هوايتي وهوايتك

[قلم بلا قيود]

جميعنا من الطبيعي لدينا هوايات نحب ان نقوم بها .. او نمارسها ولكن هناك بعض الهوايات الغريبه التي يقوم بها البعض وربما انت كنت من هؤلاء البعض و
هناك من الناس من يحب يجمع الخردوات وهناك من يحب ان يجمع الفضيات

والان جاء دوركم انتم

هل كانت لكم هوايات غريبه ؟

ام كانت هواياتكم عاديه

اعتقد اللي له هوايات غريبه انسان مبدع ههههههه مثلي

انا انتظر مشاركاتكم حتى اعرف عنكم المزيد


ما بدي تردد الكل يشارك

[رمح الندى]

تسلم ياقلم على موضوعك الرائع وبالنسبة لهوايتي هي بصراحه يعني بتميل للقراءة شوي. زمان كنت بحب أقرأ دائما الكتب المتعلقة بجراحة المخ والأعصاب ، وكنت بتمنى هذا المجال لكن الظروووف حالت بيني وبينها ، أما بصراحه الخردوات ماحب اجمعها لكن تعجبني أسواق الخردوات ووو لأني اجد أنها حياة جميلة :D بعيدة عن الجد والإرستقراطية الحياتية لأني بموت بالبساطة . يعني تقدر تقول إن هوايتي الآن هي القراءة بشتى أنواعها :D



وبنقول الآن مقولتك الرائعه :

بس ......... إنتهى :D :D

[شادي الطويل]

مرحبا شباب حلوه هل فكره قلم

ياسيدي أول شي خلينا نحكي عن الخرداوات بهل مناسبه ههههه أذا بتلاحظوا أنوا لكتير من كبار التجار هنن تجار الخرداوات ولأنتيكه يعني الله وكيلكون صارت شغله بتجيب ذهب
ما شفتوا مسلسل ( لن أعيش بجلباب أبي ) نور الشريف خلا الناس تتمنى تشتغل بهل شغله ههههههه

أما هواياتي فوالله كتار بس رح ألك أني كتير بحب السباحه
ولهوايه لغريبه خليها بيني وبينك بعدين بخبرك عنها .

[رنوش]

القلم الحزين >>>>> فكرتك جميلة جدا وخلال الفترة الطويلة التي قضيتها على النت ... لم اصادف مثل هذا الموضوع الجمييل ... ولا أعرف كيف لم يخطر على بال أحد للآن :)

رمح الندى >> فعلا هواية غريبة بس حلوة كتير ... الله يزيدك من علمه يارب

شادي >> صار عندي فضول اعرف ;) .. ما عندي مانع تقلي برسالة خاصة :D
حباااااااب شادي قلي هههههههه

هلء دوري خبركم عن هواياااااااااااااااااااتي الكثيرة جدا جدا جدا

الحلو بالموضوع انو هي اول مرة رح احكي لحدا عن هواياتي ... عنجد عمرو ما حدا سألني شو هي هواياتك الغريبة ؟؟؟ على طول بقول هوايتي الرسم و بسكت بعدها
:D

شوفو يا حضرات

اول هواية >> كتير بحب المحايات ... خصوصا اللي ريحتهم قوية كتير وبتجنن
يعني تقريبا كنت مدمنة على ريحتها ... وفي نوع محايات رخيص كتير هدا كان المفضل عندي ... لأنو ريحتها بتاخد العقل ...
المهم كنت اشتري محايات كتييييييييرة ... وأخبيها عندي
وللآن باخد بنتي عالمكتبة و بدون ما أحس على حالي بتلاقوني بشتريلها محايات كتيرة بدون ما تطلب :D

هلء الهواية التانية .... كنت كتير بحب الفك والتركيب
يعني اي شي يتعطل بالبيت .. امي فورا كانت تحولو لعند رنا ... وكان معظم الاشياء تزبط بيدي ...... وكانوا اخواتي يقولو عني انو ايدي فيها بركة :D
بس شلون كانو يزبطو ترى هدا سر إلهي ... أنا ما كان عندي علم فيه

هواية ثالثة ..... كنت بموت بتربية القطط المتشردة :D
اي قطة بشوفها بشفق عليها وبربيها عندي ... وماما كانت تنجن مني .... وتقلي شو الله جابرني اتحمل قرف هالقطط ؟؟؟
ومشان أخفف عن امي كنت اطلع انا والقطة على حديقة البيت ... واقعد ساعات طويلة وانا احكي معها واطعميها .
وانتهى حبي لتربية القطط .... لما ماتت أغلى قطة على قلبي .. ودعستها سيارة لما كانت تحاول تلحقني وانا بدي أطلع اشتري .
بكيت كتييييييييييييييير كتيييييييييييييير ... ويا لطيف شو دعيت على صاحب السيارة وقتها :D

عنجد كل هواياتي غريبة بس أغلبها انتهت من فترة طويلة ... ولسى في كمان بس خايفة تملو ;)


:)

[اوتار مشاعر]

صباح الخير يا قلم


والله مو ضوعك وفكرتك كتير حلوة

بس انا اختلفت هواياتي من انا واصغير عن هلا لما كبرت;)

انا وصغير كانت هوايتي هي انواعمل اتلة لبنت الجيران الصغيرة وشدها من شعرها وشيل البكلة من راسها وانكشلها شعراتها واخد منها العلكة

وشوفا عم تبكي

هلأ صرت بحب كل شي والحمد لله



بس من اكتر الشغلات اللي بحبها هي المعرفة الدائمة بحب اعرف كل شي عن العلوم مو فضول عن شي صاير بين الناس لا بحب اعرف الشغلات اللي بتنفعني او حتى مجرد معلومة ثقافية او دينية او فنية او علمية او ......ألخ




مع تحيايت لالك اخوك محمد

[شجون]

يا لطيف شو شرّاني إنت :eek: وكمان بتسرق العلكة ما
منشان هيك بتقول لستو اشتريلي علكة اشتريلي علكة اتاريك
بتحبها ، الحمد لله إنو ما كنت بتلزقها على شعراتها للبنت :D :D

[اوتار مشاعر]

اهلين سجون شو انتي هواياتك اتلزقي العلكة على شعر رفقاتك لانك بتغاري منهن:D

[قلم بلا قيود]

هلا هلا

أسعدني تواجدكم

وأفرحتني هواياتكم


اللي بعده |573|