلك كله مركز ع الآتي



أكييييييييد |314|




|94|


برافو ميشو


عملتيلنا فضايح





لك شو أعمللهم
هم ما صدقوا
بدهم عرس يرقصوا فيه |61|






هههههههههههههههه


ربي يسعدك دائما

بجد ضحكتيني




تسلميلي عهالدعوة
وإن شا الله إلهي ما يحرمك من هالضحكة

يسلمو تمورة عردك :)

[ميوووش]

قبل كم يوم وأنا أتصفح بهالنت بالجامعة
في شب سنة تانية ،،، عجبه مجموعة صور بالصفحة يلي فاتحتها أنا
فطلب مني أحفظلو إياهم عالجهاز عشان ينقلهم عالفلاش ميموري
ومن ضمن هالصور كان توقيع هموس وتوقيع بيشو
حفظتله إياهم ومشي الحال
بالصدفة طلع هالشب جارها لهمووس http://www.syriastar.com/vb/images/icons/a33.gif
ولحسن الحظ الفلاش ميموري وصلت لإيد هموس |326|
فهلأ وأنا برضو بتصفح بهالنت
إجا الشب سألني
الصور يلي خزنتيلي اياهم هديك المرة من أي موقع جبتيهم ؟
قلتلو من عدة مواقع وفي أكمن صورة من سوريا ستار
قاللي منتدى سوريا ستار !! منتدى سوري هاد ؟؟
قلتلو آه
قاللي فضحتينا http://www.syriastar.com/vb/images/icons/icon20.gif
ما فهمت عليه
قلتلو ليش ؟ http://www.syriastar.com/vb/images/icons/a33.gif
قاللي في صورة عليها توقيع ...
قلتله (( وأنا عم أتزكر )) : اه يمكن توقيع همسة عتاب أو أبو البيش
قاللي : أيواااا همسة عتاب ... بعرفها هيّ
قلتله شو بعرفك فيها ؟
قاالي جيران إحنا وإياهم وهي متل أختي
وبلش يحكيلي عن التحقيق والإستجوابات يلي فتحتهم هموس معه |584|
ومن ضمن التحقيق حاكيتله كيف بتاخد توقيعي وتوقيع نائب المشرف العام >>>> عجبتني جملة نائب المشرف العام http://www.syriastar.com/vb/images/icons/a31.gif ...
وبس ... هادا هو!! |358|
شايفين الدنيا أديش زغيرة |250|
...|

[ميوووش]

قبل كم يوم وأنا أتصفح بهالنت بالجامعة
في شب سنة تانية ،،، عجبه مجموعة صور بالصفحة يلي فاتحتها أنا
فطلب مني أحفظلو إياهم عالجهاز عشان ينقلهم عالفلاش ميموري
ومن ضمن هالصور كان توقيع هموس وتوقيع بيشو
حفظتله إياهم ومشي الحال
بالصدفة طلع هالشب جارها لهمووس http://www.syriastar.com/vb/images/icons/a33.gif
ولحسن الحظ الفلاش ميموري وصلت لإيد هموس |326|
فهلأ وأنا برضو بمختبر الكمبيوتر
إجا الشب سألني:
الصور يلي خزنتيلي اياهم هديك المرة من أي موقع جبتيهم ؟
قلتله: من عدة مواقع وفي أكمن صورة من منتدى سوريا ستار
قاللي: منتدى سوريا ستار !! منتدى سوري هاد ؟؟
قلتلو :آه
قاللي :فضحتينا http://www.syriastar.com/vb/images/icons/icon20.gif
ما فهمت عليه
قلتلو: ليش ؟ http://www.syriastar.com/vb/images/icons/a33.gif
قاللي: في صورة عليها توقيع ...
قلتله:(( وأنا عم أتزكر )) : اه يمكن توقيع همسة عتاب أو أبو البيش
قاللي : أيواااا همسة عتاب ... بعرفها هيّ
قلتله :شو بعرفك فيها ؟
قاللي: جيران إحنا وإياهم وهي متل أختي
وبلش يحكيلي عن التحقيق والإستجوابات يلي فتحتهم هموس معه |584|
ومن ضمن التحقيق حاكيتله :كيف بتاخد توقيعي وتوقيع نائب المشرف العام >>>> عجبتني جملة نائب المشرف العام http://www.syriastar.com/vb/images/icons/a31.gif ...
وبس ... هادا هو!! |358|
شايفين الدنيا أديش زغيرة |250|
...

[أبو البيش]

ميووش مين سمحلك تاخدي توقيعي ؟؟
أنا رح أرفع الموضوع لمحكمة العدل الدولية وطالب بتعويض كبير ..

[همسة عتاب]

انا بدبره لمـ .....
لك انا وقت جابلي لفلاش وشفت توقيعي وتوقيع بيشو اتفاجأت فعلا من هالصدفه الغريبه
وسألت اخي مين صاحب لفلاش فخبرني وكنت مروحه من الشغل لئيته موجود فسألته من اين لك هذا
فحكالي .. انا حكيتله يعني الواحد مابيقدر يهرب منكم ولا باي موقع هههههههههههههه

[Jupiter]

رح احكيلكون قصة صارت معي يوم الخميس و يومها كان
يوم حظي متل ما اسمعت بالابراج الصباحية

