المساعد الشخصي الرقمي

مشاهدة النسخة كاملة : تسلم ايدك يا قلم

قلم بلا قيود
23-10-2003, 10:51
تشيز كيك الفراولة البارده


المقادير....

1. علبة بسكوت عادي مطحون طحن ناعم
2. زبده
3. ملعقة سكر غير مطحون ( خشن يعني <<<<< صحيح انك فهيم)
4. علبتين قشطه (قيمر)
5. جبن أصفر
6. بيض عدد (2) بيضه
7. 4/3 كوب سكر ناعم مطحون يعني
8. ملعقة فانيلا صغيرة


طريقة التحضير...

ضعي علبتين القشطه والجبن الاصفر والبيض والسكر الناعم والفانيلا بالخلاط
لمدة 5 دقائق
وبعدين اخلطي البسكوت الناعم مع الزبده وافرديهم بصينيه
- صبي اللي بالخلاط فوق البسكوت اللي بالصينيه لغاية ما يتغطى جميعه
- حطي الصينية بالفرن لمدة ثلث ساعة
- اتركي الصينيه تبرد لمدة 10 دقائق وبعدين حطيها بالثلاجه لمدة لا تقل عن ساعتين ..

اخيرا" ضيفي الفراولة المعلبه او الطازجه

واخيرا" بتحصلي على


تشيز كيك الفراولة البارده













انتظروني
بتسلم ايدك يا قلم
























بس
انتهى
دنيا
23-10-2003, 01:07
http://www.patrra.com/loe/w.jpg

حقيقي تسلم ايدك ياقلم :)

ونحن عمنستنى المقبلات وبعدها الوجبات وبعدها الحلويات ومافي مانع للموالح كمان ;) :)
وياترى شو رح تحضرلنا بدعوتك لأعضاء المنتدى بأول يوم؟؟؟;)
رنوش
23-10-2003, 02:46
اول شي يسلمو ايديك على هالوصفة
انا بحب التشيز كيك كتير كتير .. وكنت أفكر انو طريقتها أصعب من هيك .. بس طلعت الطريقة حلوة كتير وسهلة و مقبولة ..

بس لو توضحلنا الجبن الأصفر شو نوعو بالضبط ؟؟؟... لأنو في أنواع كتيرة
وكمان الكمية الدقيقة البسكوت والزبدة و الجبن الاصفر

وعنجد ياريت تكتر من وصفات الحلويات ... لأنو انا عايشة عليها :D

وتسلم ايدك يا دنيا عالصورة ... يعني كأني أكلتها وزيادة :D :p ;)
رمح الندى
23-10-2003, 03:46
:D تصدق انا دخلت اليوم فقط من شان اقول :D

تسلم ايدك ياقلم :D
قلم بلا قيود
23-10-2003, 03:53
شكرا" شكرا" شكرا"

تسلم ايدك يا قلم برنامج غذائي متكامل منكم واليكم :D :D


الحلقة القادمة ان شاءالله راح تكون مع



المفطح بالبشاميل


























بس
النتهى:D
قلم بلا قيود
23-10-2003, 03:58
كاتب الرسالة الأصلية ***RANA***

بس لو توضحلنا الجبن الأصفر شو نوعو بالضبط ؟؟؟... لأنو في أنواع كتيرة
وكمان الكمية الدقيقة البسكوت والزبدة و الجبن الاصفر

:D :p ;)


رنووووووووش


بتسمعي عن جبنة كيري ......

أيوه هاي


اما البسكوت بحسب عدد الاشخاص

المقادير اللي فوق بتعمل صحنين من اللي نشرت صورتهم دندووون:D



ورجاء" مابدي اسئله كتيرة علشان ما ينقلب الموضوع لما وراء الستار

مش ناقص :D :D :D




























بس
انتهى
رنوش
23-10-2003, 04:15
هههههههههههههههههههههههههههههه
والله ضحكتني من قلبي
ما بدك أسئلة ما ؟؟
لكان وضّح منيح و قول كل شي بالتفصيل وما رح نسألك

رح جربها والله يستر :D
قلم بلا قيود
23-10-2003, 04:30
تسلم ايدك يا قلم

راح يقدم لكم اليوم



























المارينك بالفراولة




المقادير

- 4 بيضات ( بيض دجاج)
- كوب سكر عادي
- ملعقة فانيليا
- فراولة طازجه مقطعه الى انصاف ( او اي فاكهه تانيه )


