المرحلة العاشره والحاديه عشرة من الدوري السوري

[ابو السوم]

مرحبا يا ..

انتهت مباريات المرحلة العاشره من دوري الكرة المسلوق ... وكان عنوان هالمرحلة .. الضحكه العريضه للجيش والوحده ...

الحرية تعثر وخسر خسارته الأولى ..خسر مع حطين وبقلب حلب وبهدف لعارف الآغا ...
بتصدقوا انو عارف الآغا أحرز 14 هدف في مرمى الحرية فقط خلال خمس مواسم ...رقم قياسي ...
ورغم هالشي ضل الحرية بالصدارة وبجدارة بـ 22 نقطة ...
حطين بعد الفوز الثمين صار سادس بـ 13 نقطه ...


الوحده كان الكاسب الأكبر ... وهزم القرداحه بهدفين لهدف ...وباللادقية ....
الوحده تقدم بهدفين وعرف كيف يحافظ عليهون .. والقرداحه حاول بس كان دفاعو مخلخل ..
بهالفوز قفز الوحدة لمركز الوصافة بـ 21 نقطه
القرداحه تجمد بالمركز الخامس برصيد 14 نقطة ..

الجيش فاز وبصعوبة عالوثبة ...الجيش حاليا ومتل ما عم اسمع عم يمر بمرحلة تجديد ..ولاحظنا لاعبين شباب كتير شاركوا ..
بهدف أحمد عمير ...فاز الجيش عالوثبة اللي حاول يقدم مستوى جيد بس بدون فائدة ...
الجيش قفز هو التاني للمركز التالت وبرصيد 19 نقطة ...
الوثبة بالمركز التاسع 10

الاتحاد كان مرتاح هالمرحلة ... مالعب مباريات وبسبب هالشي تأخر للمركز الرابع وبـ 17 نقطه ...

المجد تعادل مع الكرامه بحمص بهدف مقابل هدف ...
وبهيك المجد صار سابع12 ..والكرامه تامن 11...

اليقظه حقق أول فوز بالدوري وع حساب أمية ...وبهدف وحيد ..لمحمد الحمد ...وبهيك أمية ضل مركز عاشر بـ 9
واليقظه ثاني عشر وقبل الأخير بـ 6 نقاط ...

جبلة تعادل مع الشرطه اليوم بهدف لمثله ... وبهالشي جبلة صار مركز حادي عشر برصيد 8 نقاط ...
في حين انفرد الشرطه بالمركز الأخير برصيد 2 نقطتين بس ...

الاثنين الجاي ... رح يكون قمة مباريات الدوري ...
رح تنطلق المرحلة الحادية عشرة ..
أهم اللقاءات رح يكون بين الوحدة والاتحاد بالشام ...
هاللقاء بيكتسب أهمية اضافية كون الفريقين من الأربعه الكبار ...
والفريقين بيضموا أبرز نجوم الكرة السورية ...
باحصائية ( حلوة ) :
من موسم 89/90 لحد هذه اللحظه ... لعب الفريقين 24 مباراة بين بعضهما ...
9 انتهت بفوز الاتحاد وأحرز الاتحاد 23 هدف
8 انتهت بفوز الوحدة وأحرز الوحدة 18 هدف
7 مرات تعادلوا

أمنياتنا انو نشاهد مباراة كبيرة ...

|3|