لماذا

[greenfinch]

الحقيقة هي ليست شكوى بل اقتراح واستفسار
الاقتراح
لماذا كثرة الاقسام التي تخص التقنية الحديثة ..او بالاحرى اقسام الكمبيوتر والانترنيت وملحقاتهم ..وبداخل كل قسم اقسام ..لماذا كل المنتديات السورية تبدأ مشوارها هكذا ..لماذا لا نبدأ صغار وبتضافر الجهود ويد بيد نكبر ونكبر ثم نتوسع ...
ارى ان نكتفي 3-4 اقسام فقط بدون تقسيمات داخلية حتى لا يتم التشتت وضعف الاداء في جميع الاقسام ..هذا ان كنا نريد ان ننشط عمل هذه الاقسام الحيوية ..
فالمستخدم يحتاج الى 10 دقائق اذا اراد ان يزور هذه الاقسام وبالمقابل سيكتشف ان هذه الاقسام فارغة من المواضيع او ضعيفة ..فلماذا نضيع الوقت ..
هذا مجرد اقتراح ..
الاستفسار
لماذا المنتدى منغلق ..فقط للاعضاء المنتسبين ؟؟؟
ولماذا لاتوجد مساحة للاعضاء للمرفقات ؟؟؟
المنتدى جميل ورائع واتمنى لكم التوفيق
سلام

[رنوش]

انا معك اخي greenfinch
ياريت فعلا نلغي الاقسام الفرعية لبعض الاقسام
متل القسم الديني والكمبيوتر

وندمج اقسام الكمبيوتر مع بعضها وبهالطريقة أكيد رح يتنشط القسم أكثر وأكثر

اقتراحاتك مهمة .. وان شاء الله رح تكون قيد الدراسة

المهم نشوف هالضحكة هي دائما
هههههههههههههه

شكرا لحرصك الكبير واهتمامك .

[greenfinch]

الله يسلمك يارنا
والله كنت بدي اخذ على خاطري ....هالموضوع صار له عدة ايام ولا جواب او رد .. مع ان المواضيع قليلة المطروحة في المنتدى :(

بس اتيت انت بالوقت المناسب .. الله يسلمك ..تفضلي

:D:D:D:D:D:D:D

سلام

[رنوش]

ههههههههههههه

اي هيك ورجينا هالضحكة
خلي الضحكة ترن وتعلى .. وما عاش اللي يخليك تاخد على خاطرك .

بس انا خايفة يا صديقي نكون تعدينا على حقوق الأدمن
لأنو الكمبيوتر اختصاصو بالاضافة لاختصاصات تانية .. ونحنا ما منقدر نعرف وجهة نظر الادمن بموضوع اقسام الكمبيوتر تحديدا .وفعلا هالقسم مهم كتير .

يعني الظاهر انو عكينا انا وانت ههههههههههه
شو رأيك تحذف الموضوع

ولا قلك خلينا نستنى رأي الادمن الغالي
بركي بيفحمنا
لا تخاف انا معك ... بس انت خليك قدامي هههههههه

نحن بالانتظار

[greenfinch]

ديبك انا :D

ولا يهمك ..اذا حدا بيقرب http://www.jh.zj.cninfo.net/demo/gif/rwl/nz/cowboy3.gif

بس هو باين الادمن حباب ...بس وينه
بعدين اذا اعترض ....ما منسكتله ..انا مجهزله هال..

http://www.jh.zj.cninfo.net/demo/gif/rwl/clown/clown5.gif

:D:D

شايفلك قلبنا الموضوع ضحك :D

سلام

[Admin]

أصدقائي أعضاء المنتدى
المنتدى لكم ولمن يكتب به
وكيف ترونه مناسب أنا معكم
ولكن يوجد لدي تعليق عن أقسام الكمبيوتر والانترنت
هناك تخصصات متعددة للكمبيوتر والانترنت
وحرصاً مني لعدم تداخل المواضيع أنشأت تلك الأقسام
ومن اجل باقي الأقسام أرجو منك طرح تصويت
وأنا معكم فيما ترونه مناسب
ولكم جزيل الشكر

[رنوش]

الله يعطيك ألف عافية يا مشرفنا العام :)
وشكرا لسرعة الرد ..
والله معك حق بأقسام الكمبيوتر .. لانه الكمبيوتر بالذات عالم واسع و بدو أكتر من قسم .. لحتى ما نضيع ونحنا مندور على موضوع معين .... يعني أفحمتنا .
;)
بس بيبقى القسم الديني لو نجمعهم بقسم واحد ... وهي بدها تصويت ... واللي بدو يعطي رأيه هون بنفس هذا الموضوع يتفضل ويحكيلنا رأيه . او منعمل تصويت .

