رسالة إلى من يهمه الأمر [الأرشيف]

مشاهدة النسخة كاملة : رسالة إلى من يهمه الأمر

عاشق الاهلي

22-01-2004, 05:23

رسالة إلى من يهمه الأمر :
أنا عاشق الأهلي أقر وأعترف وأنا بكامل قواي العقلية والجسدية
أنني أسوأ عضو بهذا المنتدى بس لماذا ما حدا بيعرف
والله من أول ما أشتركت بهذا النتدى لا تعرضت لحدا بشكل غير
أخلاقي وبتوقع أنو ما في حدا زعلان أو آخذ على خاطرو مني
وبعد كل هالحكي بدي أعرف ليش هالظلم .
من شي جمعتين حطينا مشاركة في مسابقة أجمل بيت شعر سمعته
وحطينا مشاركة للفنان المحبوب علي الديك وحذفت المشركة
لأنو علي الديك مو شاعر
والله يا شباب يمكن ما حدا بيعرف قديش ندمت على هالمشاركة
الغبية بحقي وبحق المشرفة العزيزة دنيا .
ومن ثلاثة أيام كفرنا وحطينا موضوع جديد بإشراف أخي شادي
الطويل اللي والله أنا شخصيآ بحبو وبحترمو كتير بإسم
( إذا بدك تتفرج على سكس أدخل ) وأيش بتتوقعو في جوا
سكس يعني سته وبعض الأرقام الأجنبيه يعني شو فيها هي
وأنا مستعد أمام الجميع أظهر مشاركه في أحد المواضيع أبشع من
هي بس ليش الفضايح وبقسم أخونا شادي .

وأنا عرفان أنو رح تنحزف هي المشاركه فورآ بس حبيت أفش
خلقي شوي
وبعتذر إذا أسأت لحا بهالكلام مرة تانية
وشكرآ لإصغائكم
عاشق الأهلي

شادي الطويل

23-01-2004, 01:53

عزيزي وصديقي عاشق الأهلي

أول شي بحب طمنك أنو مشاركتك هي مارح تنحذف بالعكس نحنا فرحانين فيها كتير وتأكد أنك فيك تنتقد وتكتب يالي بدك ياه وأنا بضمنلك ما حدا يسيء ألك بكلمه على العكس كل المشرفين على أستعداد للحوار مع جميع الأعضاء ..

لكن عزيزي في نقطه لا زم ننتبه عليها كتير منيح يعني هل منتدى بيختلف تماما عن غير مواقع بتدخل عليها بالنت مثل الشات مثلا أو غيروا في أسس وقواعد للموضوع يالي بينطرح ومن أولوياتها هو عنوان الموضوع من المفروض ما يكون خارج عن النطاق الأدبي والأخلاقي وبكل صراحه بقلك أنو موضوعك عنوانوا للأسف تافه حتى لو كان مضمونه عادي وما بيحتوي أي شيء مثير ...
عزيزي أنا بحترم رأيك بس نحنا هون مالنا جالسين لحتى نصطاد أغلاط لبعضنا أنا وأنت وكل الأعضاء عم نحاول ننهض بسوريا ستار لحتى يكون أسم لا مع بين المنتديات العربيه
وصدقني منكون سعيدين جدا لو واحد من الأعضاء نبه المشرف لشي هو ما نتبه ألوا بئا المسأله ليست شخصيه معك أو مع غيرك أنا شخصيا بحترم مواضيعك وردودك بس بهل موضوع ما كنت موفق مو معناها أنو نحنا ضدك لا أبدا
وصدقني أنا أجاني أمر أني وجهلك رساله تحذيريه لكن لو نتبهت رسالتي كانت ألك عباره عن لفت نظر للأمر بس

تحياتي ألك عاشق الأهلي ..
أنا بتمنى منك تبقى على هل نشاط يالي عرفناك فيه وتستمر بهمتك لأنك عضو بارز بين الأعضاء

رنوش

23-01-2004, 02:24

له له له
عاشق الاهلي ... صديقي ... وشريكي بالحروب ضد الرجال مزعوج ؟؟؟ :(

أول شي بدي قلك انو لا تاخد على خاطرك من أي مراقب بالمنتدى ... لانو كل المراقبين هون و بدون مجاملة من أروع الاشخاص و أحسنهم خلقا وتصرفا

تأكد من هالشي عزيزي

تاني شي بحب قلك ... انو كلنا بتمر علينا اوقات منكتب اشياء غلط وممكن نندم عليها ... لأنها ما بتناسب الظرف والمكان اللي احنا منمر فيه .

على كل حال هي مو مشكلة اخي اهلاوي بالعكس ازا ما غلطنا بعمرنا ما رح نعرف الصح وينو ..