طريقة التحضير

هاتي بياض البيض واخفقيه جيدا" ومستمرا" مع الفانيليا لغاية ما تصير الكريمه تقيله شوي وبعدين ضيفي السكر عليهم وحركي لغاية ما يدوب (بقصد السكر)

وبعدين حطي الكريمه في كيس التزيين واعملي كور من الكريمه على محيط صينية
الفرن وحطيها بالفرن بدرجه حراره 50 لساعتين ونص
ولما تطلع الصينيه من الفرن جيبي الفراوله المقطعه الى انصاف وحطيها بنص الصينيه

وقدميها بالهنا والشفا


ملاحظه : يمكن ان تقدم مع صلصة الشوكولاته او الايس كريم





اعتقد هيك واضح وما بيحتاج الى استفسارات
ماهيك؟؟
رنوش
23-10-2003, 04:59
لا هي ما عليها استفسارات >> لأنها ما عجبتني :D
هات غيرها
>>> اللي بعدو


:D

هي شرحت عن مقاديرها بإسهاب :( !!!‍!! قال بيض دجاج ؟؟ لكان بيض نعام يعني ؟؟

:D


يا لطيف شو رح تكسب أجر يا قلم ... كل ما تزبط معي أكلة طيبة رح ادعيلك من صماصيم قلبي عند الإفطار ... شلوني انا معك ؟؟ :)
**هبة الله**
24-10-2003, 11:08
إيه كمان تسلم إيدينك ياقلم
ولو إنو وصفة التشيز كيك يلي عندي أطيب واشهى:D
وبستاهل عليها تسلم إيديني وفوقا حبة بركة كمان;)
بس ماشي الحال مارح ضارب فيها عليك ورح انطر شوي قبل مانزلها
أما المارينغ مع إنو شكلو لزيز بس أنا كمان مابحبو
بانتظار الوصفة الجاية
تحياتي والله يعطيك العافية ايها القلم الحزين
رنوش
25-10-2003, 02:50
حبااااااااااااااابة هبة ... حطيلنا الوصفة اللي عندك تبع التشيز كيك
لأنو القلم مو ناوي يقلي المقادير الصحيحة :(

شايفة أديش القلم متسلط علي :D
رمح الندى
25-10-2003, 03:42
ياجماعه من شان الله دخيلكم :

أبغا وصفة كذا حلوة كتيييييييييير من إيديكم الحلوة ، بس راح اقولكم شو اللي مابحبه من المأكولات ، أنا مابحب الجبن بأنواعه هاه بأنواعه كله على بعضه وربنا يديم النعمه لكن والله مو بكيفي ، وكمان الألبان بأنواعها مابحبها والبصل والثوم والقشطة هذي الاكلات من صغري كذا ممنوع عنها لله في الله ، وصارتلي قصص كتيييييييرة معاها راح احكيلكم اياها بعدين ، مو بنتكلم الين تستوي الطبخه :D

.
.
.
إيناس
31-10-2003, 02:16
فعلا تسلم إيدك يا قلم ;)
بس عندي استفسار صغير لو سمحت 00 صحيح اجى متأخر وصحيح انو مكرر وسألته من قبلي رنا00
بس عن جد يا قلم لازم تعطينا عيار الزبدة والجبنة تمام والخاص بالتشيز كيك من شان ما ننزع العيار:(
لأني بموت بالتشيز كيك
الزبدة بكفي ربع باكيت ولا نص باكيت ؟؟؟
والجبنة 00 انا بعرف انو ممكن نستخدم جبنة فيلادلفيا او كيري متل ما حكيت 00بس يا ترى اي علبة نستخدم ام ال 8 قطع ولا 12 قطعة ؟؟؟؟؟؟؟؟؟؟
وبكون كتييييييير ممنونتك يا شيف فهيم ;) :rolleyes:
همسة عتاب
26-07-2005, 07:54
شكرا" شكرا" شكرا"
تسلم ايدك يا قلم برنامج غذائي متكامل منكم واليكم :D :D
الحلقة القادمة ان شاءالله راح تكون مع
المفطح بالبشاميل
بس
النتهى:D


قلموووووو
شو يما اكيد ناسي انه واعدنا بطبخه
و برنامج غذائي متكامل
ونحنا مو شايفين شي
يلااااااااااااااااااااااااااااااااااااا عااااااااااااااد
|284| .. |337| .. :mad: