المساعد الشخصي الرقمي

مشاهدة النسخة كاملة : لن أعيش في طبون أبي؟

gihad777
16-05-2009, 04:03
السلام عليكم ورحمة الله
كيف حالكم أعزائي الأعضاءالكرام
سأروي لكم قصة جرت أحداثها

بداخل عقل صاحبها .. مالص الفيش .. ومارح يركبو لحتى الله يفرجا

يلا .. متابعة شيقة اتمناها لكم أصدقائي :
منعرفكون على داسيا ...
http://www.pc4up.com/2009/5-2009/mMx74907.jpg

فتاة وسيارة عادية من عامة الشعب ...

عايشة حياة عادية ... و بتروح كل يوم على جامعتها الصبحيات ....

مرة من ذات الأيام .... يا سادة يا كرام ....

فائت الصبح بكير ....و بعد ما هندزت حالها وحطت زينتها عليها ... الجنطات والرفاريف ولزيقات أيوا وبايونير وكينوود على الازاز الوراني .... تطلعت بحالها علمراية ... شافت حالها أديش طالعة حلوة ...

وطلعت عم تزمر من بيتا ....


وأفت شوي عند الكازية لتفطر ... أخدت شوية بنزين ..شي يسند طولا يعني ... وكرّت عبر الشارع باتجاه جامعتا ...

وبالطريق ...

لاحظت عبر مراياها الخلفية ... سيارة تانية ماشية مخففة وراها ... سيارة لانسر ...
http://www.pc4up.com/2009/5-2009/KAE75131.jpg
وساعة يشعللها الغمازات ... ساعة يضويلها بالاضوية ... ويحاول يتحركش فيها ...

عملت حالها تقيلة ... وواصلت كررانها باتجاه الجامعة ... أرب اللانسر ومشي ادامها ...

وقال لها من طرف طبونه ... مرحبا ... كيفك يا آنسة ... حبيت الك بس أنو دولابك الوراني منفس ....

داسيا : طلاع من هلبواب ... روح لعاب بعيد ... أنا سيارة مهذبة وبنت ناس ... خالية العلام يعني ...

لانسر : سدئيني أنا أصدي شريف ... من وأت ما شفتك وئعت برفاريفك ...

(وهية كمان كانت اعجبت شوي بخفة زيتو وأسلوبو بتجاوز المطبات بالطريق بكل رشاقة ... هادا أكيد بيلعب رياضة كمال الطبونات أوحتى يمكن تايبو ....

آلتلو من دون ما تعطيه اشطمان ... وبلهجة ناشفة : البيوت بينفتلها من أبوابها ....

صفن هيك بينو وبين حالو : شو هلحكي ؟! لكن منوين بينفات علبيوت ؟ ...

داسيا : يعني أصدي اذا بدك ياني ... روح طللوب بابي من بابي يعني بابا ...

لانسر : وووو ... بتعرف لغات كمان ...

وافترقو عند المفرق يللي بآخر الحارة ... وكل واحد عم يتطلع باضوية التاني ... ... هية كملت بالحارة التانية ... وهوة عبا بحاوية الزبالة ...

ضلت داسيا عم تفكر طول النهار بلانسر ... وشو يعني... حتى لوكان سيارة تكسي ؟ الشغل مو عيب ... المهم الحب ... كأنو صار في شرارة كهربائية بين بطاريتو وبطاريتا ... اييييه ...

وبالمقابل ... كان لانسر عند البخاخ عم يصلح طبونو من التعباية بحاوية الزبالة ... وآعد صفنان بداسيا ... وعم يحلم أنو يجمعهون كراج واحد شي يوم ....

.
.
.

الكوازة دي مش لازم تتم الا على كثة الشاسيه بتاعي ....

أبو داسيا صار يصرخ لما سمع بالاصة ....

ام داسيا : طول بالك يا رجال... أهل الزلمة عنا جوا بالصالون ... هلأ بيسمعوك ...

جايين يطلبو باب بنتك ...طيب اذا مو عاجبينك ... شفطلهون ...

أبو داسيا : عععععععع ....

وليش بنتك المصونة مو عاجبها الاستاز روفر ؟؟ المحامي الكبير ؟ من ماركة ارستقراطية ...
من أهم عيلات البلد ...الاستاز روفر بيب بيب ... على فكرة عيلة بيب بيب من أهم عيلات البلد ...

ام داسيا : ايشوبيعرفني ؟ روح سآل بنتك يللي طول النهار على تشغيل فآسات المي والمساحات ...
زعلانة ... عرفانة انك محا ترضى بلانسر ....

أبو داسيا : لك يا ام داسيا يا ام داسيا ... أنا بدي مصلحة البنت ...

شلون بدو يعيشها ؟ المعيشة صارت غالية بهلكميون ... أأ .. بهلكميوم ...


داسيا من أوضتها : ايه بس اللانسر بتعمل بالتنكة أأل من الروفر ....

أبو داسيا : انتي سدي زمورك

ام داسيا : يللا أبو داسيا ... روح الو للرجال كلمتين ... ليكو آعد بالصالون وسمعان كلشي ...

أبو داسيا : طيب ...

بيفوتو علصالون ... بيلاؤو كل عيلة لانسر مطعوجين من الكلام يللي كانو عم يسمعوه أبل بشوي

ايه يا ابني يا لانسر ...

أحسن مو آعدين عم نصرف بنزين علفاضي ... رح اجيلك من الأخير ...

يا ابني انته مالك مازوت عنا ... الشغلة اسمة ونصيب ....

.. كبرت الطعجة بجناب لانسر ...

صار لازمها هلأ بخ حراري

لانسر : بس أنا بحبها لداسيا ...

أبو داسيا : شو يعني ؟؟ وأنا بحب كلوديا شيفر ليت ...

بس ليك شو متجوز ...

أولدز موبيل

الشغلة قسمة ونصيب ....

لانسر : جواب نهائي ؟؟؟


أبو داسيا : ايه ... جواب نهائي .... ماعندك حل غير تنسحب ...



لانسر : ايه بس داسيا محا تكون غير لئلي ...

ويللي بيفكر أنو يتجوزها بدالي ... بدي اشرب من زيتو ...

وبيشحّط هيك بؤوة وبيطلع من البيت ....


.
.
.
.
.
.

...........يتبع
*
*
سحر المعاني
16-05-2009, 05:37
ههههههههههههههههههههههههههههههه

والله ضحكت من قلبي


بتجنن كتير حلوة وممتعة بس ليش يتبع


بدي اعرف الكمااااالة جهاادو|204|


*
*
*
*
*
*
gihad777
16-05-2009, 06:25
ههههههههههههههههههههههههههههههه

والله ضحكت من قلبي


بتجنن كتير حلوة وممتعة بس ليش يتبع


بدي اعرف الكمااااالة جهاادو|204|


*
*
*
*
*
*

هدول الي بيسموهم المسلسلات الطقيقية
على وزن مكسيكية
ههههههههههه
معلش خليكي ما تعرفي تنامي |268|
*
*
القلب الكبير
16-05-2009, 09:20
ههههههههههه

بالفعل قصة خيلة وكتيررررررر حلوة

بس عنجد عنجد بدنا نعرف التتمة


مشكوررررر أخي جهاد

*
*
*
فراشـة حلب
16-05-2009, 09:23
عن جد قصة خيلة وكلماتها مناسبة تماما للوضع

وخصوصي وقت قالها أبوها انتي سدي زمورك :)

يسلموووا جهاد
gihad777
17-05-2009, 08:45
ههههههههههه

بالفعل قصة خيلة وكتيررررررر حلوة

بس عنجد عنجد بدنا نعرف التتمة


مشكوررررر أخي جهاد

*
*
*

هلا أخي عمار
نورت
*
*
gihad777
17-05-2009, 08:45
عن جد قصة خيلة وكلماتها مناسبة تماما للوضع

وخصوصي وقت قالها أبوها انتي سدي زمورك :)

يسلموووا جهاد





مزبوط فراشة
هلا فيكي نورتي
*
*
gihad777
18-05-2009, 11:24
*
*
*
في الحلقات القادمة

من مسلسل ...

.... لن أعيش في طبون أبي ....



تتابعون ...


ماذا فعل لانسر بعد خروجه العنيف من بيت داسيا ؟ ...

هل يا ترى تقبل داسيا بالعريس الذي يريده أبواها ؟؟ ....

وماذا ستكون ردة فعل روفر العريس الغني عندما سيعلم بما فعل غريمه لانسر ؟؟

وماذا سيفعل ؟؟؟؟!!




كل هذه الأحداث .... تشاهدونها فقط عبر قناة توب سبيد ...

والمسلسل السياراتي المشوق ....


.... لن أعيش في طبون أبي !! ....






فتابعونا ....
*
*
*
NASNOS
21-05-2009, 03:45
ههههههههههههههههههههههههههه
لك شو هاد
هههههههههههههههههههههههههه
قصة روعة كتير حلوة
أحلى شي .. مالك مازوت عنا
بس بدنا الكمالة

يسلمو جهاد على القصة السياراتية المشوقة
تحياتي
gihad777
21-05-2009, 09:25
ههههههههههههههههههههههههههه
لك شو هاد
هههههههههههههههههههههههههه
قصة روعة كتير حلوة
أحلى شي .. مالك مازوت عنا
بس بدنا الكمالة

يسلمو جهاد على القصة السياراتية المشوقة
تحياتي

هلا فيكي نسنوس
يلا الكمالة على الطريق
*
*
gihad777
21-05-2009, 11:13
*
*
*


- والله حديداتي تختخو يا تيتة ... كلها كم ترسيمة وبروح علمزبلة تبع السيارات ...

داسيا : لا تحكي هيك يا تيتة ... بعدك خلنج ...

ستا لداسيا : ايييه يا بنتي ... الكبر عبر ..

صايرة والله يا بنتي عم سكسك بس لاطلع شي طلوع ...

داسيا : لا تؤولي هيك يا تيتة ...

طيب صيري حطي ببانزينك مكعبات الماظوط ماجي ..

بيؤولو عنها بالدعاية أنو بتخلي البانزين صحي وأطيب ...


ستا لداسيا : هلأ بتسدئي حكي الدعايات ؟ ... شربي الكاسترول تبعك هلأ بيبرد ..

داسيا : عاجبك هيك يا تيتة ... بدون يجوزوني روفر ....

ستا لداسيا : مين روفر يا بنتي ؟

داسيا : روفر ما عرفتيه ؟ روفر ابن أبو روفر ...

بدي افهم .. شو يعني اذا كان أبوه ضابط بالجيش ؟

ستا لداسيا : مين ؟ ما غيرو ؟ الجنرال موتورز ؟؟؟

داسيا : ايه

ستا لداسيا : والله يا بنتي تعي لاحكيلك اصة ...

هادا يا ستي ... انا وجدك ... جدك فورد أبو دعسة اذا بتتذكريه ... كنتي لسا سيارة مطارأة .. يعني كنتي صغيرة وأتا توفى ... ألله يرحمو ... راح فرئ عملة ...... اجت شغلتو مباوسة مع كميون ...... لا تفتئيلي اشطماناتي ......
تجوزنا بعضنا بالتقسيط ... لأنو جدك ألله يرحمو كان أندبوري ...

بس كانت جوازتنا عن حب ...

ايييييييه ...
شو بدي الك لالك ... ما سدأنا ايمتا اجتمعنا تحت سئف كراج واحد ... وحتى كان بيدلف ... بس ما كان هاممنا يا تيتة ... المهم الحب ... هيك كنا نفكر أول الشي ... اييييه ... بتذكر كيف كان جدك ينذكرو بوابو بالخير كيف كان يؤوم بنص الليل ويحط الشادر عليي مشان ما ابرد ... ايييه ...

بس بعدين ... كلشي تغير يا تيتة ...

داسا : كيف يعني كلشي تغير ؟

ستا لداسيا : بعد ما اجتنا امك بكم شهر ... دائت الدنية علينا ... واتعرف جدك على شلة سيارات زمرجية كان يروح يسهر معهون بكازيات سمعهتا مو نضيفة لنصاص الليالي ...