وكلام الاخ شادي صحيح 100% .. وكفى ووفى .. وهيك تعودنا منو الحكمة والدقة في الكلام

اخي اهلاوي انت شاب كتير طيوب و محترم ... وانا شخصيا لمست فيك الاخلاق العالية و خفة الظل و طيبة القلب ... مشان هيك صدقني انت فخر للمنتدى وليس العكس .

شيل هالاوهام من راسك ... ويلا ورجيني همتك معي بالحرب الضروس اللي بدي اشنها على القلم الحزين واتباعه :D

وبإذن الله رح أخلي القلم الحزين ... ملك المنتدى ... يقول :

مشان الله يا رنااااااااا ... بس انتهى ... أنا استسلمت :D

ان شاء الله ما يكون عم يسمعني هلء هههههههههههههههه

أكيد حسابي عسير معو ;)

عم ننتظر مشاركاتك الحلوة والرايقة اخي عاشق الاهلي ... وكلنا هون اخوة وأصدقاء
:)

دنيا

23-01-2004, 08:40

أخي الكريم عاشق الأهلي ..
عذرا لتأخري بالرد ...وبالنسبة لموضوع (علي الديك ) فهذا أمر عابر وتم توضيحه ..ولو لاحظت باقي مشاركاتك من أبيات شعر جميلة تم تنسيقها وهذا إن دل على شيء فهو يدل على مدى إحترامي لمشاركاتك وتقديري لها ...
أما عن الموضوع الأخر فأخواي شادي ورنا قد أوضحوا الأمر بشكل كافي وبأن الأمر لاعلاقة له مطلقا بأمر شخصي ...ننتظر مشاركاتك الحلوة معنا بس من غير (علي الديك );) :) تحياتي لك

قلم بلا قيود

25-01-2004, 09:53

لك يقبرني اللي ماخد على خاطره;)

عزيزي عاشق الأهلي..

بتعرف ان المنتديات بضم فيها شرايح كتيرة من المجتمع منهم الطفل والمراهق ومنهم بنات والشرايح هاي لازم نراعي فيهم كل كلمة وحرف ونعيد التفكير الف مرة
قبل ما ننزل الموضوع
فموضعك عزيزي اللي هو ................. كان عنوانه مش من المفروض ينكتب بهالصورة... لك انا وعمري 45 سنة رحت ركيض عليه :D ... فما بالك بالوزاويز
الصغار

لك حبيبي والله

افردها بقى...... ولحقني على القهوة الك عندي خبريه حلوه

بس انتهى

مداح القمر

25-01-2004, 10:27

حبيب قلبي عاشق الاهلي
حتى بزعلك
فيك خفة ظل

انت تدري اننا نحترمك ونقدرك وكل واحد
بهاالمنتدى يشارك ويتفاعل مع الاكسجين
قصدي مع سوريا ستار ( فعلاً صار لنا O2)
فا لاتشوف حالك علينا

وسمعنياها ......كلمة القلم الحزين

بس انتهى

ء

عاشق الاهلي

25-01-2004, 01:44

مو زعل بس عتب والعتب على قد المحبه
شادي مافي مشكله رح نعتبر أنو الموضوع انتهى بس ليش ماعمبتشارك بمسابقة توقع واربح مع أنك كنت متصدر معي خفت مني ؟
رنا بوعدك أنو الحرب ضد الرجال ماانتهت ورح فاجئهم بشي ما بيتوقعواومنشوف
دنيا رأيك على عيني وراسي ومابحسن أتخلى عنكم
القلم الحزين شو بساويلك إذا أنت نفسك خضرا

:D :D
مداح أنا جاي المسويه عالقهوه حضر العشا
وبعدين بدي أسألكم سؤال
تعلمتو العد بالإنكليزي ولا لأ

أهلاويه

قلم بلا قيود

25-01-2004, 01:52

كاتب الرسالة الأصلية عاشق الاهلي

رنا بوعدك أنو الحرب ضد الرجال ماانتهت ورح فاجئهم بشي ما بيتوقعواومنشوف
أهلاويه

هيك لكان...........:confused: :confused:

ماشي يا عشووووق :mad: :mad:

رنوش

25-01-2004, 03:23

أهلاوي ... انا تعلمت العد بالاسباني ... لأنو العد بالانجليزي عيب :D

القلم الحزين ... عمرك 45 سنة ... وبتقدر تركض ؟؟؟؟ :D

http://www.edb.utexas.edu/coe/depts/kin/images/run.gif
:D

لكونتيسا

25-01-2004, 05:57

الأخ العزيز عاشق الأهلي
يعني شوبدي أكتب ماكل شي حكوه الأعضاء الحلوين :)
بس هيك حبيت أحشر حالي :D
لأن وين مابتكون رنوش بكون أنا معها
حارسه شخصيه لأن بتعرفوا رنا صارت شخصيه خطيره في عالم سوريا ستار :cool:

ماهيك حبيبتي؟.........

