ABO Deema
17-10-2008, 11:24
السلام عليكم
أشكر الله العلي العزيز القدير إني حاليا قاعد في بيتي وفاتح اللاب توب تبعي الي ما صرله معي شهر وعم بحكي معكم وانا بكامل قواي العقلية والجسدية بس طبعا الجسدية بدنا نطول بالنا شوي لنتأكد انه صاغ سليم بس بأكدلكم عقليا اني سليم
هذا يا سادة يا كرام كما الاغلب منكم مش الكل طبعا بيعرف انه كان الي صهر (والي عم يسال شو يعني صهر بحب قله يعني زوج الاخت) بيشتغل بأبوظبي لكن شاءت الاقدار أنه راح يشتغل بالسعودية وخلفنا ورائه سيارة تويوتا موديل الـ 2002 وخلاها عنا على امل انه نبيعلوا ياها طبعا بالفترات السابقة كنت انا عم بستعملها لبينما اتأمنت سيارة تانية بكرم من الله العلي القدير... طبعا السيارة الها واقفة قدام البيت لحديت مبارح اجاني تليفون من أبو ظبي وقالولي جماعتي انه في شرا للسيارة وحابب يكشف على السيارة ويشوفها طبعا انا قلت ما كو مشكلة بكرة بكون عندكم في ابو ظبي ... الولدة الله يخليلنا ياها دحشت حالها بالنص وقالت بدي اطلع في الي رفيقة هنيك بدي ازورها واتغذا معها قلتلها بتدللي روحي لنورح
فقنا صباح اليوم انا والوالدة واختي واخوي الصغير وانطلقنا بتجاه أبو ظبي .... طبعا الي عايش بالامارات بيعرف شوارعها العريضة وانا من طبيعتي بسرع يعني اذا كنت ماشي على مهلي بمشي على ال130
طالع على الطريق وخلصت دبي واول ما فتت على أبو ظبي وانا على سرعة 160 ومعلومكم على طريق أبو ظبي في حوالي 43 رادار ولا واحد منهم شغال المهم وانا بهالسرعة ما بسسمعلكم الا صوت ( بوف ) وصوت طرطقة قوية من السيارة بشكل مو طبيعي ... انا وللوهلة الاولى وبطريقة لا شعورية قلت انفجر الدولاب وفورا رصيت على الدركسيون وشلت رجلي عن البانزين وتركت السيارة تهدي لحالها ومترقب سيارة من الخلف جي تعبي فيني لانه كنت مستلم أقصى اليسار لكن بفضل الله ما اجتت سيارة على الحارة الي انا فيها هديت السيارة وصفيت على اليسار يعني على الخط الاصفر تبع الحاجز
تنفست الصعداء وشيكت على اهلي انه كلهم سليمين وما حدا صابته حالة صرع او انفلاج .... امي طلعت علي قالتلي وجهك زي الليمونة قلتها ماكو مشكلة
انزلت من السيارة لحتى اشوف انه رجلي بتحملني وبقدر امشي الحمد لله كانوا شغالين تمام ضرت عيني على الدولاب وبالفعل كان الدولاب بخبر باي باي
خبرت جماعتي لتنزل من السيارة لحتى اركب الستبين لحينما وقفت وراي سيار 4x4 مدنية ونزل منها واحد لبس عسكري ودار بين الحديث الأتي
العسكري : السلام عليكم عسا ما شر ..
أنا : وعليكم السلام هلا أخوي والله شوفت عينك متل مالك شايف دولاب وانفجر
العسكري : حمد لله على السلامة انشاء الله ماحدا صابوا شي
أنا : لا والله الحمد لله ربك قدر ولطف
العسكري : بس أخوي إنتا مخالف
أنا وكل تعجب ونرفزة ؟؟؟؟!!! : كيف أخوي مخالف ؟
العسكري: انتا واقف على الجانب الأيسر من الطريق والمفروض توقف على الجانب الايمن من الطريق للانه هذي الحارة هي للسرعى القصوى ويمكن يجي حد من الاخوة المواطنين مسرع وماشي بناحيتك وما ينتبه ويدعسك والقانون يقول انك لازم توقف على ما بعد الخط الأصفر من الجهة اليمين
أنا وبيني وبين حالي يلعن أبو هالتفكير : أخوي على راسي إنتا والقانون تبعك لكن تعال ناخذ الموقف بالمنطق انا ماشي على الطريق السريع وانفجر الدولاب فمن المستحيل اني انتقل من اقصى اليسار إلى أقصى اليمين ودولابي منفجر يعني بدي امشي على الجنط ولحتى اوصل لاقصى اليمين في عندي 7 حارات يعني اذا ما سفقتني سيارة بالحارة السادسة راح تسفقني بالحارة الخامسة واذا مو بالحارة الخامسة بالحارة الرابعة وهكزا لحتى اوصل للنقطة الي بيحللي ياها قانونك وطبعا لحتى اوصل لهنيك بوصل ميت شقفة وشقفة ... فيا خالفني وتيسر لانه انا وضعي جدا ميؤوس منه بهاللحظات هاي أو شمر عن ايدك وتعال لنبدل السيارة
العسكري متقهقها ومتكركرا ومبسطا : تامر ياللخو خلنا نبدل الستبين
بدلنا الستبين وركبنا كل شي تمام وقال الرجال ميسرة أخوي ولا تسرع يعني الحمد لله نفدنا من دون مخالفة
المهم وقت ال يمشيت وانا عم ادور على كازية بس لحتى اعير الدواليب وازبطهم وانا عم ادور ضربت عيني بالمرايا الخلفية وما بشوفلكم الا العسكري ماشي وراي بسيارته .. قلت لحالي شكله غير رايه وبده يخالفني فما راح رد عليه رقم سيارتي مبينة وخليه يعمل الي بده يااه .. لقيت كازية ورد رجع فات مع على الكازية وقفت عن ماكينة الهوا ووقف وراي .. نزل من السيارة واجا باتجاهي .. قالي أخوي عفوا لكن بس حبيت اخبرك انه تعير دواليبك على الـ 32 ... وقت قال هالحجي فرطت من الضحك قلتله لاحقني من اخر الجنيا لتقلي هالكلمتين ... قلي احنا موجودين هنا لسلامتكم ... قلتله روح الله يفتحها بوجهك
وهي صورة الدولاب المنفجر
هنا (http://www.alchaam.com/pic/tyre.jpg)
وهنا (http://www.alchaam.com/pic/tyre2.jpg)
أشكر الله العلي العزيز القدير إني حاليا قاعد في بيتي وفاتح اللاب توب تبعي الي ما صرله معي شهر وعم بحكي معكم وانا بكامل قواي العقلية والجسدية بس طبعا الجسدية بدنا نطول بالنا شوي لنتأكد انه صاغ سليم بس بأكدلكم عقليا اني سليم
هذا يا سادة يا كرام كما الاغلب منكم مش الكل طبعا بيعرف انه كان الي صهر (والي عم يسال شو يعني صهر بحب قله يعني زوج الاخت) بيشتغل بأبوظبي لكن شاءت الاقدار أنه راح يشتغل بالسعودية وخلفنا ورائه سيارة تويوتا موديل الـ 2002 وخلاها عنا على امل انه نبيعلوا ياها طبعا بالفترات السابقة كنت انا عم بستعملها لبينما اتأمنت سيارة تانية بكرم من الله العلي القدير... طبعا السيارة الها واقفة قدام البيت لحديت مبارح اجاني تليفون من أبو ظبي وقالولي جماعتي انه في شرا للسيارة وحابب يكشف على السيارة ويشوفها طبعا انا قلت ما كو مشكلة بكرة بكون عندكم في ابو ظبي ... الولدة الله يخليلنا ياها دحشت حالها بالنص وقالت بدي اطلع في الي رفيقة هنيك بدي ازورها واتغذا معها قلتلها بتدللي روحي لنورح
فقنا صباح اليوم انا والوالدة واختي واخوي الصغير وانطلقنا بتجاه أبو ظبي .... طبعا الي عايش بالامارات بيعرف شوارعها العريضة وانا من طبيعتي بسرع يعني اذا كنت ماشي على مهلي بمشي على ال130
طالع على الطريق وخلصت دبي واول ما فتت على أبو ظبي وانا على سرعة 160 ومعلومكم على طريق أبو ظبي في حوالي 43 رادار ولا واحد منهم شغال المهم وانا بهالسرعة ما بسسمعلكم الا صوت ( بوف ) وصوت طرطقة قوية من السيارة بشكل مو طبيعي ... انا وللوهلة الاولى وبطريقة لا شعورية قلت انفجر الدولاب وفورا رصيت على الدركسيون وشلت رجلي عن البانزين وتركت السيارة تهدي لحالها ومترقب سيارة من الخلف جي تعبي فيني لانه كنت مستلم أقصى اليسار لكن بفضل الله ما اجتت سيارة على الحارة الي انا فيها هديت السيارة وصفيت على اليسار يعني على الخط الاصفر تبع الحاجز
تنفست الصعداء وشيكت على اهلي انه كلهم سليمين وما حدا صابته حالة صرع او انفلاج .... امي طلعت علي قالتلي وجهك زي الليمونة قلتها ماكو مشكلة
انزلت من السيارة لحتى اشوف انه رجلي بتحملني وبقدر امشي الحمد لله كانوا شغالين تمام ضرت عيني على الدولاب وبالفعل كان الدولاب بخبر باي باي
خبرت جماعتي لتنزل من السيارة لحتى اركب الستبين لحينما وقفت وراي سيار 4x4 مدنية ونزل منها واحد لبس عسكري ودار بين الحديث الأتي
العسكري : السلام عليكم عسا ما شر ..