المهم
كان عندي يوم الخيس فحص طبي مشان الخدمة الالزامية وانا
هدفي من كل هالفحص هوة اني اثبت اني معاق عند الدولة مشان
يحطوني خدمة ثابتة و اقدر ادفع بدل العسكرية لاني انا عامل
عملية بعيني الشمال مخيط فيها قرنية العين و على هالاساس
لازم يحطوني خدمة ثابتة و فيني ادفع البدل
المادي بما انو ما عاد فيني اجل ابدا
و الله يوم الخميس الصبح فقت بكل نشاط الساعة 7 الصبح
و كنت نايم قبل قبل بنهار الساعة 4 الصبح
بس اذا بكون نايم قبل ربع ساعة بتكفي صرخة حنونة من السيد
الوالد مشان انتشط و استقبل النهار بحوية و نشاط
لبست و جهزت حالي مشان روح انا و السيد الوالد على المشفى
و وصلنا لهنيك الساعة 7.20 و بلشت عملية البحث عن المكان
الي بيعملو فيه الفحص الطبي و بعد سؤال و دوران و شرشحة
و بهدلة وصلنا انا و السيد الوالد على العيادات
و قصدنا العادة العينية بس كانوا كل العيادات فاااااااضية و مافي
حدى ابدا ابدا قلت بيني و بين حالي منيح الي اجينا بكير مشان ما ننتظر
على الدرو الحمد لله و الله اليوم حظي منيح
رحت على العيادة العينية و دقيت الباب بلطف شديد ما حدى رد قلت بيني
و بين حالي لك بلا هالاكابرية ة دفوش الباب برجلك وفوت
و الله و عملت هيك بس كمان ما فتح الباب
فنادالي شخص من المشفى و كان لابس بدلة عسكرية
و على كتفو نجوم
و قلي : خير خير شو بدك
قلتلو : عمو انا اليوم عندي فحص مشان الجيش
قلي : ايواااا اي اليوم مافي فحص
قلتلو : لك شلون مافي فحص العالم كلها بتعرف انو الفحص يوم الاحد و الثلاثاء و الخميس
قلي : اي صح بس من عشرين سنة هي اول مرة باجلو الفحص
يوم الخميس لانو الدكاترة رايحين مؤتمر
انا : شو هالحكي
قلي : اي و الله متل ما عم حاكيك
قلتلو : لكن من عشرين سنة هي اول مرة
قلي : اي |268|
انا هون حاولت ما اطلع بوجه السيد الوالد ابدا بس ما قدرت قاوم
و اتطلعت و شفتو عم يزورني زورة دمعت عيوني منها و كاني انا الي عامل
المؤتمر للدكاترة و ما حكا ولا حرف بس قلي امشي
ركبنا بالسيارة و توجهنا على المحل و و هوة ساااااااكت
و لما و صلنا على المحل
قلي : لك ابي حبيبي ليش هيك بيصير معك انتا
قلتلو : ابي حبيبي انا شو دخلني :(
قلي : يلا حصل خير
و طول النهار عم يقلي
(( يا ابني من عشرين سنة ما اجلو الفحص يوم الخميس ))
و انا كل ما يقلي هيك بتمنى الارض تنشق و تبلعني
لذالك قلتلو نا رايح على البيت و قضيت نص النهار بالبيت

و توتة توتة خلصت الحتوتة

[dr-abood]

الفكرة خطرتلي من ورا الشي اللي صار معي اليوم وأنا مسافر
بصراحة أول مرة بحياتي كنت بدي أعمل مشكلة بسبب إنسان الله يسامحه ما رح أحكي عنه إلا جاهل والقصة أني كنت مسافر على حماه وبعد ما خلصت كل شغلي أخدت تاكسي على محطة الباصات ورحت على مكتب الحجز :

بيشو : السلام عليكم .
الموظف : وعليكم السلام ورحمة الله وبركاته
بيشو : بالله إذا ممكن تذكرة على حلب هلأ ..
الموظف : تكرم عيونك إستاذ .
جهز الزلمة اللي يكتر خيره التذكره وقدمها ..
بيشو (( بعد ما قرأت التذكرة )) : أووف رقم المقعد 32 .. الله يسامحك أنا زبونك ودائما بحجز بالأرقام الأولى .
الموطف : ولو يا إستاذ بشير نحنا بنعرفك بس والله هاد الموجود ولو كنت حاجز ع التلفون كنت حجزتلك مقعد بأول الباص ..
بيشو : والله نسيت أحجز ع التلفون سبحان الله .. يلا مو مشكلة الله يسلم دياتك ..
طلعت من المكتب ورحت ع الباص وفورا ً على مقعد رقم 32 .
كان قاعد شخص وبدون سلام وكلام قال : إذا بتريد هالمقعد محجوز ؟
بيشو : يا حبيبي هالمقعد رقمه 32 وأنا رقم بطاقتي 32 معناها هاد محلي .
الزلمة : غريبة ؟ مع أنو كان معي زلمة طالع من الشام ومسافر ع حلب وكان قاعد جبني وهلأ هو أكيد بالإستراحة ..
وقبل ما يكمل كلامه شرف أخونا وفورا ًَ لعندي وقال :
هو : إذا بتريد يا سيد هاد مكاني
بيشو : عفوا ً ممكن شوف رقم تذكرتك لو سمحت ؟
هو : إي .. تفضل .
بيشو (( بعد ما ضحك وكان بده يولول )) : لك يا أخي رقم تذكرتك 42 وهون مقعد رقمه 32 فــ أنت الغلطان وحصل خير ..
هو : شو خير ما خير ؟؟؟ أنا طلعت من الشام على هاد المقعد .. وما بكمل ع حلب إلا بهاد المقعد ..
بيشو : يا اخي هاد المقعد كان فاضي من الشام لحماه .. وهلأ الله بعتله إبن الحلال اللي هو أنا يعني صار لازم تروح على مكانك ..
هو : شو مكانك وما مكانك هالمقعد إلي والدليل شوف أغراضي على الرف فوق ..
بيشو (( بلشت أعصب والله )) : والله دليل كتير منيح .. يعني انا هلأ بروح على مقعد رقم 1 وبحط أغراضي فوقه وبيصير إلي ,, وبلا تذكرة بلا نظام بلا أرقام بلا بطيخ ..
هو : خيو ما بعرف أنا أنا هون محلي ..
بيشو : طيب بعطيك محلي بس ع شرط تقول أنو هاد محلك ومن بعد أمرك بدي أقعد هون .
هو : شو بدك تحمليني جميلة ؟؟ لأ أخي أنا هون محلي ..
بيشو : والله معناها خلي أكبر زلمة من هون يخليني أقوم من مكاني ..
الزلمة ما عاد يفهم وصار صوته يعلى ويعلى لحتى أجي معاون البولمان وسمع للقصة وقله :
يا اخي والله الحق مو معك فــ الله يوفقك إرجع لمحلك ..
وبلشت الركاب تنزعج وصوتهم يعلى وكلهم عم يطالبوا الزلمة يخضع للقانون اللي هو لمصلحتي ..
هو : أخي أنا ما بتحرك من هون لو شو ما صار .. واللي مو عاجبه يشتكي ..
خلال دقيقة واحدة كان الأمن تبع كراج الباصات بالباص وحكا مع الزلمة :
الشرطي : خير شو المشكلة .؟؟
وحكيت للشرطي القصة من طقطق لسلام عليكم وكيف أنو ماسمع مني .. ولا من المرافق .. ولا من الركاب .
الشرطي : حبيبي أدامك حلين إما غير مكانك .. أو تفضل معي عند سيادة الضابط ؟
هو : لأ طول بالك عادي ما رح تفرء كتير هون وهنيك واحد بس أنا قلت لحاليأغراضي كتيرة ومشان ما أنقلها لهنيك ..
بيشو : يا إبن الحلال أنا مو قلتلك أعترف أنو هاد محلي حتى أوهبك ياه عن طيب خاطر وأنت ما رضيت ..هو : يلا خيو عادي حصل خير ..
بيشو : طيب إذا هيك من عيوني هاد المحل وأنا ما بدي تعبك بنقل الأغراض ..

