مقابر للزيارة عبر الأنترنيت....... [الأرشيف]

مشاهدة النسخة كاملة : مقابر للزيارة عبر الأنترنيت.......

دنيا

29-04-2003, 06:44

زيارة المقابر عبر الإنترنت....:eek:
في مساعي من الجهات المعنية في الصين لتقليل الازدحام في المقابر بدأت تحث المواطنين على التعبير عن احترامهم لأقربائهم من الموتى عبر شبكة الإنترنت وذلك في مسعى لتقليل الازدحام في المقابر
ويقوم الصينيون بزيارة قبور موتاهم في سياق مهرجان تقليدي يتم تنظيمه في شهر أبريل من كل عام، مما يؤدي إلى ازدحام شديد في تلك المقابر
وقد أصدرت عدة جهات حكومية بيانات مشتركة تطلب من المواطنين ممارسة هذه الطقوس عبر الإنترنت خلال العام الجاري، ويرجع هذا النداء أيضاً إلى العديد من حرائق الغابات التي تنجم عن قيام أقرباء الموتى بحرق العملات الو رقية من أجل موتاهم
ويؤدي هذا المهرجان سنويا إلى ازدحام شديد في حركة المرور ،وقد قامت عدة مقابر بإقامة مواقع على شبكة الإنترنت في مسعى لتلقي عبارات الاحترام التي يوجهها المواطنون إلى موتاهم حسب معتقداتهم .........مارأيكم بلتطور؟؟؟:)

جورية

29-04-2003, 09:52

بسم الله الرحمن الرحيم
اصدقائي الغاليييييييين
السلام عليكم و رحمة الله و بركاته

يا عيني يا عيني لك شو هل التطورات هي
لا غير شكل بجد هي سمعة
لك يعني قولتك دينا لو بعتوا للموتى
بطاقات تعزية يا ترى رح توصلهم؟؟؟؟؟؟؟
يعني تصوري هل المشهد

وحدة عربية و مات زوجها
و بدها تكتبله بطاقة لقبره شوفي على هل البطاقة و احكمي

يا ابو عبدوووووووووووووووووو
يا ابو ولادييييييييييي
يا سنديييييي
يا حيط بيتي
لك وين رحت و تركتني لك يا لهوتيييييييييييييييييييييييييييييييييييي
يا مستتني يا مهنيني يا ساتر عيوبي
لك على مين بدي نكد هلء انا؟؟؟؟؟؟؟
لك على مين بدي صرخ انا؟؟؟؟؟؟؟؟
لك مين بده يتحمل غلاظتي و سئالتي يا لهوتيييييييييييييييييييييي
لك وين حاطط المصاري يا بعلي
لك دورت و ما لقيتهم لك وينهم يا ابو عبدووووووووووووووووووو
لك يا ريت لو تجيني بالمنام منشان اعرف وين حطيتهم
لك يا سنديييييييييييييييييييييييي
تعال شوف امك شو عملت فيني
تعال شوف ضناك شو عمل فيني
تعال شوف اخواتك لك و لي عليهم شو نفسهم دنية
لك ريته اخوك راح و لا انته
لك شو احكيليك لاحكيلك رحت و تركتني يا بعلي
عم انتظر تجيني بالمنام يا عمريييييييييييييييييييييييييي
و بعدين شو رائيك بجارنا اللحام؟؟؟؟؟؟؟؟؟؟؟؟
اجه و طلب ايدي قال بده يستتني و ياوي هل الايتام
ابعتلي رائيك بالمنام ما تنسى
و الى اللقاء ييييييييييييييييييييييي يبعتي حمى
قصدي الوداع و لا لقاء(بعيد الشر عني لساتني صبية انا)
سلام يا ابو عبدووووووووووووووووووو
سلام يا غاليييييييييييييييييييييي
لا تنسى المصارييييييييييييييييييييييييييييي
و عجبي

B O B

29-04-2003, 10:52

وانا اضم صوتي االى صوت دمعة في غربة
ولعموم الكلام جميل في تذكير
من بوووووب

دنيا

29-04-2003, 06:18

احلى وأجمل تعليق وصدقيني نسيت الخبر وانشغلت برسالة أبو عبدو ....وللحق قلت ياترى وين حاطط أمواله قولك فين ياجورية ؟؟؟.;)......شكرا لمشاركة أحلى وردة ....:)

دنيا

29-04-2003, 06:23

شكرا لمشاركتك معنا ....وبتمنى تكون الأخبار حلوة .وتعجبكم........

