شعر للأعضاء المتنافسين في مسابقة الدوري

[عاشق الاهلي]

شعر للأعضاء المتنافسين في مسابقة الدوري
بعد أن انتهت مباريات الوري وبعما شاهدت الأنديه السويه وما آلت اليه حالها صرت
لحالي أقول شعر ليش ما بعرف بس أرجو انو ما حدا يدعي علي اذا ما عجبتو:
- - - - - - - - - - - - - - - - - - - - - - - - - - - - - - - - - -
يا شـباب أهـلا وسـهلا بمسابقة الدوري تنافسنا
وبوجود الصبايا عم تحلى اللعـبه أي والله معنـى
- - - - - - - - - - - - - - - - - - - - - - - - - - - - - - - - -
ويا أبو البيش الصدارة بدا فـن ومهـارة
وبـ 13 نقطه الـك عطتك والله الصدارة
- - - - - - - - - - - - - - - - - - - - --- - - - - - - - - - - -
ويا مراسلنا الرياضي أنت مالك عالفاضي
وبـ 11 نقطه الك بالمركز الثاني راضي
- - - - - - - - - - - - - - - - - - - - - - - - - - - - - - - - -
وعاشق الاهي زعلان من هالانديه وغضبان
وبـ 10 نقاط الو والله مالو رضيان
- - - - - - - - - - - - - - - - - - - - - - - - - - - - - - - - - - -
وأميرة الذوق رنا بوجودا شفنا الهنا
وبـ 9 نقاط الها وقالت ما بتعرف لعبنا
- -- - - - - - - - - - - - - - - - - - - - - - - - - - - - - - - - - -
ويا زاهر انت قادر عالمنافسه ومـاهـر
وبـ 8 نقاط الك شبهتك بكاظم الساهر
- - - - - - - - - - - - - - - - - - - - - - - - - - - - - - - - - - - -
فتى سوريا يا حباب بركي بتفتحنا هالباب
وبـ 7 نقاط الك رح تقاتل هالاحباب
- - - - - - - - - - - - - - - - - -- - - - - - - - - - - - - -
أبو صافي أنت وينك والله أشتقنا لعينك
وبـ 6 نقاط الك والله مكانك راوح
- - - - - - - - - - - - - - - - - - - - - - - - - - - - - - - - - -
شادي الطيل يا حلو والله توقعك حلو
وبـ 6 نقاط الك أبو صافي بسلم عليك
- - - - - - - - - - - - - - - - - - - - - - - - - - - - - - - - -
وينك وينك يا مسطول والله أشتقنا لهلطول
وبـ 32ــ الك يمكن ايكل صحن فول
- - - - - - - - - - - - - - - - - - - - - - - - - - - - - - - - - - -
أنا آسف شباب اذا حدا ظن أنو في بالشعر خطأ أنا بقلوا :
المعنى بقلب الشاعر مع تحياتي

[دنيا]

ياعاشق الأهلي يللي بشعره وكلامه الراقي
يوم عن يوم أكدت أنك ماهر و أكبر رياضي

مشاركة حلوة كثير لفتت نظري يسلموا أخي عاشق الأهلي وكلنا أهلاوية:)

[zaher7]

برافو عليك يا عاشق الاهلي والله يعطيك العافية
بس الصورة الموجودة جنب اسمك من وين جبتا وفي صور لغير فرق
وشد همتك معنا مشان تتقدم ويبدو انه الاهلاوية ماشاء الله كثروا وما في حدا يشجع الفتوة غيري

[رنوش]

يسلموووووو عاشق الأهلي يا امير الشعر ;) ... شو هالشعر الحلو هدا ؟؟

شايفين ما اشطرني
9 نقاط :D

خلص على طول انا معكم بهالمسابقات .. عجبتني الشغلة :D

[محمد 111]

ياللي للأهلي عاشق
وبتحلق متل الباشق
كلامك كلو حلو
ريتو يسلملي الرايق

[عاشق الاهلي]

اللــه اللــه ما شاء الله كل هالشعراء عنا بالمنتدى
وما عنا خبر
1ــ يسلموا كتير أخت دنيا على مشاركتك الحلوه
وانا باكدلك انو هاد أول أحلى بيت شعر بحقي

2ــ يسلمو أخ زاهر على ردك ومن أجل الشعار
بخبرك عليه بيني وبينك لانو انا محلف

3ــوالله كلمة أميرة الذوق قليلة فيكي يا رنا
وأهلا وسلا فيكي بالمسابقة

4ــمابقا أعرف أشو بدي أحكي والله خجلتني
وانا بعطيك لقب أمير الشعراء عن جدارة

[أبو البيش]

والشباب كل واحد بيمدح التـــــاني
ولا واحد حط كلمة حلوة منشـــاني

[عاشق الاهلي]

له له يا أبو البيش
يمكن ما قرات أسمك اول الصفحة ولا شو
بسلا تزعل هدا من عندك
لاتشكوللناس جرحا أنت صاحبه
لا يؤلم الجرح إلا من به ألـــــم