طبعا ً شكرني الشرطي والركاب والمرافق على حسن الأخلاق ..

= = =

وبعد هالقصة وبسبب حضارة هالرجل ما إستفدنا إلا شوية وجع راس .. وتأخير الرحلة لأكتر من ربع ساعة ..

وتوتة توتة خلست الحدوتة ..




أبو البيش القلوب عند بعضها
سماع لقلك :::

لما كنا بلوطن العزيز سوريا ((والله اشتقنالنا بس ر اجعين عن قريب))المهم عندساحة العباسيين واقف عم استنا المكرو وتعبان من المشي والزحمة بالشام بتعرفو هالشي وأخيرا عند ما إجا المكر وفي خمسين الف واحد عم يستنا نطيت على ا لمكرو وأعدت كان في 3 كراسي فاضيين أعدت على واحد صفي 2 طلعت وحدة كتير مزوقة معها بنتين يعني عددهون 3 وقالتللي
يالله ياصبي ((طبعا أنا طالب طب أسنان سنة أولى)) أوم نزيل من المكرو مشان تركب بنتي التانية يالله لشوف|516||516|طبعا أنا تبلكمت من هالهجوم وقلتلا والله أنا عندي شغل ومستعجل مالي حسنان إنزل من الباص آلتلي والله إنك أليل زوق ومالك مربى طبعا أنا عصبت |580||580||580|
والتلا الله يسامحك خالة ونزلت من الباص هي وبناا وهي عم تقول شباب آخر زمن ماعادو استحوا .....طيب كنتي أولي لو سمحت ,,,إذا بتريد تغري ياصبي ومابعرف شو.

آم سواق المكرو ألي بري عليك والله لو إنك نزلت كنت سقط من عيني ((إلتلو ولو معلم نحنا بنعجبك))علما إني بدرس بالجامعة الدولية الخاصة للعلوم والتكنولوجيا على طريق درعا تبعد 40 كم عندمشق وجاي بالباص تبع الجامعة وميت من التعب وواقف صارلي ساعتين بالطريق

ششو رإيكون|171||171||171||171|

[أبو البيش]

صحيح اني سمعت بالقصة منك ع لتلفون مهور
لكن رجعت ضحكت من جوات قلبي وانا عم إقرأها مرة تانية

ههههههههههههههههههههههه

يا اخي حظك حلو مو بإيدك هههههههههههههههه

[أبو البيش]

أبو البيش القلوب عند بعضها
سماع لقلك :::

لما كنا بلوطن العزيز سوريا ((والله اشتقنالنا بس ر اجعين عن قريب))المهم عندساحة العباسيين واقف عم استنا المكرو وتعبان من المشي والزحمة بالشام بتعرفو هالشي وأخيرا عند ما إجا المكر وفي خمسين الف واحد عم يستنا نطيت على ا لمكرو وأعدت كان في 3 كراسي فاضيين أعدت على واحد صفي 2 طلعت وحدة كتير مزوقة معها بنتين يعني عددهون 3 وقالتللي
يالله ياصبي ((طبعا أنا طالب طب أسنان سنة أولى)) أوم نزيل من المكرو مشان تركب بنتي التانية يالله لشوف|516||516|طبعا أنا تبلكمت من هالهجوم وقلتلا والله أنا عندي شغل ومستعجل مالي حسنان إنزل من الباص آلتلي والله إنك أليل زوق ومالك مربى طبعا أنا عصبت |580||580||580|
والتلا الله يسامحك خالة ونزلت من الباص هي وبناا وهي عم تقول شباب آخر زمن ماعادو استحوا .....طيب كنتي أولي لو سمحت ,,,إذا بتريد تغري ياصبي ومابعرف شو.

آم سواق المكرو ألي بري عليك والله لو إنك نزلت كنت سقط من عيني ((إلتلو ولو معلم نحنا بنعجبك))علما إني بدرس بالجامعة الدولية الخاصة للعلوم والتكنولوجيا على طريق درعا تبعد 40 كم عندمشق وجاي بالباص تبع الجامعة وميت من التعب وواقف صارلي ساعتين بالطريق

ششو رإيكون|171||171||171||171|


يا سيدي والله بري عليك فعلا ..

تضرب بشكلها هيه وبناتها شو قليلة زوء

ما كانت بتقدر تحكي معك بغير هالطريقة ..


نورت الموضوع عبوود الحلو ..

[ماهر@]

السلام عليكم:
بعد توجيه التحية إلى أبو البيش ولجيمع الأخوة على هذه المشاركات الرائعة
........|548|...
إليكم اخوتي ما صار معي:|516|