واتدهورت الاصة معو ..

حتى صار يشرب بنزين مخلوط زيت كاز .....


بس آخر الشي .. ألله هداه ...

تعرف على تراكتور صالح ...

خلاه يرجع للطريق المستقيم .....

داسيا : وين هادا الطريق يللي بآخر الخط ؟

ستا لداسيا : ايه طريق المطار ...

وهيك صار يشتغل على خط المطار ... يروح ويجي ويجي ويروح .. لليوم يللي زحط دولابو ...

سنديني يا تيتة ... الراديتير عم ينغز عليي ...

داسيا : اطلبلك المكنسيان ؟

لأ لأ مشي الحال ... هلأ بس لصف ناح تختي برتاح ...

بأة هيك يا تيتة ... مو بس القلب لازم تفكري فيه ... بكرا دبّو البنزين تبعك وتبع ولادك مين بدو يعبيه ؟

داسيا : بس يا تيتة أنا ما بحبو ... موديلو مو ناجح ...

ستا لداسيا : الموديل مو كلشي يا بنتي ...

داسيا : وكمان المصاري مو كلشي يا تيتة ...

ستا لداسيا : والله مالي عرفانة شو بدي الك ...

شوفي موتورك شو بيئلك ... وكمان بنفس الوأت فكري بشكل عقلاني ...

لحئي دركسيونك .......

بامكانك تختاري روفر ... وبامكانك تمشي بالطريئ يللي مشينا فيه أنا وجدك ...

داسيا : طريئ المطار ؟ ...

ستا لداسيا : لأ المتحلق الجنوبي ...

بأة يا بنتي الخيار عائد الك ...


تتا رتت تييي تتا رتاتاتا تيييي (موسيقا تصويرية حزينة) ....


*
*
*
يتبع
سحر المعاني
21-05-2009, 04:00
ينذكروا بوابو بالخير

هههههههههههههههههه


بس شكلها المسكينة رح تتأزم بدون لانسر


بتجننن لك كتير عاجبتني


بس بضل بنئفش وبلاقي يتبع |422|


يسلمو جهااد وربي يسعدك بس لا تطول كتير

*
*
*
*
*
*
gihad777
21-05-2009, 04:58
ينذكروا بوابو بالخير

هههههههههههههههههه


بس شكلها المسكينة رح تتأزم بدون لانسر


بتجننن لك كتير عاجبتني


بس بضل بنئفش وبلاقي يتبع |422|


يسلمو جهااد وربي يسعدك بس لا تطول كتير

*
*
*
*
*
*

هلا سحورة
والله يا سحورة بدك تستني
لأنو هي القصة عم تتألف لسا
يعني مو جاهزة كلها
بقا يتبع يعني يتبع
والله يصبركم وقت غيب شي اسبوع
هههههههههههه
*
*
NASNOS
22-05-2009, 01:56
هههههههههههههههه

قال صار يشرب بنزين مخلوط زيت كاز

هههههههههههههه
و الله هالئصة روعة ...
الموتورات عم تحمى أصدي الأحداث عم تحمى |268| |268|

منتظرين البقية جهاد .. ما تطول
gihad777
23-05-2009, 09:57
هههههههههههههههه

قال صار يشرب بنزين مخلوط زيت كاز

هههههههههههههه
و الله هالئصة روعة ...
الموتورات عم تحمى أصدي الأحداث عم تحمى |268| |268|

منتظرين البقية جهاد .. ما تطول



هلا فيكي نسنوس
بدكم طولوا بالكم عليي
لأنو القصة لسا ما خلصت تأليف
بعدين بيجوز ما افضى فوت على المنتدى هالاسبوع
لأنو بدي اعمل عملية ان شاء الله
*
*
NASNOS
24-05-2009, 01:38
ألف سلامة ..
تقوم و ترجع بخير و عافية
gihad777
24-05-2009, 11:35
ألف سلامة ..
تقوم و ترجع بخير و عافية

الله يسلمك لحبابك نسنوس
ويبارك بعمرك وبصحتك
*
*