شكرا admin لأهتمامك و توضيحك ..
وشكرا للعزيز ** الحسون الأخضر ** وبتمنى انك تعطينا آراءك البناءة على طول
ونحنا منسمعها أكيد
بس وينك يا ديبي :D :D... هالمرة وقفت معك |3| ... المرة الجاي بتعتمد على حالك ها :eek:

تمنياتي لك وللجميع بالسعادة الدائمة .. :D :) :D

[maged1972m]

وانا معكم يا جماعة ( greenfinch _ رنا _ admin )

هالاقتراح عجبني كتير ويا ريت يتنفذ عن قريب و تتلخص الاقسام شوي :confused:

لانها صايرة مثل المتاهة والواحد ما عم يعرف يتجول صح :confused: 0000

وشكرا لاقتراحك greenfinch :D

وعلى فكرة انا موافق على التعديل |4|

[greenfinch]

اشكرك يا ادمن على التجاوب ..ولو عرفان هيك كنت من زمان حكيت مع رنا خليها تتدخل بالموضوع ;)

هو صحيح كلامك ان الكمبيوتر له تخصصات ولكن يبقى رأيي الشخصي باننا نحاول هنا من خلال المنتدى تجميع الافكار والبرامج و..الخ في اطار سهل للمستخدم وخاصة ان التصفح بالنسبة للاخواة في البلاد العربية يكون صعب بسبب ضعف شركات الاتصال ..فمثلا انا من هواة الكمبيوتر وعلومه ولكنني عندما افتح هذا القسم اجد ان علي فتح 24 قسم لمشاهدة المواضيع كلها لانني احب ان اطلع على كل شئ رغم ان الاتصال عندي والحمد لله سريع جدا DSL ..فما بالك باصحاب الدايل اب وبلاويه ...هذا من جهة ..ومن جهة اخرى ..كوننا لسنا كمدرسة لتدريس علوم الكمبيوتر فاننا لسنا بحاجة لتوزيع التخصصات .. حتى ولو جمعنا الاقسام فلا توجد مشكلة بل بالعكس سيتمكن العضو من مشاهدة كل المواضيع في صفحة واحدة ومن ثم يختار ما يناسبه من المواضيع وعندما تفيض الحاجة ويصبح عندنا كل يوم 10 صفحات من المواضيع الجديدة وقتها نستطيع ان نقوم بالتخصيص وفتح فرع جديد ...هذه وجهة نظري ..
رأيي ان نكتفي ب 4 اقسام فقط ..قسم الكمبيوتر والانترنيت وقسم للغرافيك وقسم للبرامج المشروحة وقسم للموبايل ..

والله يارنا باين علي انني لن استطيع بدونك ساوي شئ :D:D

على كل حال فكرة التصويت ممتازة ارجو منكم ارفاقها ضمن الموضوع
ولم القى جوابا على استفسارات اخرى
لماذا المنتدى منغلق ..فقط للاعضاء المنتسبين ؟؟؟
ولماذا لاتوجد مساحة للاعضاء للمرفقات ؟؟؟

وينك يارنا ..ادخلي بالموضوع :D

سلام

[رنوش]

اهلا بك ماجد و شكرا لمشاركتك معنا واعطاء رأيك
اخي greenfinch .. اقسام الكمبيوتر سمعنا رأي الادمن فيها و انا من جهتي اقتنعت برأيه ... رفعت الجلسة . :D

بس بيبقى قسم الدين ... انو ندمجهم مع بعض .. خلينا نسمع اراء باقي الاعضاء ونقرر سوى

بالنسبة لملاحظتك انو المنتدى مقتصر عالاعضاء فقط !!!!
والله انا بشوف هيك احسن .. وان شاء الله رح استفسر من الادمن واعرف ازا هالشي مؤقت ولا على طول . :)

بس يا صديقي ما فهمت عليك الاستفسار التاني ؟؟
** ولماذا لاتوجد مساحة للاعضاء للمرفقات ؟؟؟ **