اللي صار معي هو كان نتيجة حديث دار بيني خطيبتي وبنت خالتها وعلى التلفون وبالنتيجة جاءني القرار التالي :
وبعد المقدمات المعهودة من .....إلك ولا للعو(للديب) وبتخزيني ادام بنت خالتي شي ..؟؟؟؟وبعدما عبيت راسي بهيك حكي هون ما شفت غير هل النخوة دبت فيني وياريتها ما دبت وكان جوابي الشهير المليء بالمنفخة وووووويبعتلوا هل اللسان !!!!!... المهم كان جوابي يا با ااااااااااطل أي مو عيب أي ما عاش اللي بدووو ألخ
شو طلبك
طلبي كتير زغنون
أي يعني شو هو وووووي (بس بصوت واطي أي)
بدنا نطلع شهادة سوائة (قيادة مركبة)لبنت خالتي
طيب ما تطلعها عندهون بحلب حاكم .." سمعان أبو البيش "هي خالة خطيبتي متزوجة لعندكون يعني في بيناتنا مصاهرة ويعني$$$$ توصى فينا.... بنرجع لموضوعنا
بحلب ألتلي صعبة هون كل سنة خالتي بتزور عنا منها زيارة ومنها بتطلع بنت خالتي شهادة سوائة شوي شو ألت
شو بدي أول يعني طيب أمري لأله ارتخيت دغري أنا ....هادا الحكي كان الشهر الماضي وبعد ما خلصو ا امتحان وزارت بنت خالة خطيبتي عندهون ومن جمعة بلشنا نسعا وبلا طول سيرة الت بيني وبين حالي يالله بشوف حدا يمشي الأمور شو هل الهم
بعد ما سألت دلوني الشباب على شب مرتب منشان يسجلها بالمدرسة ويدفع الرسوم وما كذب خبر وبعد ما عين لنا يوم الفحص على أساس يكمل الوراء وكونها بنت خالة الخطيبة بنت يعني راح ضل معها وبطبيعة الحال الخطيبة
يا سيدي ما ستفدنا شي من جيبت هل الشب
لاحول ولا قوة إلا بالله شو بيفيد هل الحكي طيب ما شي ومن هون بلشنا أول يوم على الاستمارة ما بدها شي وبعدين على بنك الدم ضلينا هنيك شي أربع ساعات كمان مشي الحال اجينا على الفحص الطبي كان زحمة كتير ألنا مو مشكلة خلوها لبكرة سألت صاحبنا أيمتا بنجي برأيك أللي من السبعة والنص أو السبعة أفضل من شان نلحء نطلع على المدرسة للفحص
وتاني يوم اجيت أنا من الساعة 6,5مو منشان شي حاكم البنات فتيلتهون طويلة وبدي أخلص أنا معطل حالي كمان
وفعلا كنا مزروعين عند المرور بالصناعة يعني شي الساعة7,5ونطرنا لاء ليش الكذب لحالي نطرت المزمزيلات أعدين بالسيارة وعلى أحلى رومانس المهم وهيك لحتا التسعة بعد ما داب راسنا من رأعت الشمس ألنا و كنا يعني شي خمسين واحد فتحو الباب بعد ما كنت أول واحد صرت بالنص يلا مو مشكلة خير الأمور أوسطها وبعد ما سلمت الأضبارة بلش الشرطي ينادي وأنا بدوري استأذنك من بنت خالتها انوتتفضل أرب دورها يعني الشهادة لله الشباب ما أصرووووو كان الفحص سريع ومنظم بعدها اتصلت بصاحبنا منشان يطلع معنا على الفحص ..ألي أنا ناطرك بمنطقة معينة المهم تعذبت شوي بس أخدناه وبوشنا على مدرسة الفحص
هون كانت صارت الساعة شي /11/ وعينكون ماشوف شي /100/واحد ناطرين أنا غب على ألبي وبعد ما فات وطلع صاحبنا من عند مدير المدرسة عامل هل المدير متل الدكتور دعاس المهم ايجا دورنا على النظري شي الساعة /12,5/وعلى العملي شي الساعة /200/وكنا أخر دفعة والبائي لليوم التاني الحمد تيسرت وبعد الفحص العملي بوشنا على الشام وطبعاً كانوا الجماعة معنا علىالخط شو صار معكون وليش ـتأخرتوا هيك حتى وصلنا صاحبنا على بيتوا وبعدين رحنا على بيت عمي هون كنت أنا مزهزه كتير على هل انجاز
ودار الحديث التالي بين
خالت الخطيبة وبنتها شوي يا ماما إن شاالله ما تعذبتي لا والله ماما كان كلشي سهل وكنا عبنتسلى (أي وانا عبتألى )
شو رديت الخالة الفصيحة أي السنة الجاي بنطلع شهادة لأخوكي بيكون صار عمرووووووو(18) سنة بس حرام التلي روح الله يعطيك العافية حرام ليش ينكر الواحد.......|397|...........
كل التحية لك أخي الغالي أبو البيش علىفكرة إذا عندك حدا بدو شهادة بعتوووووووو بيجوز والله أعلم بسط على باب المرور ....|493|....

[Jupiter]

صحيح اني سمعت بالقصة منك ع لتلفون مهور
لكن رجعت ضحكت من جوات قلبي وانا عم إقرأها مرة تانية

ههههههههههههههههههههههه

يا اخي حظك حلو مو بإيدك هههههههههههههههه





ههههههههههههههههههههههه
ان شاء الله دوم هالضحكة بيشو

و متل ما بقلك بالعادة للحظ .... كمل من عندك
هههههههههههههههههههههههه

[MTN-Syria]

انا بالنسبة الي رح احيلكون قصة صارة معي مع شركة الاتصالات
المسماة عنا بسوريا mtn
و الي مرة ابو البش الله يخليه شرحلي شو معنات هالاختصار بالتفصيل (( مافي تغطية نهائيا ))
المهم مالكون بطول السيرة انا يا جماعة الخير فاتورتي بالشهر تتجاوز ال 5000 ليرة سورية
و طبعا بدفع اخر الشهر الفاتورة متل ما بيعملو كل هالناس المعترين الي متلي
و الي هنن بحاجة للموبايل و مافيون يستغنوا عنون نهائيا مع كل هالرسوم الي شي
بطعمة و شي بلا طعمة بس حكم القوي على الضعيف شو بدنا نسوي
بتضل مصلحة المواطن بالدرجة الاولى
المهم باخر فترة صارو يقطعولي الخط كل ما توصل مكالماتي لل 2000 ليرة ال
و هالسبب بحجة نظام الشركة و نظام الشركة بيقول (( المواطن انسان حرامي بينخاف منو كتير
ممكن يحكي ب 2000 ليرة و يدفع حق فيزا على الامارات و تذكرة طيارة
شي 50000 الف ليرة مشان يتهرب من الحق المتوجب عليه لشركة الاتصالات ))
بعيد عنون فهمة كتير و بيحسبوها صح
و يوم من ذات الايام بتفاجئ برسالة بتقول
(( عزيزي الشترك بلغ مجموع فواتيركم و مكالماتكم 2005 ليرات يرجى التسديد ))
مع الملاحظة انو الفاتورة ما صار وقت تسدسدها بس نظام الشركة
و لازم نحترمو (( ان شاء الله بنحترمو ))
و بعدها ما عاد فيني استخدم الموبايل لانو الشركة فصلو الخلط لعزيزهم المستخدم و الي هوة انا طبعا
(( عزيز كتير عليهون ما بيرضو نام و انا عليي حق بركي الله اخد امانتو ))
و انا بكل اكابرية اتصلت بخدمة المشتركين و بعد سماع نغمة اللاانتظار الي
انا برائيي كتير منيحة للي عم يعملوا ريجيم لانو بتلعي النفس
رد عليي شخص بال ( customer service )
و قال : Mtn معك فادي كيف فيني ساعدك
قلت : اهلا استاذ فادي بس ممكن اذا بتريد تشرحلي ليش فاصلين خطي اذا تكرمت
قال : سيد ماهر و الله خطك تجاوز الحد المسموح للمكالمات
و لازم تدفع مبلغ 2000 ليرة ليشتغل الخط
قلت : بس الفاتورة ما صار وقتها ليش لادفع 2000 ليرة بالله ؟؟؟!!
قال : سيد ماهر هاد نظام الشركة يعني انتا حدك المسموح فيه للمكالمات
2000 ليرة اذا تجازتهون بينقطع الخط و هاد نظام الشركة
قلت : يعني معليش انا فاتورتي بالشهر متل مو طالع عندك
على اقل تقدير 4000 ليرة يعني انا لازم زوركون و شوف هالوجوه الحلوة 3 مرات بالشهر ؟؟؟!!
قال : اي سيد ماهر هاد نظام الشركة
بس انا و يشهد عليي ربي ما سمعتو منيح لانو
كنت عم احكي بمكان مافي تغطية نهائيا (( حسب الشعار الي طارحتو الشركة ))
قلت : عفوا ما سمعت ممكن تعيد
قال بعصبية : سيد ماهر هاد نظام الشركة و اذا بتريد
روح لمكان فيو تغطية لاني ما عم اسمعك منيح
لاحظوا انو بيشتغلcustomer service و عم يقلي روح لمكان فيو تغطية
انا هون بلشت عصب شوي مو كتير لانو مو من عوايدي عصب كتير
قلتلو بكل برودة : اولا لا تقلي سيد ماهر لانو هاد النظام
عندي انا و ما بحب حدى يقلي السيد ماهر و يضحك عليي بكلمتين
تانيا عفوا بس شو القسم الي انتا بتشتغل فيه
قال : Customer service
قلت : بالله عليك نظام الشركة تبعكون بيقلك تفصلي
الخط قبل ما يصير وقت دفع الفاتورة على 2000 ليرة
و انا فاترورتي اكتر من 4000 ليرة و ما بيقلك انو تحسن
الشبكة لك بتعرف انا من اي منطقة عم حاكيك
قال : من وين
قلت : من الحريقة
(( و منطقة الحريقة بتكون بمركز مدينة دمشق بالضبط ))
يعني نظام الشركة بيقلك انو تقطعلي خطي و ما بيقلك انو
يكون في تغطية للشبكة تبعكون بالحريقة و الله غريب
قال : استاذ نحنا عم نحاول انو تغطي اكبر قدر ممكن من مدينة دمشق
قلت : طيب لبين ما توصل التغطية على مركز المدينة
معليش اسمحلي اتجاوز نظام الشركة تبعكون و بدي خطي يشتغل
و انا باخر شهر براسي بجي لعندك و بدفع الفاتورة
قال : استاذ ما فيني
قلت : لا استاذ فيك و هلئ بعد نص ساعة
رح اتصل فيك و اشكرك لانو رجعتلي خطي شغال