أنا : وعليكم السلام هلا أخوي والله شوفت عينك متل مالك شايف دولاب وانفجر
العسكري : حمد لله على السلامة انشاء الله ماحدا صابوا شي
أنا : لا والله الحمد لله ربك قدر ولطف
العسكري : بس أخوي إنتا مخالف
أنا وكل تعجب ونرفزة ؟؟؟؟!!! : كيف أخوي مخالف ؟
العسكري: انتا واقف على الجانب الأيسر من الطريق والمفروض توقف على الجانب الايمن من الطريق للانه هذي الحارة هي للسرعى القصوى ويمكن يجي حد من الاخوة المواطنين مسرع وماشي بناحيتك وما ينتبه ويدعسك والقانون يقول انك لازم توقف على ما بعد الخط الأصفر من الجهة اليمين
أنا وبيني وبين حالي يلعن أبو هالتفكير : أخوي على راسي إنتا والقانون تبعك لكن تعال ناخذ الموقف بالمنطق انا ماشي على الطريق السريع وانفجر الدولاب فمن المستحيل اني انتقل من اقصى اليسار إلى أقصى اليمين ودولابي منفجر يعني بدي امشي على الجنط ولحتى اوصل لاقصى اليمين في عندي 7 حارات يعني اذا ما سفقتني سيارة بالحارة السادسة راح تسفقني بالحارة الخامسة واذا مو بالحارة الخامسة بالحارة الرابعة وهكزا لحتى اوصل للنقطة الي بيحللي ياها قانونك وطبعا لحتى اوصل لهنيك بوصل ميت شقفة وشقفة ... فيا خالفني وتيسر لانه انا وضعي جدا ميؤوس منه بهاللحظات هاي أو شمر عن ايدك وتعال لنبدل السيارة
العسكري متقهقها ومتكركرا ومبسطا : تامر ياللخو خلنا نبدل الستبين
بدلنا الستبين وركبنا كل شي تمام وقال الرجال ميسرة أخوي ولا تسرع يعني الحمد لله نفدنا من دون مخالفة
المهم وقت ال يمشيت وانا عم ادور على كازية بس لحتى اعير الدواليب وازبطهم وانا عم ادور ضربت عيني بالمرايا الخلفية وما بشوفلكم الا العسكري ماشي وراي بسيارته .. قلت لحالي شكله غير رايه وبده يخالفني فما راح رد عليه رقم سيارتي مبينة وخليه يعمل الي بده يااه .. لقيت كازية ورد رجع فات مع على الكازية وقفت عن ماكينة الهوا ووقف وراي .. نزل من السيارة واجا باتجاهي .. قالي أخوي عفوا لكن بس حبيت اخبرك انه تعير دواليبك على الـ 32 ... وقت قال هالحجي فرطت من الضحك قلتله لاحقني من اخر الجنيا لتقلي هالكلمتين ... قلي احنا موجودين هنا لسلامتكم ... قلتله روح الله يفتحها بوجهك
وهي صورة الدولاب المنفجر
هنا (http://www.alchaam.com/pic/tyre.jpg)
وهنا (http://www.alchaam.com/pic/tyre2.jpg)