انو مرفقات ؟؟؟ يعني انت معك مرفقات شي :D
يعني مسموح ادخال المكدوس والمخللات معك .. والاركيلة كمان بس غير هيك ممنوع |3|

بالله شو قصدك بالمرفقات اخي الكريم ؟؟؟

وشكرا كتير لاهتمامك .. وانبسطت لانو عندك اهتمام بالكمبيوتر .. وياريت تورجينا مواضيعك بهالقسم .
ونيالك يا سيدي عالخط السريع دي اس ال .... ممممممم يعني عم تجاكرنا افهم من هيك ;) ... عم قول لحالي ليش بتدخل القلب بسرررررررعة ههههههههههههه

وينكم انا بمزح كتير ها .. بدكم تتحملو غلاظتي شوي .

اي استفسار نحنا جاهزين للرد ... وهي انت شفت الادمن شلون ديمقراطي وبحب يسمع اقتراحاتنا دايما .
وهي مساحة حرة لتبادل الاراء ووجهات النظر ... والوصول الى الحل الامثل الذي يرضي الجميع .

[greenfinch]

عزيزتي رنا
انا اعترض ..:( واعترض بشدة كمان :( الجلسة لسه ماارتفعت بخصوص اقسام الكمبيوتر :mad: الادمن قال رأيه ..صحيح ..بس قال كمان ان نترك الموضوع للتصويت حسب رغبة الاعضاء ;)

يعني حل مشكلة اقسام الكمبيوتر اهم من الاقسام الدينية ...

لازم نراعي ان هناك ناس محترفون وناس دارويش ..مثلي يعني :D ما بيقدروا يتصفحون كل هذه الاقسام وبنفس الوقت لن يعرفوا اين يضعون مشكلتهم التي تخص الكمبيوتر وسيصابون باحباط لمجرد مشاهدة 24 قسم :confused:

انا اطالب بارفاق تصويت وخلونا نمارس ديمقراطية :cool:

هالمرة يارنا انا مختلف معك ..ان يبقى المنتدى هيك مغلق :confused: الا اذا كانت سياسة المنتدى عدم التوسع ....

اما موضوع المرفقات ..فمثل ما قلتي تماما يسمحوا لنا بالمخلل والفلافل وعلبة حلاوة :D ..
في كل منتدى يستطيع اي عضو ارفاق ملف او صورة ضمن موضوعه وعادة تكون هذه المرفقات محدودة الحجم وهذه المرفقات جدا مهمة وخاصة اذا كنا نريد ارفاق ملف مضغوط zip مثلا لكراك معين ..فليس كل عضو يستطيع الاشتراك بمواقع خارجية وهذه تعتبر من الاساسيات في اي منتدى لمساعدة الاعضاء في مواضيعهم ..كنت بدي اضع صورة توضيحية بس طلعت لي رسالة انو عندي صور كتير بموضوعي .....!!!!!!
ياريت تضيفولي هذه المشكلة كمان ..قال عندي صور كتير ..وانا ماعندي غير صورة بالتوقيع ...شو القصة ...اضطرت عطل توقيعي ..وما عم يمشي الحال ..

وعقبال الكل لما يصير عندكم كمان DSL وتصيروا سريعين بالرد ;)
وشكرا لك يارنا على اهتمامك مرة تانية

تحياتي للجميع
سلام

[رنوش]

:D ايوا هيك بدي ياك تناقش .. اوعى تسكت لحدا ها .. ههههههههه

لك تكرم عينك رح نعمل تصويت ولو ... نحنا كم حسون أخضر عنا ؟ :p
فعلا الأدمن اعطانا راحتنا وقال اعملو تصويت .. الادمن ديمقراطي
بس أنا اللي دكتاتورية :eek:

عم بمزح طبعا ... حقكم كأعضاء انكم تسألو و تعبرو عن رأيكم بكل حرية .. وواجبنا نرضيكم .