قال : اوك استاذ بحاول
قلت : لا مو بدك تحاول انتا عطيني اسمك
و انا بخبرك بعد نص ساعة مشان اشكرك على هالمجهود الي قدمتو لعزيزكون المشترك

و طبعا ياا سادة يا كرام بعد نص ساعة اشتغل الموبايل
تبعي بس ما اتصلت و شكرتو للاستاذ فادي

و توتة توتة خلصت الحتوتة



بتعرف شو ؟ رح طنش كلشي وما رح علق على شي غير شي واحد بس
وهو يا حبيبي انو الخط المفصول بسبب تجاوز الحد الائتماني بتتوقف بشكل تلقائي ... البرنامج بيوقفها .. مو الموظف اوكي ؟
ونفس الشي بالنسبة لوصل الخط .. فلا تقول انو زميلنا فادي فعلك الخط اوكي ؟ لأنو هاد الشي مستحيل .. والمدير ما بيقدر يفعل خط اذا كان متوقف بسبب المتابعة لأنو يا غالي هاد الشي بيصير بشكل تلقائي عالبرنامج
وبكل الاحوال اذا حابب تكذبني يا ربت بس تكتبلي رقمك برسالة خاصة لحتى شوف مين فادي يلي رد عليك وقدملك فيه شكوى الله مولاها ...
علماً اني متأكد انو ما فعلك الخط
تشاو حبيبي

[MTN-Syria]

والله منيح ... ما رد على الموضوع

[Jupiter]

بتعرف شو ؟ رح طنش كلشي وما رح علق على شي غير شي واحد بس
وهو يا حبيبي انو الخط المفصول بسبب تجاوز الحد الائتماني بتتوقف بشكل تلقائي ... البرنامج بيوقفها .. مو الموظف اوكي ؟
ونفس الشي بالنسبة لوصل الخط .. فلا تقول انو زميلنا فادي فعلك الخط اوكي ؟ لأنو هاد الشي مستحيل .. والمدير ما بيقدر يفعل خط اذا كان متوقف بسبب المتابعة لأنو يا غالي هاد الشي بيصير بشكل تلقائي عالبرنامج
وبكل الاحوال اذا حابب تكذبني يا ربت بس تكتبلي رقمك برسالة خاصة لحتى شوف مين فادي يلي رد عليك وقدملك فيه شكوى الله مولاها ...
علماً اني متأكد انو ما فعلك الخط
تشاو حبيبي





اولا بعتذر من الاعضاء عن الاسلوب الي رح احكي فيه بس
رح استخدمه مشان اقدر جاري اسلوب السيد mtn
الي بيدل على مدى الاحترام الي هوة عليه .
لذالك بما انو اسلوبو كان محترم فلازم بادرو بنفس الاحترام
يا سيد mtn انتا اعتراضك على هالجملة الي باللون الاحمر
اي تكرم شواربك شوعليه يا سيدي
مسحوبة هي شيت انو زميلك فادي هوة الي فعلي الخط
و رح قول بدالها
اتفعل الخط مو من زميلك فادي بطريقة ما الله اعلم فيها
عطل تقني (( متل العادة )) او اي سبب تاني ما بعرفه و لا بيهمني اعرفه
انا بيهمني من الموضوع كله انو الخط شيتي انوصل
و اذا بدك بطلب انو تتعدل الجملة من ردي الي اقتبسته
بما انك صلحتلي معلوماتي
معليش بدك ما تواخذني ما اشتغلت ولا مرة بشركة خليوي لاعرف التفاصيل الي حضرتك بتعرفها
كل الي بعرفه الي بيعرفوه اغلبية العالم عن الموبايل :)
و تشاو و سلملي على باقي الزملاء

[MTN-Syria]

مو مشكلة حبيبي حصل خير
واسلوبي ما فيه شي واذا ملاحظ انا ما غلطت بحقك ولا بحق حدا ... والاعضاء شاهدين طبعاً
بس متل ما قلت الاسلوب يلي كتبت انت فيه فعلاً رد على اسلوبي
بكل الاحوال حبيبي حصل خير
وفرصة سعيدة
ملاحظة : اذا الأدمن رفيقك فيك تطلب منو يشوف الآي بي تبعي مشان تعرف شو اسمي الحقيقي بالمنتدى
ومشان ما تفكر انو في شي شخصي لا سمح الله
بس يعني المقصود من الرد يلي صار هو انو ما لازم نحكي شي ما متأكدين منو

[MTN-Syria]

صحي نسيت ما بيمشي الحال
لأنو الآي بي بسوريا بيتغير

[ABO Deema]