شادي الطويل

30-04-2003, 04:10

مــــــــرحبا يعني لسى لصين ماجبتيلنى أخبارها يادنيا ... |3|
يعطيكي لعافيه ..... كتير حلوه لخبريه ...
وجهزي حالك تكت لطياره .... جاهز عل يابان شوفيلنا .... شوصاير عندون ....
عم نستناكي نحنا .......................

|4||4|

دنيا

30-04-2003, 05:02

سعيدة بمشاركاتك وردودك الأجمل .....بس عن جد شو رأيك بهيك معلومات مو كل مراسل صحفي بيجيب هيك أخبار صح؟؟؟وبعدين أنا جاهزة بس بعات تيكيت الطيارة وأنا مهمتي روح على اليابان وجبلك أحلى خبر.......:)

شادي الطويل

30-04-2003, 05:50

ولو معئول أكيد صح ومية صح ....:) وبعدين بحب خبرك خلص شلنا رسيفرات ...
من بيوتنا وعم نستنا أخبارك وبس .... هلء من شان ليابان .........
دنيا أنتي روحي هلء وبس ترجعي .... ;)بحاسبك أنا .. ;) شوما بتسدئي حدى يئلك كلمه ............ دغري بتكمشي عليها ...|3|
لوعندي تكت كنت رحت وشفت صاحبي سوزوكي وأكلت كم صحن رز ...... بالعصي تبعهون وشفت أخبارهون ورجعت ....ههههههههههه:D..

دنيا

30-04-2003, 05:58

منيح طمنتني أخ شادي أنك شلت الريسيفرات بتعرف ليه ؟؟؟؟.:confused:......حتى أخد راحتي بلأخبار ومو تقللي هاد صح وهاد غلط ......;)...
وبعدين أنا بعرف أنو شادي لما بيقول كلمة مو حلوة يرجع فيها ..:eek:...لذلك أنا مصممة على البطاقة ومارح عديها واذا بدك أنا بسلملك على سوزوكي ومازدا كمان .....|3|.....

شادي الطويل

30-04-2003, 06:14

هههههههههه

واللــــــــــــــه أفحمتيني يادنيا وتكرم عينك ياستي .....
مو بس عل يابان ..... وعلا موزامبيق كمان ........:p

وبعدين تعي لألك ... شو تاخدي راحتك يعني بفهم من هل شي ...
أنو مارح تجيبي سيرتي بولا .. خبر لازم صورتي تكون وراكي ...
;) ;)
وأنتي عم تأدم لخبر لكن ... شو بدي لففك لدنيا على حسابي .....
وما حدا يعرفني ... ياحبيبي شو ستفدت أنا .....
:o :o
وينك دنيا أهم شي أنا بين ........ ونشا الله بتخربي لدنيا مادخلني ...
تفئنا ويالله رح أعطيكي أقامه شهر بسيرالنكا خليها تبين ..
معك ........................

دنيا

30-04-2003, 06:28

أولا يأخي شادي أنت عبتسمع أحد ث الأخبار ....;).....وثانيا أنا مراسلة بأسم المنتدى;) وثالثا مو لما خلص الخبر بدي قلهم دنيا من منتدى سوريا ستار :cool:صح؟؟؟ورابعا اذا خربت الدنيا معناها مافي دنيا وهيك يعني مافي ولا خبر ...:(.....وخامسا أنا مو طماعة بروح عليابان وبخليلك سيرالنكا ...;)....وسادسا بعد قليل شوف أخر خبر جديد رح جبلكم ياه....:)....وشكرا لمشاركاتك الحلوة أخي شادي .......

B O B

30-04-2003, 10:20

العموم شكرا على رد جميل في كل كلمة
كتبة في المنتدى دينا ..........شادي الطويل
من بووب
الاختلاف في الرائ لا يفسد للو قضية

Adigha Man

30-04-2003, 04:04

يحرق حريشهم هلأ صارت زيارات المقبرة عالنت ياترى في عندهم الأموات إيميلات

إذا حدا بده يبعتلهم إيميل كمان ؟ :D

شكرا" دنيا على مواضيعك المميزة والشيقة ;)

B O B

01-05-2003, 12:11

Adigha Man
عندي سوال
ماهو يخرب بيتك؟
جوووب
من بووب

دنيا

01-05-2003, 02:10

شكرا لمشاركتك أخ بوب.........

دنيا

01-05-2003, 02:16

شكرا لمشاركتك معنا وتشجيعك لي بأن أختار لكم أخبار تسعدوا بها ....:).....