طيب هلاء السؤال اللي بيطرح نفسه .. مين اللي رح يعمل موضوع فيه تصويت ؟؟
ازا بدك اخي greenfinch انت اعملو .. وازا ما بتعرف , بعملو انا :cool:
بس انا حابة انت تساويه لانو خطك سريع ;) انا رح طوّل لحتى جهزو :eek:
وكمان لحتى تعطينا صورة واضحة و أخيرة عن اقتراحاتك .وياريت يكون بموضوع منفصل وبعنوان واضح

ومو غلط لو تعبت شوي .. يعني بدك كل شي عالجاهز ؟ :D

خلص نحنا بانتظار التصويت و أي شي بدك ياه اخي الكريم اقترحو كمان من خلال التصويت

بعدين انا رح اسأل المشرف العام ليش المنتدى مغلق ورح جاوبك مباشرة
وانا بتصور انه هالشي يمكن مؤقت ... وكان رأيي الشخصي انو هيك أفضل .. بس مو بالضرورة يكون هو الشي الأفضل لباقي الأعضاء .بهمنا نسمع رأيكم واقتراحاتكم بكل شي .والمشرف العام ما عم يقصر .. وهو مشغول حاليا بتحديث المنتدى وتطويره . وفي اشياء كتيرة رح تلاحظوها قريبا .. أكيد رح تنال اعجابكم .

انتظر مني جواب هاليومين بهالخصوص .. وبخصوص المرفقات كمان |4|

[greenfinch]

شكرا لك رنا على اهتمامك ..والتصويت عملته هون في هذا القسم واذا رايتم الاحسن يكون بالعام او بالكمبيوتر تستطيعون نقله وهذه الوصلة تبعه

http://www.syriastar.com/vb/showthread.php?s=&threadid=683

على فكرة ..مشان التحديثات الاخيرة ..اسمحوا لي ان اقول انطباعي الاولي ..بعرف بدكم تقولون شو هالعضو المشاغب :D

اولا صار ت الصفحات تاخذ وقت حتى تفتح ...بشكل ملحوظ ..
ثانيا اختفت ميزة جدا مهمة وهي ظهور جزء من تفاصيل الموضوع عند اشارة عليه بالماوس دون الدخول الى صلب الموضوع ...

ارجو لكم التوفيق

سلام

[رنوش]

اخي التحديثات لم تكتمل بعد ... وسترى قريبا اضافات جديدة للمنتدى ان شاء الله ...
و المشرف العام لازال منشغلا بهذه التحديثات التي تستغرق وقتا و جهدا ..

بالنسبة لاقتصار المنتدى على الأعضاء .. فكما قلت لك انه كان مؤقتا ... وانت تلاحظ الآن انه أصبح متاحا للجميــع .. لكن بأوقات معينة تحتاج المنتديات لحالة الأغلاق هذه بشكل مؤقت ..و للضرورة ..
وهي اول طلب طلبتو و حققنالك ياه :)

ارفاق الملفات كما ذكرت لك أنه غير مفعل **حاليا** .. لكنك تستطيع ارفاق ملف بهذه الطريقة ... هنا شرح للطريقة
http://www.syriastar.com/vb/showthread.php?s=&threadid=678

بالنسبة للتوصيت .. بانتظار اكتماله .. لدراسة الموضوع .

شكرا لك طبعا على اهتمامك و استفساراتك .واتمنى أن اكون اجبت عليها .. وأي اقتراحات اخرى نحن بانتظارها دائما ... لكنها تحتاج لبعض الوقت حتى تطبق .

[greenfinch]

شكرا لك اختي رنا ...والله يعطيكم العافية ويقويكم

بالنسبة لارفاق الصور ..مافي عندي مشكلة عزيزتي فيها ..لقد قرأت الموضوع والذي قصدته هو الطريقة الثانية من خلال المنتدى وهذه النقطة جدا مهمة وخاصة اذا كان المرفق ملف مضغوط وليس فقط صورة ..ومادام ان الموضوع مؤقت ..كمان مافي مشكلة ..

تقبلوا تحياتي
سلام

[lostman]

مرحبا يا جماعة
يمكن انا اجيت متاخر شوي
انا رأي من راي الحسون
عن جد الواحد بيضيع بالمنتدى
و عندي اقتراح بتمنى تسمعوه
في بعض المواضيع فيها عدد صفحات كبير نسبيا
ولفتح الموضوع نحتاج وقت طويل وبعد الانتظار بيفتح معك الصفحة الاولى
ياريت يكون فتح الموضوع على اخر مشاركة مباشرة مع التنبيه انه صفحات سابقة بالنسبة للذي يقوم بزيارة الموضوع لأول مرة
كمان في بعض المشاركات عم تزيد الحجم على الفاضي واولها مشاركاتي مع احترامي للجميع