طيب هلأ عمو MTN-Syria وت المطلوب

بشو فينا نخدمك يعني ؟؟؟

انه الخط ما بيتفعل مش مشكلة الخط ما بيتفعل ويا سيدي ازا بدك كمان حتى لو دفعت كل شي عليك مصاري الخط تبعك ما بيتفعل

بس انتا رررووووووء بلا ما تعلق شي مسجاية طايرة

الظاهر شكلك بدك تخبرنا انك عم تشتغل بأريبا مدري mtn مدري ما بعرف شو لانه هالشركة كل فترة بتغير اسمها .... وما كنت اعرف السبب


يا شباب عمو ام تي ان بيشتغل موظف بشركة الام تي ان وشكله راتبه فوق العشرين الف ليرة فلحقوا حالكم تعالوا خدوا تواقيع قبل ما ينشف الحبر

[ميوووش]

عمر
الله يطعمك الحج والناس راجعة
هههههههههههههه
الموضوع صارلو أكتر من شهر
هههههههههههههههههه

بإنتظار الموقف يلي بدك تحكيلنا عليه

[ABO Deema]

والله مالي عرفان شنو اسولف وعن شو بدي احجي

ممممممممممممممممممممممممممممممممممم

طيب راح احكيلكم عن شاغور

هزا يا سادة يا كرام شفنا انه بالشركة لازمنا عمال جداد فسالنا ومحمصنا ودخنا لحتى ندبر وما كان يدبر معنا

المهم في عنا عامل من بنغلادش اسمها مفضل اجى وقال ادا بدكم خرج نجيب اخوه والي اسمه شاغور من بنغلادش

عرضنا الموضوع على الإدارة وبعد دراسة وتمحيص وتدقيق وافقنا على الموضوع

المهم وقت وصلتني وراق الزلمة وفيها وصورته طبعا شفت صورته لابس هالبدلة والكرافة وكن مبين عليه اكابر جدا جدا جدا

نطيت لعند مفضل وقلتله شو وضضعك اخوك جاوبني انه الزلمة شغيل

سالته معه شهادات قلي عامل دورات ليس الا

المهم قدمناله طلب وكل هالامور ووصل اخونا شاغور من بنغلادش وتعرفنا عليه وتفاجئنا انه الرجال معلوماته بالانكليزي تكاد تكون عدم وثقافته مقتصرة فقط على الثقافة البنغلاديشية

المهم الاخ شاغور بالاضافة الى انه عامل اتضح انه راح يزاول بالاضافة الى عمله كعامل موضوع القهوة والشاي وهالامور

فاول مرة عم بطلب من كاسة مي المهم قعدت اشرحله وشوبرله بايدي وما كان يفهم علي

اخدته من ايده وانطلقت لعند اخوه وخبرته شو طالب انا وبعد جهد جهيد فهم وش المطلوب طبعا هزا ما تهيائلي

المهم راح الشب ليجيب كاسة المي

فغلطنا بهزالك الوقت انه نحنا ما شرحناله انه المبرد في حنفيتين وحدة صصاحنة ووحدة بارد

رحت على المكتب وجبلي الكاسة وكان مليها لصها بس

بوقتها كنت ميت عطش وفرد مرة شربت شربة كبيرة

وبعدها بلشت ولول

طلع الاخ شاغور ملي كاسة المي من الحنفية السخنة

بوقتها انحرقت حرق مو طبيعي

صفنت فيه بعد ما سبسبت وانبحتت ولقيته مبتسم والمشكلة انه مبتسم ومو عرفان شو المصيبة الي عملها ومفكر حال عم شغلة منيحة وهو بالحقيقة عمل مصايب

وبس

[ميوووش]

هههههههههههههههههههههههه
موقف لا تحسد عليه
هههههههههههههههههه

تعيش وتاكل غيرها أبو ديمة |7|

[*رزان*]

شكراً على الموضوع ...
بس والله هلأ ماني متذكرة ولا موقف صار معي...
ان شاء الله برجع بكتب شي موقف |7|

[أبو البيش]

ههههههههه

والله يا عمور ما بعرف ليش شاغور عم يذكرني بطفولتك ههههههههههههه

تعيش وتاكل غيرها من فاعور ..

= = =

نورتي الموضوع رزان ومنتظرين مشاركتك ..

[قلم بلا قيود]

صار معي
قصة حقيقية دارت أحداثها في فصل شتاء عام 2003
قصة من الصعب بمكان نسيانها لأنها غيرت جانب مهم من حياتي سأحدثكم عنه حين الطلب |268|

في ليلة من ليالي شتاء الكويت لعام 2003 والهدوء مخيم لولا صفير الرياح والسكون في أرجاء المنطقة لولا نعيق الغربان
كنت جالساً في بيتي كعادتي (من البيت للشغل ومن الشغل للبيت) واذ يأتيني اتصال من اخ وصديق لي يبلغني بانه تشاجر مع زوجته ووقعت مغشية ولا يبدو عليها علامات الحياة فلا نبض ولا تنفس والوجه اصفر والجسم اصابته برودة ,, نظرت الى ساعتي فهي الساعة الثانية بعد منتصف الليل واي نوع من المشاكل تحصل بين الأزواج بمثل هذا الوقت ...
ركبت سيارتي وتوجهت الى بيت صديقي وصعدت الى الطابق الثاني حيث جناحه الخاص هناك ودخلت اليه واذ هو رجل شاحب الوجه منهار قال لي : ادخل وانظر ما بها كدت قبل قليل ان اضعها داخل كيس قمامة اسود والقي بها في الصحراء ... دخلت واذ بزوجته مرمية على الأرض شبه عارية لا يوجد على جسدها غطاء سوب حجابها فقط (صدقاً لا امزح)
كشفت عن النبض لا يوجد نبض في عروقها
وضعت رأسي على صدرها كي اسمع ضربات قلبها ايضا لا اسمع شيء
تنفس لا يوجد
قلت له يا هذا الظاهر زوجتك ماتت
قال لي لالالا لم تموت فهذه المرة العاشرة او اكثر يحصل معها هكذا ,, مجرد ان أنقط بأنفها قهوة وليمون تستيقظ بعد ساعة او ساعة ونصف
وكوني سـأكون وحدي بانتظار ان تصحو قبل ان تحضر زوجتي فقلت اتصل بك حتى تسليني وان جاءت زوجتي اقول لها بانها زوجتك جئتم الينا لتسهروا وتعبت زوجتك ....

قلت له بالله شو عم تحكي جد
قال نعم والله جد الجد هذه صديقتي وزوجتي بحفلة عرس وعلى وصول ..