قلم بلا قيود

25-01-2004, 07:39

كاتب الرسالة الأصلية ***RANA***
أهلاوي ... انا تعلمت العد بالاسباني ... لأنو العد بالانجليزي عيب :D

القلم الحزين ... عمرك 45 سنة ... وبتقدر تركض ؟؟؟؟ :D

http://www.edb.utexas.edu/coe/depts/kin/images/run.gif
:D

التنتين علموني الركض :(

رنوش

25-01-2004, 11:54

لك يخليلي ياكي يا كونتيسا شو حباااااااااااابة :)
لا تخافي علي ... انا لما بدخل موضوع ... فورا أعدائي بيطلعو منو ;)

حتى شوفي شلون القلم الحزين طلع يركض :D

قلم بلا قيود

28-01-2004, 03:17

كاتب الرسالة الأصلية ***RANA***

حتى شوفي شلون القلم الحزين طلع يركض :D

شو رنوووووووش؟؟

القلم صار بينضرب فيه المثل :mad: :mad: ؟؟؟

تجي تسابقي ؟؟

مداح القمر

28-01-2004, 03:40

كاتب الرسالة الأصلية القلم الحزين
شو رنوووووووش؟؟

القلم صار بينضرب فيه المثل :mad: :mad: ؟؟؟

تجي تسابقي ؟؟

طبعاً متميز في سوريا ستار

ء

رنوش

28-01-2004, 04:25

طبعا بينضرب فيك المثل يا قلم
شو انت قليل عندنا ؟؟ ;)

أبو البيش

28-01-2004, 10:23

لا تزعل وحياتك حبيبي العاشق

الموضوع أكيد فيه ســوء تفاهم

ودنيا وشادي ما حذفوا مشاركتك إلا من غيرتهم على المنتدى
مو لأشياء تانية أكيد

وعلى رأي المثل (العتب صابون القلوب)

والقصة كلها غمامة صيف وعدت
|19| |18| |17|

عاشق الاهلي

01-02-2004, 07:16

يسلمووووووووووو
والله خجلتوني يا أخواني
عنجد أنا كنت مفكر أنو ما حدا رح يقرأ الرسالة وحتى لو قرأها ما رح
يشيلها من أرضها ويمكن هالق أخدتو فكره سيئة عني لاقدر الله
والله يا إخواني لما قرأت ها الردود الأخوية هي صرت أبكي من فرحي
بمساندة إخوتي في محنتي وأنا ما بقيت أعرف كيف بدي أشكركن
ولما كتبت الرسالة كنت ناوي أنو تكون رسالة الوداع بس ما قدرت بلاكن
وبعتذر عن كل ما بدر مني وأرجو من المشرفين الكرام قبول إعتذاري
وبحب أشكر الأعضاء اللي شاركوني في ها المحنه :

ـ أخي وصديقي شادي الطويل
ـ أرق وأنبل رنــا
ـ العزيزة دنيــا
ـ أحلى قلم حزين
ـ حبيب قلبي مداح القمر
ـ أختنا الكونتيسا
ـ وأحلى أبو البيش
وشكرآ لإصغائكم
أهـــــــلا و يـــــة

قلم بلا قيود

01-02-2004, 09:41

كاتب الرسالة الأصلية عاشق الاهلي

ـ أحلى قلم حزين
ـ وأحلى أبو البيش

هيك زعلتني يا عاشق

واحد بس اللي أحلى

يا أنا
يا أبو البيش

اختار!!:(

أبو البيش

02-02-2004, 07:05

لا تزعــل خيو... أحلى قلم بالعالم
;)

عاشق الاهلي

02-02-2004, 10:40

ما عاش اللي يزعلك حبيبي القلم الحزين
يعني إذا بدي أعدلك صفاتك لبكرة مابخلص
ـ أحلى شخصية في المنتدى
ـ أروع شخصية في المنتدى
ـ أجمل شخصية في المنتدى
ـ .....................
يعني وبكل إحترام
المنتدى ما بيسوى شي بلاك

وشكرآ لإصغائكم
أهــلا و يــة

مداح القمر

07-02-2004, 03:57

حبيب قلبي عاشق

اسمي مكتوب؟؟؟؟

طيب

كلك ذووووووووووووووووووووق

ء

عاشق الاهلي

08-02-2004, 07:13

له يا روحي
وهل يخفى القمر
أنت شمعة المنتدى مداح
ويسلموووووووووووو

عاشق الاهلي

10-03-2004, 10:52

شكرآ لكل من رد على هذا الموضوع