صفنت به وباركت له عمله كونه ستر شعر رأس الجسد العاري بحجاب ههههههههههههههههههه

بعد هذه القصة بثلاث شهور او ما حصل معي من صديقي العزيز تغير جانب من حياتي لن احدثكم عنه بالطبع |461|

[ميوووش]

بس ما تكون تزوجتها حكيم |7|

يعطيك العافية

[ABO Deema]

يحرء عرض الوقت

اخ لو اني مسجل بسوريا ستار بهديك الفترة وتعرفت عليك يا حكيم

كانت رحت معك لساعدك بعملية صحيان المخلوقة

بس يالله مو مشكلة ما صار شي خبر رفيقلك وعطيه رقمي

قله المرة التانية اتصل بابوديمة

[ميوووش]

هالقصة صارت معي من سنة ونص تقريباً

هاد إحنا بالجامعة لازم نتطوع بشي محل تطوع مجتمعي
فإحنا مجموعة بنات تدربنا سنة تقريباً ، وإجا الوقت لنروح نتطوع بمدرسة إبتدائية
كانوا البنات يلي بدي أعمل النشاطات والفعاليات معهم بنات صف رابع
بأول لقاء إلي مع البنات ،،، المفروض تكون حلقة تعارف ،، وكيف طريقة هالتعارف ؟ إنه نشعل عود كبريت والبنت تضلها تحكي عن حالها لحد ما العود يطفي

من ضمن هالبنات يلي عرّفوا عن حالهم
بنت بلشت تحكي اسمي فلانة وبحب هيك وبكره هيك
ومن ضمن يلي بتكرهوا قالت " بكره الإحتلال واليهود يلي بقتّلوا بالأطفال هون وهناك "
وبلشت تبكي ، وهاتي مراضاه يا ميوووش

المهم ،، أجت بنت تانية بدها تعرّف عن حالها ،، وإذ اتفاجأ بمجموعة كبيرة من الصف " ما بدنا نسمعلها وما بدنا نعرف شو بدها تحكي "
إتفاجأت من موقفهم إنه ليش هيك بيعاملوها ؟ http://syriastar.com/vb/images/icons/a13.gif

والبنت هون ما قصرت بلشت تغلط كلام بينحكى وكلام ما بينحكى
أنا سكتتها وقلتلها عيب تحكي هيك وسكتت البنات يلي هاجموها ورفضوا يسمعولها
هون بنت تانية صارت تبكي من موقف بنات صفها ضد هديك البنت

مشّينا الموضوع ،، وكملنا تعارف ، وهالبنت (أصالة) مسكت قلم وورقة وبلشت تكتب وتكتب ،،
صارت بنت تانية إسمها سوسن بدها تعرف شو بتكتب وليش بتكتب وبدها تمزع الورقة ومن هالحكي ، طمنتّهم البنت إنه ما عم تكتب اسمائهم للإدارة ، بس عمالها بتعرّف عن حالها كتابياً منشان بعد شوي تطلع تقرأها قراءة أدام الكل
خلّصوا البنات حكي عن حالهم وإجا دور أصالة ، قبل ما تطلع... قلتلها أشوف الورقة يلي بدك تقرأيها
شفتها ، لقيت فيها مسبات خير الله ع بنات صفها ، قلتلها أنا بدي اقرأها ، قالتلي إقرأيها كلها ، قلتلها لأ ما رح أقرأها كلها وخلص منشاني اختصريهم للبنات ، وافقت البنت وقرأتلهم الورقة ، صارت الست سوسن تحلّفني شو يلي ما قرأتيه ، ومن هالحكي ، حرّفت الكلام وحكتلهم إياه بصيغة ممكن تنقبل ، بس برضو ما عجبهم الحكي وتعالت الأصوات ، صرخت عليهم صوت ، سكتوا شوي

بعدين نطت سوسن تحكيلي ( بتعرفي يا مس ليش إحنا مو طايئنها لأصالة ؟ ) ولا بنات صفها صاروا يسكتوا فيها إنه ( لا لا سوسن ما بدنا نفضح بنت صفنا ) و ( اسكتي اسكتي في بالصف بنت من شعبة تانية ومابيصير تعرف أسرار الصف )
حاولوا البنات يسكتوها لسوسن ، بس سوسن تنحت وأصرت إنها تحكي : ( يا مس أصالة بتحب شب ) http://syriastar.com/vb/images/icons/a32.gif

عطول أصالة دافعت عن حالها : ( لا أنا ما بحب حدا والله العظيم وأسالوا فلانة وأسألوا علانة ) والبنات صاروا يلوموا سوسن ليش تحكي ، وبنت تالتة تحكي : ( والله شفنا معها رسالة منه ) وأصالة تدافع عن حالها وتحلف أيمان

وأنا بس بدي حد ينكشني لأضحك http://syriastar.com/vb/images/icons/a31.gif ،،، لك وليييي عهالبراءة ،، كل هالطوشة منشان طلعت بتحب شب ؟ لا ، والبنت يلي من الشعبة التانية صارت تبكي ، ما تحملت هيك كلام ينحكى قدامها

خلص وقت الحصة وخليتهم يروّحوا ، وضلت أصالة وكمان 3 بنات صاحبات أصالة ، آل بدهم يحكوا معي ، دردشنا شوي وحكينا وقالتلي إسألي مس فلانة عني والله أنا مو هيك ، قلتلها طيب خلص ما دامك مو هيك لا تسألي برأيهم ، بس ما بيصير تغلطي وما بيصير تسبي ، عيب ، مو بالشارع إحنا ، إقتنعت ووعدتني تبطل كلام مو منيح ، وشهّدنا صاحباتها عهالكلام

روّحنا مع بعض وإحنا ماشيين ،،، أصالة بتحكيلي : " ييي شوفي هداك الشب صاريتطلع عليي و يعلئ عليي |516| "،، إتطلعت عليها وإبتسمت ،، وعرفت إنه هالبنت بلشت مرحلة المراهقة ، وفعلاً ما في دخان من غير نار ، أنا ما بحكي إنها مو منيحة ، بس يمكن جملة متل يلي حكتلي إياها أدام وحدة من بنات صفها خلاهم ياخدوا هالفكرة عنها

شايفين بالله هالبراءة
كل هالطوشة وهاللئامة والمعاملة القاسية منشان أكتشفوا إنها بتحب شب
|365|

[Jupiter]

في موقف صار معي من شي سنتين تقريبا عم ارجع اتذكره
بها الايام الي عم نمر فيها
مرة كنت راكب بالتكسي لما كنت بالشام و انا عادة ما بحكي
مع شوفير التسكي ابدا حتى لو بادر بالحديث ما بحب شاركه الحديث
و بنسحب منه بأدب (( ما بقصد ابدا التقليل من قيمة الرجل )) و فعلا هالشوفير
كان ساكت و ما عم يحكي لحد ما وقفنا على الاشارة
فاجا ولد صغير عمروه شي 13 سنة و
قلو للشوفير : عمو مشان الله عطيني 5 ليرات
و هون الشوفير ما حكا ولا حرف فانا مديت ايدي على الجزدان و بدي طلع
مصاري فكمش لشوفيير ايدي و قلي لا تعطيه انا بدي اعطيه
قلتل يا ابن الحلال خلص ما في فرق كلها هال 5 ليرات
شو رح تساوي قلي هلئ بتشوف ليش
التفت الشوفير عند الولد و قله : بعطيك 5 ليرات بس بشرط
قله الولد : شو هوة قلي ؟؟
قله : قول (( ........ الوطن العربي كلو ))
الولد قله : اي بقول
انا هون قلتله يا ابن الحلال الكلام الي عم تحكيه للولد
ما بيصير هي اولا تانيا يعني بدك تذله للولد مشان 5 ليرات
فعمل حالو مو سمعاني ابدا
فالولد دغيري قال : (( ...... الوطن العربي كله ))
اجا الشوفير و فعلا عطاه ال 5 ليرات فمن فرحته الولد صار يقول
(( لك ...... 200 مرة )) و انا فعلا صار الدم لراسي
التفت عليي الشوفير و قلي : لك خليه يتعلم مو احسن ما يضل مغشوش
انا فعلا ازعجت و مع اني ما وصلت لسا للمكان الي قايله عليه
حاسبته و نزلت من التكسي
قلي الشوفير : يعني انزعجت لك عمو و الله خلي يتعلم
و هوة و صغير احسن ما ينصدم لما يكبر
انا ما رديت عليه و عمت حالي مو سمعانه و مشيت
طبعا هالكلام كله كان خلال تقريبا 4 دقايق
ملاحظة :
...... = كلمة مش ولابد بستحي احكيها و هية اصلا ما بتنحكا هون |516|
.........................
و هالايام عم اكتشف انو فعلا غلبني شوفير التكسي

[ميوووش]

بيعين الله ماهر
ما دام الشعب العربي نايم
يمكن بيستاهلها (( بغض النظر شو هي الكلمة |268| ))

[أبو البيش]

الظاهر هالشوفير من جماعة تشافيز يا ماهر ههههههه

[Jupiter]

بيعين الله ماهر
ما دام الشعب العربي نايم
يمكن بيستاهلها (( بغض النظر شو هي الكلمة |268| ))


صح ميوش يمكن (( بغض النظر شو هي الكلمة |268| ))
:)

[Jupiter]

الظاهر هالشوفير من جماعة تشافيز يا ماهر ههههههه



بس هالحكي من سنتين يا بيشو
انا شكيت فيه يكون عم يحاول يخليني اغلط و روح في داهية
مشان هيك انا حاولت كون وطني قدر الامكان
هههههههههههههههههههههههههههههههه

[عبد الباري وخلوا الباقي]

موضوع ممتع حقيقة لم تتح لي الفرصة قراءته كاملا ً لكن قد استمتعت بقصص الكثير هنا ولك ياسادة من هديك الزمانات هههههههههههه عجبتني طريقة البداية في القصة

[ام شهاب]

عجبتني الفكرة كتير بس ما بئدر فيكن بشي قصة لانو قصصي مع الاسف كلها بتحزن

اذا عم قول اذا صارت معي شي قصة طريفه رح احكيلكن ياها

مبدع يسلمو دياتك اخي ابو البيش على الموضوع الجميل و بهنيك على الافكار الروعة يلي عم تطرها

تحياتي لك

[أَمجاد !]

أممم / الموضوع حلو ، يَسلمـو ..!
انا كالعاده ، صَحيت ووو بعدين أَكلت ، ووو طَلعت بِ الحديئه وقرأت كتـاب ،،!
ووبعدين طلعت أنا وأبوي وإمي وأخي الوحيـد عَ بيت خالتي ، أكلنا عندهم ، وتهبلت مع أولادها وبناتها ..!
وتعرفت عَ المُنتدى الحلـو ، وسَجلت ،،! وبـس !

[**بنت فلسطين**]

موضوع مهم وراائع ومسلي ..
تسلمي يا غالي

شكرا لك ِ ((ابو البيش))

[لويالتي1]

أول شي مرحبا

فكرة الموضوع رائعة وفعلا يستحق التثبيت

رح أحكي هالطرفة الصغيرة الي صارت معي من فترة

كان عنا الي بيساوي البرادي أجى مشان يخيط البرادي لماما

أجى وطلع عالبرادي فلقاهن مو زابطين أبدا ابدا

طلع على ماما وقاللها منو الجحش الي مخيط البرادي

ماما هون كان رح يغمى عليها لأنو طلعت هي الي مخيطتن

اجى الزلمة مشان مايزعجا ويجرحلا مشاعرا ئلا اي هوي جحش بالخياطة بس

وكل مايئول جحش انا يغمى علي من الضحك

حبيبتي ماما سامحيني بس هادا الي صار يااغلى أم

[تحياتي لمن دمر حياتي]

ههههههههههههاي
عنجد يا بيشو فكرة بتجنننن
وقصصكون كتيييير حلوة
امممممم <<انا ما عم بزكر شي بس ييلا من شانكون انتو بصصص<<يعني بس
هادا يا سيدي مرة كنا قاعدين انا وبابا وماما واخي
عم نتفرج على فيلم رعب <<هي من شي كم اسبووع بصصص<<قلتلكون بس
مطفية الاضوية والكل ساكت مافي بص<لك بسسس << صوت الساعة
اخي طلع من الغرفة قلتلوا لوين قللي:عالحمام<<خطة
لحقتوا لشوف وين راح<<عاملة حالي بطلة زماني
بعد شوي مابشوف الا واحد لابس اسوووووووود وحاط قناع <<من الي بخاف منهون
طلعت لَوَرا وشفتوا <<يا امي انا بهداك الوقت متتت من الخوف<<واخي يضحك
وماما وبابا كمان عم يضحكوا<<بعد ماعرفت انو هاد اخي الاجدب
ضحكت كتيييييييييييييير على حالي

وبصصصصصصص
ياجماعة الخيييييييييييير بص يعني بسسسسسسسسسسسسسس<<خخخ|544|

[أبو البيش]

ههههههههههه
سلامة قيمة أمك يا لويالتي
وأكيد هالجملة فيها غباء كبير

------

نورتي بوجودك تحياتك لمن دمر حياتك ..

[تحياتي لمن دمر حياتي]

خخخخخخخخخخخخخخخ
تحياتك لمن دمر حياتك!!!
منور بوجودك اخي